#أتُجازيني_حٌباً ؟!
.
.
چنت اصدگك واني اعرفك
چان مو لعيوني بچيّك
ليش گتلي يجوز احبك
وبمراجيح الدغش لاعبت حچيك
- كرار الصيمري .
.
.
عذراء :
على صوتي كلهم التفتوا ينظرولي
عذراء : قيصر ! كولي هذا كذب لا تسكت
كولي هاي المرة مو مرتك فدوة
فهمني شنو سويت حتى تتزوج يعني ؟
شنو اللي قصرت بيه وياك ؟؟
باقر : كافي عذراء ارتاحي و نحجي عود
عذراء : لا مو كافي باقر مو كافي
تعرفون شكثر منتظرة هذا اليوم
شكثر منتظرة شوفته تاالي هيج يرجعلي متزوج ؟
عمتي : اصعد غرفتك يمه معليك بيها
ميامن : انتي بلا صوت ترة يرادله راحه
كرار : انتي صوتج ما سمعه فااهمه
ميامن : امشي عيني قيصر
عذراء : قيصر
بقيت انظرله بانكسار و ألم
يمكن عندي لو يرجع على الكرسي
ولا يكسرني هيج كسرة
اي انانيه تكولون عادي
بس يرجعلي و هو متزوج !!
ليييش 😭
من تسع سنوات اني انتظر هاي اللحظه
ليش هيج صار ليش
دائما صابرة و ايماني بربي عالي
دائما اكول رح تفرج عليه اكيد
ما يمر ليل الة و يتبعه صبح
ما تمر كُربه الة و يتبعها الفرج
بس اللي صار أبد مو هذا
يا ربي فهمني رح اجن
اشوفهم يصعدون كدامي ومكدر اسوي شي
لازمته و تصعدة على كيف
تدخل غرفتي براحتها 😭
إجه يمي كرار كومني نترت ايدة
عذراء : انت هم تدري وما كتلي
ليش ما حجيت جان ما رجعت و اشوف هالمنظر
كرار : ما ادري ، بارحه يلا عرفت متزوجين
باقر : عذراء احنه مراضين و حجينه عليه هواي الله شاهد
كرار : ما نسمحله يأذيج احنه وياج ماشي
عذراء : شيفيد كرار 😭 نار بصدري تسعر والله
تركتهم و صعدت اسمع صوتها و ضحكها بغرفتي
شلون نطاه گلبه يعني !
شلون يا الله والله هذا اختبارك قاسي وياي
دخلت الغرفه ثنينهم جفلوا بوجهي
مسحت دموعي و اشرت عالباب
عذراء : تطلعين برة غرفتي يلا
ميامن : حبيبتي اني مرته
عذراء : تطلعين لو اراويج اللي كدامج شنو تسوي
قيصر : روحي هسه ميامن
ميامن : ماشي حبيبي لا تطول انتظرك 😘
عذراء : حبتج حيه مسمومه مثلج
فاتت من يمي طلعت و هي تتماوع
خطوتين ما تعرف تمشيها برزانه
جسمها كله تخضه وهي تمشي
عذراء : هاي اللي فضلتها عليه
قيصر : اعرف حقج بس ترة من حقي اتزوج
عذراء : نعم ؟ شنو شنو ! من حقك !؟
ليش هو شنو اللي حقك بيه تزوج ؟!
قيصر : ترة الله محللنه النه لا تبقين هيج تسوين
عذراء : انتو تعرفون الله بس بالزواج !
الله كال من تقصر عليكم روحوا تزوجوا
الله كال من ما تنطيكم حقكم روحوا تزوجوا
من ما توفرلكم شي بس مو هيج قيصر
فهمني شنو من هذا اللي قصرت بيه وياك !
هدمت مستقبلي حتى ابقى وياك
تحديت اهلي و اجيت واني اسمع من اهلك عجايب بس ساكته علمودك وبس تالي هيج تجازيني ها .. قيصر انت شنو من بشر فهمني
YOU ARE READING
اتجازيني حبا
Romanceقصه باللهجة العراقيه / عين من الواقع دائما ندعي و ندعي و مرات يوصل بينه الحال نكول انه الله سبحانه ما يستجيب النه بولا دعاء طول السنين و السبب هو قله صبرنه و جور الأيام علينه بس يا ترى فكرنه انه كل هاي الأوجاع نقاسيها حت الله يقدملنه فرحه تمحيهن م...
