ဒေါက်! ဒေါက်!"နိုနိုးရေ စက်လှေမမှီဘဲနေမယ် မြန်မြန်လုပ်လေ"
"ဟုတ် မာမီ!မားသား!မားမား!မေမေ!"
တံခါးကိုခေါက်ပြီးမေမေသတိပေးလာသည်မို့။ ခရီးသွားရန်ပြင်ဆင်နေတုန်း အခန်းရှေ့ကမေ့ကို အသံပေးလိုက်ရသည်။
"နောက်တောက်တောက် ပြောင်တောင်တောင်နဲ့လုပ်မနေနဲ့။ မေမေပေးလိုက်တဲ့၅သောင်းကိုအသီးတွေခွဲ၀ယ်သွားနော်၊ တစ်အိမ်နှစ်သောင်းခွဲဖိုးစီ"
"ဟုတ်ကဲ့ပါမေမေရ၊ နိုနိုးကိုစိတ်ချပါ"
"အဲ့နိုနိုးကိုပဲစိတ်မချတာနော်၊ နိုနိုးတွက်(၃)သောင်းမုန့်ဖိုးထည့်ပေးလိုက်ပြီးပြီ၊ စက်လှေခလည်းမေမေရှင်းပြီသား ဖေကြီးတို့ကို(၅)သောင်းဖိုးအပြည့်၀ယ်ပေးသွား "
"မေမေတို့ကလည်းနော် နိုနိုးကိုဆိုအထင်သေးလိုက်တာ"
နိုနိုးအခန်းထဲကနေ အင်္ကျီအသစ်တွေဝတ်နေရင်းမေမေ့ကိုပြောလိုက်မိသည်။ နိုနိုးကတစ်ယောက်ထဲလည်းရွာကိုသွားရတယ်၊ မုန့်တွေလည်းတစ်ဈေးလုံးပတ်ပြီး၀ယ်ရတယ်၊ အကုန်နိုနိုးလက်နိုနိုးခြေပဲလုပ်ရတယ် ဒါပေမယ့်မေမေဆိုတာနိုနိုးကိုဘယ်တော့မှအကောင်းမပြော။ တစ်ခါလေးဘတ်မိတဲ့၅ထောင်ကြောင့် ပြောမဆုံးပေါင်တောသုံးတောင်ဖြစ်နေသည်။
အခုနိုနိုးက(၈)တန်းကျောင်းသားကြီးဖြစ်နေပြီဖြစ်သည်။ ဖွံ့ဖွံ့ထွားထွားခန္ဓာကိုယ်နဲ့ရှည်လျားတဲ့အရပ်အမောင်းကြီးကြောင့် ရွာကိုကျောင်းပိတ်ရက်(၃)လသွားနေရန် မေမေတို့ကတစ်ယောက်ထဲလွှတ်သည်။ ဟိုရောက်ရင်ဇိုက်မနာလိုဖြစ်အောင် ဖေချစ်၀ယ်ပေးထားတဲ့ angry bird T-Shirtအနီရောင်လေးရယ် ဘောင်းဘီဖင်ကျပ်အမည်းရယ်ကို အသဲအသန်စွတ်နေရသည်။ ဖင်ကအနည်းငယ်ကြီးနေတာမို့ ကျပ်သိပ်နေတဲ့ဘောင်းဘီကအပေါ်ထိမရောက်ဘဲဖင်မှာတစ်နေသည်။
"အီးယား.....အိုး! ရပြီ"
တစ်နေတဲ့ဘောင်းဘီက အပေါ်ကိုရောက်သွားပြီ။ ဘောင်းဘီကခန္ဓာကိုယ်နဲ့အတိဖြစ်နေတာမို့ အနည်းငယ်ထွားတဲ့ နိုနိုးဖင်နှောက်ယှက်ခြင်းကြောင့် ကြန့်ကြာနေတာဖြစ်သည်။
YOU ARE READING
ရင်ခုန်သံအနီးဆုံး (ရင္ခုန္သံအနီးဆံုး)
Romanceမေတ္တာတရားက အသွားအပြန်ရှိတယ်တဲ့ ငါ့ရဲ့မေတ္တာတွေကိုတော့ မင်းကတုံ့ပြန်မှာလား .Aung Bala Tint Maung (zike) .Chit Chit Myat Noe (Noe Noe) ေမတၲာတရားက အသြားအျပန္ရိွတယ္တဲ့ ငါ့ရဲ့ေမတၲာေတြကိုေတာ့ မင္းကတံု႔ျပန္မွာလား .Aung Bala Tint Maung (zike) .Chit Chit My...