"Hi! ပထော်နဲ့ပေါက်စလေး"
လက်လက်ထနေတဲ့ အ၀တ်စားများ၀တ်ဆင်ထားသူမာမီတိုး(ခ)တိုးတက်မင်းက ဆိုင်ထဲသို့၀င်၀င်ချင်းလူပေါင်းစုံကိုနှုတ်ဆက်သည်။ ပထော်ဆိုတာက ဇိုက်လခပေးပြီးအငှားခေါ်ထားတဲ့ကောင်လေး။ ရှမ်းပြည်ကနေလာပြီး ဘုန်းကြီးကျောင်းမှာနေတာဖြစ်တဲ့အပြင် မိဘမဲ့အလုပ်မရှိတဲ့ကလေးလေးမို့ဇိုက်ကခေါ်ထားတာဖြစ်သည်။
ပေါက်စလေးဆိုတာကတော့ ဇိုက်ရဲ့နှစ်ယောက်မရှိတဲ့အချစ်တော်။
"ကိုကြီး၀င်ထိုင်လေ ပုံမှန်ပဲမလား"
နိုနိုးကဇိုက်ဘေးနားမှာ၀င်ကူနေရင်း မာမီတိုးကိုလှမ်းပြောသည်။ ပုံမှန်ဆိုတာက မာမီတိုးစားနေကျစပ်ပြဲနေတဲ့သင်္ဘောသီးထောင်းတစ်ပွဲ။
"အွိုက်စ်! ရိုင်းလိုက်တာပေါက်စရယ်ဘာကိုကြီးလဲ မာမီတိုးပါဆို။ပေါက်စနော်အရမ်းရမ်းစားတယ်သက်လား ဟွန့်!"
"ဟုတ်ပါပြီမာမီတိုးရယ် သားကစတာပါ"
"လူဆိုးလေးနော် စပ်စပ်လေးလုပ်ပေး၊ အိမ်ကချေမိုးအတွက်ပြောင်းဖူးထောင်းအချိုလေးတစ်ပွဲပါဆယ်"
နိုနိုးအရှေ့ကကျောင်းသူလေးတွေတွက် ဟင်းရည်ထည့်ပေးရင်းမာမီတိုးကိုခေါင်းငြိမ့်ပြလိုက်၏။ ကျောင်းလွှတ်ချိန်ဖြစ်တာမို့ ကျောင်းအပြန်၀င်စားတဲ့ကလေးတွေက ဆိုင်ထဲပြည့်ကျပ်သိပ်နေသည်။ တချို့ဆိုထိုင်စားဖို့နေရာမလောက်တာကြောင့် အိမ်ကိုပဲထုတ်သွားသူတွေလည်းရှိသည်။
"ဇိုက် ဘုတ်ဆုံတို့အဖွားတွက်၀က်သားထောင်းတစ်ပွဲဖယ်ဦးနော် သီဟဖုန်းဆက်ထားတယ်"
"အဲ့ဒါဆိုဒေါ်တင့်တွက်မရတော့ဘူး၊ ပထော်ဒေါ်တင့်ကိုသင်္ဘောသီးထောင်းကျန်သေးတယ်စားမလားသွားမေးလိုက်"
"ဟုတ် ကိုကြီးဇိုက်"
ပထော်ကခပ်သုပ်သုပ်ထွက်သွားသည်။ ဆိုင်ရှေ့မှာမတ်တပ်ရပ်စောင့်ပြီး လူကြီးတချို့နဲ့စကားပြောနေတဲ့ ဒေါ်တင့်ကိုအကျိုးအကြောင်းသွားပြော၏။
ပင်ပန်းတယ် တကယ်ပင်ပန်းတယ်။ ရွာမှာဇိုက်ရယ်နိုနိုးရယ်ဆိုတာဘယ်လိုနေခဲ့ရတာမလို့လဲ။ ထမင်းအဆင်သင့်ဟင်းအဆင်သင့် မုန့်ဖိုးတွက်ပူစရာမလိုတဲ့အခြေအနေ။ အခုလိုကိုယ့်၀မ်းကိုယ်ရှာစားရတာ တကယ်ပင်ပန်းသည်။ ဒါပေမယ့်နိုနိုးနဲ့မလို့ ပင်ပန်းရတာတောင်ပျော်နေတာက ဇိုက်ရယ်ပါ။
YOU ARE READING
ရင်ခုန်သံအနီးဆုံး (ရင္ခုန္သံအနီးဆံုး)
Romanceမေတ္တာတရားက အသွားအပြန်ရှိတယ်တဲ့ ငါ့ရဲ့မေတ္တာတွေကိုတော့ မင်းကတုံ့ပြန်မှာလား .Aung Bala Tint Maung (zike) .Chit Chit Myat Noe (Noe Noe) ေမတၲာတရားက အသြားအျပန္ရိွတယ္တဲ့ ငါ့ရဲ့ေမတၲာေတြကိုေတာ့ မင္းကတံု႔ျပန္မွာလား .Aung Bala Tint Maung (zike) .Chit Chit My...
