شَتَّان ما بينَنَا (مكتملة)

«تعريف بالشخصيات»

مرحبا يا أرانبى💜🐰 قبل أى حاجه حبيت أوضح نقطه صغيره الروايه دى هتكون باللغه العاميه المصريه ، حسيت أنى حابه أبدأ أكتب روايه بلغه بلدى وتكون مختلفه عن اللى بقدموا دايماً ، زى أن كل رواياتى عن bts تقريباً ، فأنا قولت أغير شويه الروتين وأكتب عن شخصيات خياليه وبلهجه أنا متقناها طبعا مش عايزه أى متابع من بلد أخرى يزعل لان الروايه دى مش كلها بالعاميه فقط لغه الحوار بين الابطال هتبقى بالعاميه غير كدا كلو هيبقى فصحى زى ما متعودين ، وحقيقي أنا بهدى الروايه دى لكل شخص متابعنى من مصر وكمان من كل بلادنا العربيه وأتمنى أنها تعجبكم وتدوها حقها فى الدعم ، وزى مانا عودتكم اللى مش معجب بفكره الروايه أو مبدأها ياريت ينتظر عمل جديد منى ، ومن غير رغى تانى خلينا نعرفكم بالشخصيات😹.

ـــــــــــــــــــــــــــــــــــــــــــــــــــــــــــــــ

*ملحوظه بسيطه*

أنا محبتش أنى أحط صور لأى شخصيه فى الروايه ، عشان مأيدكمش بشكل معين ، التخيل مفتوح عايزاكم أنتم تتخيلوا شكل كل شخصيه على حسب وصفها وبس.

ـــــــــــــــــــــــــــــــــــــــــــــــــــــــــــــــ

هادى 'البطل': ظابط شرطه السن 31 سنه كان متجوز حب حياته رانيا ، بس بعد وفاتها قرر أنه يقاطع جنس حواء كلو ويعيش على ذكراها ، شخصيه عمليه بيقدس الشغل وبيضيع أغلب يومه فى مكتبه ، طيب وعاقل وهادى زى أسموا بس لو عصبتو يبقى متلومش إلا نفسك.

••••••••••••

رانيا:بنت ارستقراطيه من عيله غنيه جداً ، أتعرفت على هادى صدفه ومن ساعتها وهى حبتو ، وأتجوزو بعد سنه  ، وخلفت منو بنوته عندها 4 سنين، بس ماتت وهى بتولدها .

••••••••••

حنفى'البطله': هنعرف أسمها الحقيقي بعدين ، حنفى ده مجرد أسم شهرتها فى المنطقه ، بنت أه بس بميت راجل ، من عيله فقيره عايشه مع أمها وأخوها الصغير فى حاره الحراميه ، والكل بيعملها ألف حساب سواء ست أو راجل ، عندها مكروباص بتشتغل عليه عشان تقدر تصرف على أهلها ، لانها مقطوعه من شجره من الأخر.

•••••••••••••

أكرم : صاحب هادى من أيام الجامعه ومش بيفارقو بعض ، وهادى طول عمره بيعتبرو أخوه مش مجرد صديق ، شخصيتو عكس هادى ، إنسان مرح بيحب الضحك والهزار حتى فى أصعب المواقف تلاقيه بيضحك ، بس لما تحتاجوا هتلاقيه أول حد فى ضهرك ، هنتعرف عليه اكتر مع الاحداث.

••••••••••••

كاريمان:تبقى بنت عمت هادى ، عمرها 25 سنه ، إنسانه مغروره بطريقه متتوصفش ، كل همها فى الحياه الشوبنج ، مبتعملش حاجه غير أنها بتهتم بمظهرها ، دلوعه جداً وبتكره الشغل بتعتبرو تضيع وقت وتعب على الفاضي.

••••••••••••••

شاهيناز هانم:عمت هادى وأم كريمان ، رغم سنها الكبير إلا إنه ميبنش عليها أبداً ، ست متسلطه بتحب تفرض أوامرها على أى حد ، بتعشق الفلوس ممكن تعمل أى حاجه عشانها ، بعد طلاقها * هنعرف السبب بعدين * راحت تعيش فى بيت أبوها من تانى ، ومبتكرهش حد فى حياتها قد مرات أخوها بسبب حب العيله ليها .

•••••••••••••••

سلمى:أخت هادى الصغيره عندها 22 سنه ، بتدرس طب من صغرها نفسها تبقى دكتوره أطفال ، شخصيه حنونه ولطيفه وإجتماعيه ، بتحب أه‍لها جداً أكتر من أى حاجه فى الدنيا.

••••••••••••••••••

رفعت : والد هادى وسلمى ، راجل متدين وبيكره الظلم ، وبيدى كل حاجه حقها ، عندو شركه مقاولات كبيره ، ولادو هما نقطه ضعفو فى الحياه ، مستعد يضحى بأى حاجه عشانهم ، ومبيحبش يزعل أختو لأنه شايف أنها اتظلمت كتير فى حياتها فبيحاول يعوضها هى وبنتها .

••••••••••••

رجاء:والده هادى ، ست طيبه وقلبها كبير ، بتحب جوزها وعيالها أكتر من اى حاجه تانيه ، طول عمرها وهى عايشه حياتها ليهم وبس ، رغم كره شاهيناز ليها إلا أنها بتحاول تتأقلم معاها.

••••••••••••••••

حماصه: أخو حنفى الصغير ، عندو 13 سنه بس اللى يشوفو يقول عليه راجل كبير مش طفل ، بتاع مشاكل ومبيسبش حقوا ، وبيكره أى حد يدوس لأهلو على طرف ، بيشتغل صبى قهوجى بس ساعات بيطلع يساعد  حنفى على المكروباص.

••••••••••••

الحج عمران:أبو رفعت وشاهيناز ، وكبير العيله اللى الكل بيعملو ألف حساب ، كلمتوا محدش بيتنيها فى البيت ، مبيحبش حد يعصى له أمر ، ولو قال حاجه يبقى تتنفذ ، الكل بيهابو وأولهم رفعت أبنو ، بس هادى الوحيد اللى عمرو ما قدر عليه ، مش هيظهر كتير فى الروايه😹 ، بس أفتكروه كويس أوى.

••••••••••••••

الحجه نعمات: والده حنفى وحماصه ست غلبانه وبتحب عيالها أكتر من أى حد لأنها ملهاش غيرهم فى الدنيا ، من ساعه ما جوزها مات وهى بتحاول تعوضهم وتكون ليهم الأب والام ، مريضه قلب وبنتها بتساعدها من صغرها .

ـــــــــــــــــــــــــــ

كدا أكون عرفتكم على الشخصيات المهمه فى الروايه أو الرئيسيه وليها تأثير فى الأحداث ، فى شخصيات تانيه هتظهر مع تدرج الأحداث  ، وطبعا كالعاده حبيت أكتب قصه جديده بطريقه مختلفه عن المألوف ، فا من كل قلبى أتمنى الروايه تكون عند حسن ظنكم ، وترضي كل الأذواق ، أول فصل هينزل بكرا وبعد كدا هنشر فصل كل يوم جمعه لوڤ يو 💜🐰

باى باى :)