#أتجازيني_حُباً ؟!
.
.
شعُور حلو لما تبادر بشي متردد تسويه وتلاقي ردة فعل ترضيك 🥺♥️.
.
.
واثق :
بعد كلامها وي منير و نظرتها إلي و طلعت دمعتها بعينها ، بقيت افكر شنو يعني فكر هذا
لحد ما طخت براسي !!
معقول سمع شنو گتلها ؟
اصلا شلون نسيت نفسي انه بعد محد من الطلاب يدري
واثق .«منير انتظر»
انتظرت الطلاب طلعوا بقه هو
منير .«تفضل استاذ»
واثق .«شنو كلت لسراء»
منير. «هيج بيناتنه»
واثق. «مننيير ، احجي شوف بدت تصعد بعد»
منير. «سمعنه كلتلها بالبيت ، وبصراحه فكرنه انه بينكم شي»
واثق. «وهيج سهله يعني تطعنون بأعراض العالم»
منير .«اعتذر استاذ»
ضربته بوكس 👊
واثق .«وبعدين !! تقبل اكول حضرتك عندك فلان شي وي غفران لأنك 24 ساعه وياها»
منير .«استاذ غفران متزوجه و زميلتي بس»
واثق .«وسراء شنو !؟ هاي مو طعنت بأخلاقك شفت شلون»
منير. «اعتذر أستاذ ما تنعاد»
خله و طلع و طلعت قهري بالقاعه كسرتها
شوي و طلعت شفتها منتظرة و يمها سماح
رحنه للبيت واني احاول اكون هادئ
اليوم هواي عصبت عليها ماريد تخاف هيج
دخلنه صعدت كدامي تشوف طريق
حتى كعدتي هنا مقيدتني
لو ارجع للشقه اشرفلي و ابردلي راس
صعدت و صحتها تجي للغرفه
شفتها راحت غرفتها
الصبر يا الله وي هالانسانه
شوي و دخلت الغرفه
واثق .«احنه هسه بالبيت ، وين الحلقه»
سراء .«ابدل و اشوف وينها ، غيرة»
واثق .«هسه تدوريها وتجين»
سراء .«موجودة بس ابدل و البسها عود»
واثق .«سراء ، دشوفين حالي تردين تزيدين تعبي»
سراء .«اهدئ ماله داعي عصبيتك كلها ، اني اللي تاذيت اول تالي و اني اللي نحجه عليه ، ما مسك بشي الكلام حضرة الاستاذ»
واثق .«صوتج من تحجين وياي»
سراء. «شكد صيحت عليه اليوم ، كثرهن كرهتك»
طبت غرفتها و قفلت الباب
كرهتيني !!!
ماشي
بدلت و حضرت اغراضي و طلعت
صارت بوجهي عذراء
واثق .«عذورة ، سراء ممنوع تداوم هالاسبوع ، اني طالع ارجع الجمعه احضر العقد»
عذراء .«عزة وين رايح ! شبيها حتى متداوم»
واثق .«بينه هي تعرف بس لا تخليها تكسر كلمتي ، ولو لمرة خل تسمع اللي اكوله»
عذراء. «على كيفك وياها واثق ، تذكر من كتلي بس اخليها على اسمي و اني اخليها تحبني ، صدك بعصبيتك هاي رح تخسرها»
واثق .«الله كريم ، وها لا تكولين شوكت راجع»
عذراء .«عالاقل فهمني شنو دتسوي»
واثق .«اريدها تحس بغلط كلمتها»
عذراء .«انتبه على نفسك»
واثق .«ماشي ، يلا سلام»
خليت و طلعت ، شفتها واكفه بالشباك تنظرلي
صبريلي بس .. اخليج تطلبين أرجع
_______ عذراء تروي _______
YOU ARE READING
اتجازيني حبا
Romanceقصه باللهجة العراقيه / عين من الواقع دائما ندعي و ندعي و مرات يوصل بينه الحال نكول انه الله سبحانه ما يستجيب النه بولا دعاء طول السنين و السبب هو قله صبرنه و جور الأيام علينه بس يا ترى فكرنه انه كل هاي الأوجاع نقاسيها حت الله يقدملنه فرحه تمحيهن م...
