اتجازيني حبا

3.

#أتُجازيني_حُباً ؟!

.
.
مَكانُكَ مِنْ قلبي أَعَزُّ مكانِ
‏وإِنْ كنتَ تَرضى ذِلَّتي وهَواني
‏وجَوْرُكَ عَدْلٌ والصُّدودُ تَعَطُّفٌ
‏وهَجْرُكَ وَصْلٌ والبِعادُ تَداني
‏وكلُّ الذي تَرضاهُ مِنّي هو الرِّضا
‏وكلُّ المَنايا في رِضاكَ أماني"
.
.

سراء :
و سواها واثق صدك
المغرب إجه عمي ! شوكت لحك ما ادري
و كعد وي ابويه و طلبوني
كله صار واني بغرفتي مشدوهه
توقعت يرفضني بعد ما حجيت وياه هيج
توقعت يحس انه تجاوزت عليه و يتخلى
بس خيب ضني و بقه متمسك بيه

امي تدك بالباب تريد افتح واني معاندة
ما اكدر اطلع هيج
گلبي رح يبقى ياكل بيه اكل
كمت توضيت و وكفت على سجادتي صليت ركعتين لأم البنين تسهيل أمر
اريد اندل طريقي والله اني مو كد هالشي
بعدني هستوني دا اشوف حياتي
يريد يربطني بيه ليش !؟

فتحت قرآن الاستخارة و أخذت
كملت الدعاء و الصلوات و فتحته
اول شي وكعت عيني عليه هاي العبارة من الآيه «وَاصْبِر لِحُكّمِ رَبِّكَ فَإِنّكَ بِأَعْيُنِنْا» .. وعلى جهه مكتوب خيرة جيدة .. عامه و معامله و زواج !!!

غلقته و لميت مصلايتي و فتحت الباب لأمي
امي .«وج شلون وي عنادج سويرة ، عمج من ساعه دزني عليج وانتي هيج شاتلتني»
سراء .«هسه انزله»

امي .«يمه فدوة اروحلج لا تعصبين ، تعرفين ابوج ما رح يجبرج اذا ما تردين وضحي سببج بهدوء احنه كلنه وياج و ابن عمج هم ما رح يعترض لان هو اللي طلب يسمع منج»

سراء .«لتخافين مامه»
شلت صايتي و الشال و الكتاب و نزلت
لفيت الشال عدل و دخلتلهم

سراء .«سلام عليكم ، شلونك عمو»
عمي ليث .«هلا هلا بيج باباتي شلونج»
سراء .«حمدلله عمو»
ابويه. «تعاي بابه كعدي»

كعدت يمه و الكتاب بعدة بيدي حاضنته
هو وبابه فتحو الموضوع
و بابه كال انه ماكو شخص يامني وياه غيرة
حرف ما نطقت لحد ما خلصوا طلعت من الصاله
استوقفني واثق .«لحظه سراء»

واثق .«تأكدي هالشي بيه سعادتنه ، انتي هم مو بس اني»
التفتت عليه و خليت الكتاب بيدة
نظرله و خله اصبعه بالمكان الفاتحته حتى ما يخبط
اخذة من ايدي شاف شنو و رجع نظرلي

واثق .«جوابج !»
سراء .«بيدك موجود»
واثق. «يعني ابلغهم»
سراء .«اللي تريدة»

تركته ورحت الحمام فتحت الدوش عليه
ما بجيت أبد ، لا ما ريد اضعف
بس اريد اصدك هاي صدك اللي ديصير

مدري شكد مر وقت ندكت الباب

عذراء .«سرو حياتي !! سروءة فتحي الباب»

بقت تدك لحد ما نهضت نفسي منگعه
اني و ملابسي كلني جوة المي

فتحت الباب صفت على حالي