اتجازيني حبا

28.

#اتجاريني_حباً؟!
.
.

لمياء :

حسيت على اذان الصبح
كعدت توضيت و صليت

احس بتعب مو طبيعي
تعب من كل النواحي
من الدنيا واذيتها
من امي ومشاكلها
من الظرف الي احنة بي

هاي صبحنه اليوم ثاني يوم الفاتحة الله اليستر شراح يصير اليوم ! يومية مشكلة وتفرفح

كملت صلاتي و فتحت القرآن قريت 3 أجزاء و هديتها لروح ميامن، عسى ربي يتقبل و يرحمها برحمته الواسعه

ياربي كلنه هذا طريقنه
اللهم نسألك حسن الخاتمة 🤲🏻

كملت صارت ساعة ب٧ الا ربع
لميت السجادة و حست براق كامت تحضرت وباقر اخذها لبيتهم تسبح وتبدل وتجي ..

صبحت عليهم و نزلت سويت جاي خليتة يتهدر براحتة بين ما يكعدون عود اسوي ريوگ
طلعت دجاج وخليتة عالنار طبختة يراد غدة

هم راح يجون الاقارب ، بين ما كملت اجتي حور يمي احسها حبابة عكس خواتها

صبحت علية وبدينا نحضر بالريوك
كعدو الكل وانجمعنا نتريك
وكل واحد بينه الف حسبه اباله دايخ بيها
عدا امي كاعدة تاكل بكل نفس مفتوحه
تحجي وي مرت خالي منطلقه
كلش مو مهتمه لحزن ابنها و مصيبته

قيصر ما تحمل الوضع اكثر عاف و صعد

شوي و نزل مبدل
طلع كرار وياه هم انسحب منورة بسامير امي

كفيت السفرة بعد ما كملوا
وكفت غسلت الماعين و حور مسحت الميز

بهالاثناء جان نسمع هوسة بباب البيت
ودك عالباب قوي نرعد گلبي خاف اكو شي

طلعت اركض اجانه الصوت العالي و الصرخه
( ولج يممه)

گلبي رجف يا ستار يا ربي منو هذولة ما ادري

البنات هم اجن للمطبخ على الصوت يشوفن شكو

دخلن مرة و بنات ثنين و المرة تصرخ و تنعي و البنات يبجن، كعدت المرة بالطرمة تضرب على رجلها

الام، اصاله : ولج يمه وين رحتي، وج يمممممة ، بعدج صغيرة مو الج سكنه الكبور ولج يوووم 😭 وج مياامن سمعيني صوتج يممممهةةةة

تقاجأت من عرفتها منو
بس ماكدرت اتماسك اكثر نوحها يكسر الكلب
نزلت دموعي وياها وعليها

جرتها وحدة من البناات كلتلها : يمه ضغطج وين ننطي وجهنة بعدج

اصاله : وج يمه بنيتي راحت رااااحت

كامت تضرب على صدرها و تبجي
رحت يمها كومناها اني و البنيه يمكن بتها

طببناها للمطبخ و هي ولا سكتت
تعدد و تبجي گلبها محروك على بتها