شَتَّان ما بينَنَا (مكتملة)

كلام مهم جداً🤍

أزيكوا يا حبايبى ، ده مش فصل جديد للأسف ، أنا جيت أقول حبه كلام جوايا ، لكل اللى كان متابعنى او بدأ يتابعنى الأيام دى .

لكل بنت جت تقرأ روايتى من جروب عشوائيات الروايات ، اللى على الفيس ، من بعد ما نشرت كام أقتباس كدا من الروايه على الجروب ، لقيت فى ناس ياما بتشجعنى ، وبيطلبو اللينك عشان يتابعونى او يقروها ويدعمونى ، فرحت ازاى مفرحش ؟

الروايه دى هى تعبى ومجهودى ، وأخيرا بدأت تجيب مشاهدات وفيه ناس بدات تتابعها وتحبها ، فرحت بس وسط فرحتى لقيت فيه ناس بينتقدوا الروايه ، زى انها مش مناسبه ، او انها بير سلم زى ما بيقولوا ، او ان فيها اخطاء إملائيه ، للأمانه أتضايقت ، بس فرحتى بيكوا وبإعجابكوا بالروايه كانت أكبر من كل ده .

فأتحمست وبدأت أكتب واحط احداث اكتر ، وانشرها عشانكوا ، لحد ما النهارده حصلت حاجه جرحتنى ، يمكم جرحت كبريائى ككاتبه؟ ، الحاجه دى إن كاتبه بدون ذكر أسماء طبعاً ، أدعت أنى سرقت فكره روايتها ، روايه أنا معرفهاش وأول مره أسمع عنها ، بتقول إن فكره روايه شتان ما بيننا ، بأحداثها متطابقه مع احداث وفكره روايتها ، معادا احتلافات بسيطه ، طبعاً ده طعن فى شغلى بشكل مباشر ، دخلت أكلمها عشان أفهم ، وأفهمها إنها مش صح ، وإن الروايه دى كلها من مجهودى الشخصى.

ولكن هى كل محاولاتها انها تقنعنى ، إن روايتها منشوره من بتاريخ 5 /2021 يعنى مم حوالى سنه وشويه ، وعشان انا روايتى نشرتها فى تاريخ ، 8 /2022 ، فأنا كدا سرقت ، اللى عارفنى كويس ، هيعرف أنا أخلاقى أيه ، وأنى عمرى ما أتجرأ وأخد فكره ، بأحداث بشخصيات ، واحطها جوا روايه تحت أسمى ، أنا مش بجحه للدرجادى ولا أنا حراميه ، انا عارفه كويس إحساس إن الكاتب ، يحط تعب وجهد فى روايه كامله ، وبعدين تتسرق منوا ، فأزاى هروح اعمل كدا فى غيرى؟ .

الروايه دى وربنا يشهد عليا أنا بكتبها من أواخر 2021 ، فكرتها كانت فدماغى وبعض احداثها فعلا ، وكنت بكتب الفصول واحطها كمسوده ، لحد ما أتفرغ وابدأ انشرها بعد ما ارجعها ، واللى تابع الروايه اللى قبل دى ، عارف انى بجهزلها من اخر فصل من الروايه اللى فاتت .

طبعاً أتقهرت ، لإن الكاتبه بتقولى إنها مشهوره ، وروايتها مشهوره بردوا ، وعايزانى أعدل روايتى أو أغير فكرتها ، عشان متابعين الكاتبه المشهوره ، ميجوش ويبلغو عن روايتى انى سرقاها ، أنتوا متخيلين كميه الحُزن اللى جوايا دلوقتى ، بعد ما أخيراً روايتى بدأت تاخد حقها وتبان للنور ، بقيت خايفه إن فلحظه كل تعبى ده يضيع بسبب ظنون من كاتبه انا أول مره أسمع عنها ، او عن روايتها .

طبعا أنا أحترمت خصوصيتها ، عشان كدا مثولتش لا اسمها ولا اسم الروايه اللى هى كتباها ، عشان ميحصلش أى مشاكل ، وانا مقدره هجومها عليا ، فياريت أنتوا عرفونى أعمل أيه ، لإن أنا حالياً ، بقيت بفكر أمسح الروايات بتاعتى ، وأقفل صفحتى وأنعزل تماماً .

أسفه انى طولت عليكم بس كان لازم أعرفكوا باللى حصل ، عشان تكونوا شاهدين على كل حاجه معايا .

بحبكم جداً.

أشوفكم على خير.

وداعاً.