အောက်အီးအီးအွတ်!
ညနေခင်းအချိန်ခါသမယတစ်ခုမှာ အောင်ဗလတင့်မောင်တို့အိမ်ရှေ့လေးဟာလူများရှုပ်ရှက်ခတ်၍ မီးခိုးတလူလူ ဖုန်တလုံးလုံးဖြင့်စည်ကားနေသည်။
အကြော်သယ်ကြီးလက်လည်အောင်မရောင်းရလေတာကြောင့် ချဲရောင်းတဲ့ရှမင်းဟာဝိုင်းကူရင်းဝိုင်းစားရင်းဖြင့် ကူညီနေသည်။ နိုနိုးတို့ဆိုင်မှာလည်း လူများကြိတ်ကြိတ်တိုးနေသဖြင့် ဇိုက်ရောနိုနိုးရော ပထော်ပါလုံး၀နားမနေရ၊ အားမနေရ။
အိမ်ရှေ့မျက်စောင်းထိုးခြင်းဝိုင်းဟာလည်း ဆဲသံတလူလူဖြင့် အကြိတ်အနယ်ယှဥ်ပြိုင်ခတ်နေကြသည်။
ဒီ့တော့အိမ်ကလူနှစ်ယောက်ကသနားစရာ။
သူတို့မှာခြင်းလည်းခတ်ချင် ဆိုင်မှာလည်းအလုပ်များဖြစ်နေတာမို့ လုပ်သာလုပ်နေရတယ် မျက်နှာတွေကသိပ်မလန်းချင်။ အေးလေ ဇိုက်ကဘယ်လိုပဲလူကြီးပုံစံနဲ့နေနေ ၁၈နှစ်သာသာကောင်လေးတစ်ယောက်ပေမဟုတ်ပါလား။ နိုနိုးပေးသွားစေချင်ပေမယ့်လည်း ဒီမှာတစ်ယောက်တည်းဆိုင်ထိုင်ဖို့က နိုနိုးတက်နိုင်တဲ့ဟာမဟုတ်တော့ သနားနေရုံသာတက်နိုင်သည်။
"ကိုကြီးပထော်ရေ ၀က်သားထောင်းတစ်ပွဲထုပ်သွားမယ်"
" ကိုဇိုက် ဝက်ထောင်းတစ်ပွဲပါဆယ်"
"အေး"
အသံသုံးခုဟာ တစ်ဆင့်ချင်းဆက်တိုက်ထွက်လာပြီးနောက်မှာ နိုနိုးဟာ၀က်သုံးထပ်သားအပိုင်းတစ်ခုကိုအမြန်ယူ၍ ပါးပါးလှီးလေးရသလို ဇိုက်ကလည်းထောင်းလက်စပြောင်းဖူးကို အရှိန်တင်၍ခပ်သွက်သွက်ထောင်းလေသည်။
"ပွိုင့် 8! "
ခြင်းခတ်နေတဲ့ဝိုင်းက ဦးကိုနိုင်ရဲ့အမှတ်အော်သံအဆုံး ဇိုက်လက်လေးတုန်သွားတာကိုနိုနိုးမြင်လိုက်ပါသေးသည်။ ရယ်လည်းရယ်ချင် ရယ်လည်းမရယ်ရက်တာမို့ နိုနိုးအလုပ်တွေပြီးအောင်မြန်မြန်ဝိုင်းလုပ်ပေးရုံသာ။
"ပထော်ဒီမှာ ပြောင်းဖူးထောင်း'5'ပွဲပါဆယ်ရပြီ၊ နိုးကိုယ့်ကိုဝက်သားလှီးထားတာပေးတော့"
YOU ARE READING
ရင်ခုန်သံအနီးဆုံး (ရင္ခုန္သံအနီးဆံုး)
Romanceမေတ္တာတရားက အသွားအပြန်ရှိတယ်တဲ့ ငါ့ရဲ့မေတ္တာတွေကိုတော့ မင်းကတုံ့ပြန်မှာလား .Aung Bala Tint Maung (zike) .Chit Chit Myat Noe (Noe Noe) ေမတၲာတရားက အသြားအျပန္ရိွတယ္တဲ့ ငါ့ရဲ့ေမတၲာေတြကိုေတာ့ မင္းကတံု႔ျပန္မွာလား .Aung Bala Tint Maung (zike) .Chit Chit My...
