"ဘယ်လိုလဲ မင်းတို့ကြိုက်လား"
အိမ်အပြင်ဆင်က ဇိုက်ထင်ထားတာထက်တောင်အဆင်ပြေနေသေးသည်။
"ငါတော့ကြိုက်တယ် နိုနိုးရောကြိုက်ရဲ့လား"
"အွန်း မဆိုးပါဘူး၊ ရေချိုးတဲ့နေရာမတွေ့ဘူးနော်"
နိုနိုးအိမ်၀င်လာထဲက ရေချိုးတဲ့နေရာကိုရှာနေတာဖြစ်သည်။ သစ်သားနှစ်ထပ်အိမ်ဖြစ်တာမို့ အိမ်ပေါ်မှာရေချိုးရမှာတော့မဖြစ်တန်ရာ။ ရေနံချေးသုတ်ထားတဲ့သစ်သားအိမ်လေးကတကယ်လှသည်။ အိမ်ကအနည်းငယ်သေးပေမယ့် ကိုယ်တွေနှစ်ယောက်ထဲနေမှာဆို လုံလောက်တာထက်ပိုနေပြီ။
"ရေကနောက်ဖေးမှာချိုးရမှာလေ၊ ရေတွင်းကအရင်နေတဲ့လူတွေတူးသွားတာ။ ရေတွင်းနဲ့မဆွဲချင်ရင် မော်တာတပ်လို့ရတယ်"
သီဟပြောတဲ့စကားကို ဇိုက်သေချာစဥ်းစားကြည့်မိသည်။ ရေတွင်းနဲ့ဆွဲဖို့ကတော့ ဇိုက်အတွက်သိပ်အခက်မတွေ့။ ဒါပေမယ့် နိုနိုးကဇိုက်မရှိတုန်းရေတွင်းမှာသွားဆွဲရင်ဘယ်လိုလုပ်မလဲ။ ဒါတော့လုံး၀မဖြစ်၊ မတော်တဆပြုတ်ပျက်ကျရင် ဇိုက်ပဲရင်ကွဲရမှာ။
"မော်တာတပ်လိုက်မယ်ဟေ့ရောင်၊ နိုနိုးကရေတွင်းရှိရင်သွားသွားဆော့မှာ ငါစိတ်မချဘူး။ရေတွင်းကိုအပေါ်ကသစ်သားပြားထူထူနဲ့အလုံပိတ်ပြီး အဲ့ရေတွင်းထဲကပဲ မော်တာမောင်းပြီးပိုက်နဲ့ရေဆွဲတင်မယ်။ "
ဘာဆိုင်လဲ။ ဘာဆိုင်လို့နိုနိုးကသွားဆော့တာကိုစိတ်မချရတာလဲ။ နိုနိုးက ကလေးလေးလား ပြော!ပြော!။ စိတ်ထဲကပြောရင်းအပြင်မှာလည်း ဒင်းကိုမျက်စောင်းနာနာထိုးမိသည်။ စိတ်ပုတ်ကောင်။
ဇိုက်နိုနိုးမကျေမနပ် မျက်စောင်းတွေလှိမ့်ထိုးနေတာသိပေမယ့် မမြင်ချင်ယောင်ဆောင်လိုက်သည်။ ဇိုက်ကဒင်းအကြောင်းပိုသိတာပေါ့၊ ချောင်းထဲမှာလည်းချောင်းထဲမှာမို့ထိန်းမရသိမ်းမရ။ ရေတွင်းမြင်ရင်လည်း မနေနိုင်မထိုင်နိုင်သွားသွားဆော့တာ။ ရေတအားကြိုက်တဲ့ထိုလူကို ဇိုက်ကရေတွင်းကြီးနဲ့ထားစရာလား။
"မော်တာတပ်ရင်ဘယ်လောက်ကျမလဲသီဟ၊ ဈေးကငါတို့ဆီမှာလိုပဲလား။ ဒီမှာကနည်းနည်းခေါင်တော့ဈေးတွေတအားမြောက်နေမှာပေါ့"
YOU ARE READING
ရင်ခုန်သံအနီးဆုံး (ရင္ခုန္သံအနီးဆံုး)
Romanceမေတ္တာတရားက အသွားအပြန်ရှိတယ်တဲ့ ငါ့ရဲ့မေတ္တာတွေကိုတော့ မင်းကတုံ့ပြန်မှာလား .Aung Bala Tint Maung (zike) .Chit Chit Myat Noe (Noe Noe) ေမတၲာတရားက အသြားအျပန္ရိွတယ္တဲ့ ငါ့ရဲ့ေမတၲာေတြကိုေတာ့ မင္းကတံု႔ျပန္မွာလား .Aung Bala Tint Maung (zike) .Chit Chit My...
