اتجازيني حبا

41. و الأخير

#اتجازيني_حباً؟!
.
.
قالت : تحدِّثْ عن ودادكَ يافتى
صِفْ لي غرامكَ والجوى يا شاعري
قلتُ اسمعي منِّي فإنيَ عاشقٌ
أسكنتُ حُبكِ والغرام بخاطري
قالت : الهوى والحبُّ
أنتِ والمنى
يامن لكِ عِشقي وكل مشاعري
أقسمتُ أنِّي قد جعلتكِ وجهتي
من حبِّ مثلكِ ليس بخاسرِ
.
.

عذراء :
مر شهر رمضان على خير وبركة و محبة و الحمدلله مرتاحين ، صبحنه اليوم اول يوم العيد
من عاداتنا اول يوم العيد نبقى ببيوتنا بين افراد العائله نگضيه وفعلاً هذا الصار، الظهرية اجوي كرار و باقر عايدو قيصر باعتبارة هو اخوهم الكبير شوية وطلعو ثلاثتهم راحو لبيت عمهم علي يعايدو
للعصر يلة رجع قيصر اخذنا تعشينا برة ورجعنا

صبحنا ثاني يوم بـ١٠ ونص الصبح رحنا لبيت اهلي التمينا كلنا وصارت الاجواء كلش حلوة الرياجيل بالاستقبال واحنة النسوان بالصالة، اجتي براق هم تعايد ماما وبابا كل سنة هي تجي تعايدهم تكللهم انتو اهلي وهالسنة وياها بسمة وشافتنا كلنا ملمومين بقو ويانة ، سوينة ميز فواكه وحلويات

ماما : خالة بسومة عالخير افتهمت من براق حامل ماشالله

بسمة : اي خالة الحمدلله والشكر

ماما : بالخير وبالتمام الله يسهلج ويسهل على كل البنات

سراء : مبروك بسومة ماشالله بناتنا نصهن حوامل يوم لبراق وعذراء ان شالله

الكل : ان شالله

براء : اني مابقالي شي وارتاح دااموت فد مرة من الثقل

سراء : اي عادي هسة يجيج الثمن و التاسع هم اثقل يصير

براء : عااااا هو هسه و طلعت روحي

ماما : ياااا لامعليج منها كل وحدة حملها شكل

براق : اي صح كل جسم يختلف عن جسم

زينب : اني دربي طويل ، يعني ما نتبهذل مثلها

ماما : لاااا عمة انتي ماشالله خلصتي الثلث الاول الصعب الباقي سهل معليج بغيرج

عذراء : يووووو دعوفونة من الحمل وهالسوالف ، زنوبة شعجب ما رحتي لبيت خالو اليوم انتي ثاني يوم تروحين

زينب : والله علمودكم مشتاقة لهاللمة الحلوة البارحة رحت عايدناهم ورجعنا اني وياسر وباجر يوديني الصبح وبالليل نرجع عود

ماما : اي الله وياكم تونسو ورجعو شعدكم استغلي عطلة ياسر 😉

زينب : ههههه اي وهو كذلك

سراء : يااا ماما لاتعلميها على يسوري صيري عمة وتعاركي وياها هههههه

ماما : لااااا يمة اني اتعارك وية زنوب يمة فدووة لعينها ( سحبت زينب حضنتها وباستها من راسها ) هاي الغالية مرت الغالي هي البقتلي كلكم عفتوني وهي الي بقت وياية