This is War (War Series #3)

Chapter 7

#war3wp

Chapter 7

Meet

"I already knew your name because you're popular. My friends always talk about you," ani Ise sa kabilang linya ng video call at napangiti ako.

Gabi na. Katatapos lang naming gumawa ng mga assignments. He helped me do some of them and helped me run through the lessons I couldn't grasp that well yet. 

Isang linggo na ang lumipas magmula nang pumayag akong manligaw siya. I thought that I'd eventually lose interest in him once he starts to frequently show me his affection. Gano'n kasi ako madalas sa mga lalaking nagugustuhan ko. But it has been a week now and I feel as if I am in a free fall. Tuluy-tuloy ang pagkahulog ko at pakiramdam ko, hindi na ako hihinto sa pagkahulog kahit kailan.

Hindi ko alam kung ano ang mayro'n kay Ise. He makes me feel like I'm always on cloudnine. Pakiramdam ko, nasa isa akong fairytale. Every time I see him, I feel like I will never find and feel this feeling on anyone else but him.

"So, crush mo na 'ko no'n?" natatawang tanong ko at napangiti si Ise.

He holds his nape, shy, and he smiles. "Yeah," he shyly admitted and I hide my forming smile.

Jadon was right. Ise does like me. He wouldn't go that extra mile if he wasn't interested in me. When he gave me the handkerchief and talked to me, he already liked me.

That thought made me happy. Akala ko kasi, wala siyang nararamdaman pabalik sa 'kin kaya nagkaro'n ako ng takot noon. But the thought that during the first time he talked to me, he already liked me, made my heart flutter.

For a hopeless romantic like I am, when he said that he liked me first even when we haven't met each other in person yet, made me fall for him more. 

Parati na kaming magkausap. Sa umaga, habang papasok sa school. Sa break time, kapag parehas kaming libre. Sa uwian, pupunta siya sa St. Agatha University at magkasama kaming magpapalipas ng oras sa cafe.

'Yon ang parating nangyayari pero kahit paulit-ulit, parang hindi ako nagsasawa.

"Hanani, why don't you eat first?" tanong sa 'kin ni Adonijah habang kausap ko sa phone si Ise.

Break time namin at nasa canteen kami kasama ang iba pa naming mga kaibigan. Katabi ko si Ida Mishal at Jadon habang nasa harapan ko naman sina Hiel, Adonijah, at Asiel.

Nakita ko ang pag-angat ni Hiel ng tingin sa 'kin pero hindi nagsalita. He glances at Adonijah who's looking at me with a frown on his forehead.

I'm wearing earphones. Sa voice call lang kami magkausap ni Ise pero dahil natutuwa ako sa pinag-uusapan namin, halos hindi na ako makakain.

"I'm eating!" I tell Adonijah. Sumubo pa ako sa pagkaing binili kanina para maipakita sa kaniyang kumakain ako. 

Nakita ko ang pag-angat ni Asiel ng tingin sa 'kin at ang pagngisi niya. Narinig ko rin ang tawa ni Jadon sa gilid ko kaya bahagya ko siyang siniko. 

Adonijah rolls his eyes at me. Halatang-halata ang iritasyon niya sa 'kin at kinunotan ko siya ng noo.

"I'm eating," ulit ko at hindi ako pinansin ni Adonijah.

"Kumakain ka ba? I'm sorry. You should eat first," ani Ise sa kabilang linya ng voice call.

"Yup! Pero patapos na rin ako," I say and I watch Adonijah as he stands up, taking his plate with him. Sinundan siya ni Asiel ng tingin. 

Tiningnan ko si Jadon na nagkibit-balikat sa 'kin.

"You can talk after you eat, Hanani," ani Hiel sa 'kin, inaabutan ako ng tubig. He smiles at me. "Adonijah keeps on telling you earlier. Hindi mo siguro narinig."