#أتجازيني_حُباً ؟!
.
.
خاسرها ويدور ربح
حسباله اكو يعوضونها
كولوه مونسمة عشك
شتنفست من دونها
سحرولك!!!
اقنعنة بسحر يقوة على سحر عيونها ♥
عذراء :
بعد اسبوع
كاعدة بغرفتي صليت الظهر وكملت دااقرة قرآن ودك تلفوني لمن اشوفة الكاه قيصر !
لا اله الا الله هذا ما يفهم يعني معقولة ماعندة احساس مايعرف شسوة بية ليش ليش خليتني اتعلق بيك واحبك وافني احلى سنين عمري وياك ووية اهلك كلشي تحملت في سبيل ما اصغرك كدام اي احد ليش مااستاهل كل هذا 😭 ماتخافون الله حسبي الله ونعم الوكيل الله يحرگ گلبكم مثل ما حرگتوا گلبي
تركتة ما جاوبت ورجع اتصل مرة ثانية وثالثة ومااجاوب ورة دقايق وصلتني رسالة فتحتها من قيصر
(( عذراء اترجاج بداعة الغالي عليج بس جاوبيني مااريد منج شي بس افتحي الخط ))
بالبداية ضعفت ونزلت دمعتي بس كلت لا مااضعف و رد اتصل اول مرة وثاني مرة فتحت خط بقيت ساكتة وحاولت اجمع كل قوتي من سمعت صوتة اللي اعرف رح يردني لنقطه الصفر
قيصر : الو ... عذرراء .... ما تريدين تحاجيني ! عذراء لاتسوين بية هيجي والله مااكدر بدونج مااكدر اتركج ومستحيل اطلكج ، عذراء ماهديتي ؟ ما غيرتي قرارج تعبان بدونج والله مااعرف اسوي شي بدونج ماطايق احد بالبيت اريدج بس انتي ادري بنفسي غلطت بس سبحان الما يغلط والله مو بيدي الصا......
عذراء : شجعت نفسي و رديت بكل برود
رجاءا بلا كلام اكثر كلمة وحدة وبس نتلاقة بالمحكمة وياريت تكمل كل الاجراءات بهدوء
ونهيت المكالمة مانطيتة مجال يعترض او يكول اي شي لان تعبت منة ، طول المكالمة احاول بس اسمع وحتى اتاكد من قراري صح وكأنما جنت محتاجة دافع او سبب او اي شي يقويني ويخليني مصرة على قراري من كال موبيدي الصار حسيت روحي تريد تنفجر مااتحمل بعد اسمع اعذارة ولا اسمع اي شي منة
نزلت دمعتي وكعت دمعة بيدي بقيت انظرلها بتمعن فجاءة نهضت ورحت عالمراية وكأني اكلم الدمعة ( لم يخلق الدمع لامرئٍ عبثاً، الله أدرى بلوعة الحزن )
نظرت لنفسي بالمراية هذا الدمع اذا ينزل فينزل الي مو علمود احد ، و هذا قراري .. وهذا ثوبي عليك يا قيصر
طلعت من غرفتي نزلت كعدت بالصالة ماما والبنات سولفنة شوية لحد ما اجة بابا رحتلة للغرفة
عذراء : بابا تسمحلي !
ابوية : اي بابا تعاي دخلي
عذراء : بابا اريدك تدعمني انه اكمل بقضية طلاق لان قيصر معاند ومستحيل ابقى على ذمتة اكثر ، فاريد اني انهي الموضوع
ابوية : والله بابا اني منتظرج انتي تكوليلي حتى اتصرف ، انتي متاكدة من قرارج !
عذراء : بابا يهون عليك الي صارلي ؟ ترضاها علية ؟
ابوية : لا بابا طبعا ماارضى
عذراء : لعد باشر بالمعاملة باسرع وقت لان ياسر ملتزم بالدوام ما اكدر اكوله يكملي
ابوية : ان شالله خير بنيتي
VOUS LISEZ
اتجازيني حبا
Roman d'amourقصه باللهجة العراقيه / عين من الواقع دائما ندعي و ندعي و مرات يوصل بينه الحال نكول انه الله سبحانه ما يستجيب النه بولا دعاء طول السنين و السبب هو قله صبرنه و جور الأيام علينه بس يا ترى فكرنه انه كل هاي الأوجاع نقاسيها حت الله يقدملنه فرحه تمحيهن م...
