اتجازيني حبا

29.

#اتجاريني_حباً؟!
.

"‏حتى عندما أعجز تماماً عن قول الدُعاء المناسب لشعوري، كان يكفيني جداً أن أضع يدي على قلبي وأردد: "اللّٰهم قلبي لأطمئن وانجو"

.
.
عذراء :
.

مرت الايام والايام صارت اشهر
و احمد صار هو كل وقتي
حبيت وجودة بحياتي
مرات اكول هذا الطفل الله عوضني بي عن حرماني من الاطفال ، خلاني اعيش الامومة بكل تفاصيلها
من خوف
من سهر
من قلق
من فرح
من رعاية
من عناية
من كلشي

احساسي اتجاهة وكأني فعلاً امة الحقيقية وهو بالمقابل تعلق بية ويدورني من بين الكل
بس اشوف ضحكتة انسى الدنيا وما بيها ..

بدت تبين ملامحة وظهر جمالة يخبل ابيض مدبدب وخدودة بيها حمار وعندة غمازة على ابو رموشة طويلة على امة الله يرحمها 

صار عمرة ٨ اشهر و ٢٠ يوم ، بدة يطلع سنون شكلة كلش حلو زايدتة جمال وكبران واحسة يفهم شنو احجي وياه ويتفاعل وياية ويحس بية

من يشوفني ضايجة لو مهمومة هو هم يضوج ويحاول يسوي حركات حتى اضحك ، فدوة اروحلة من عمري على عمرة الله يحفظة الي ولابو

طبعا مرت ٦ اشهر على وفاة ميامن الله يرحمها
لمياء تم طلاقها من اول جلسة و بكل سهولة لان سيف ابد ما عرقل القضية والحمدلله ترك حضانة محمد الها

بعد اربعين ميامن تحدد عرس براء
لمياء تكفلت بكل التجهيزات طبعاً وبدعت من كل النواحي و راها بفترة بسيطه كاظم اخو براق تزوج وهم لمياء التزمت التحضيرات من شافت صدك نجحت و سيطرت

حجت وية قيصر عن مشروعها وهو شجعها
فاتح الولد بالموضوع على شكل الاقتراح من عندة هو حتى يكبرون المعرض ويصعد اسمهم وهسة الوكت يدور هالامور

كدر يقنع الولد بفكرتة وبالفعل خصصولها جانب من المعرض لاعمالها وديكوراتها وحققت طلب ونجحت وطبعا المساعدين الها همة اخوتها صارولها سند وحزام ظهر وشموع تنور حياتها

خلال هاي الاحداث و الايام اللي مضت
قيصر يجينا بالاسبوع مرة او مرتين يشوف حمودي

صار تواصل بيناتنا ثنينه علمود حمادة
مرات ندردش سوالف عادية
و مرة بلغني راح يبدي بعلاج فيزيائي علمود ابنة
و ولازم يعتمد على نفسة لان اخوتة الولد ما مسخرين الة ٢٤ ساعة لمشاويرة ومساعدتة و خصوصاً همة على باب زواج ومسؤولية واستقلالية  .. الى متى يعتمد عليهم

و اكيد اني شجعتة على قرارة
و بالفعل بدة بالعلاج وعندة هدف يريد يوصلة وهاي صارلة تقريباً ٦ اشهر يتعالج

ان شالله اكو نتيجة لان هو يكول علاجي يريدلة وقت ، مرتين طلعت وياه علمود لقاح حمودي بس مو وحدنا مرة كرار ويانة يسوق و مرة باقر