(Unicode)
ထိုကိစ္စများဖြစ်ပြီးတစ်ပတ်အကြာ။
ခုတလောမှာ ရိပေါ်က ကျောင်းကပြန်လာတိုင်း မြစ်ကမ်းနံဘေးမှာ ဆိုင်ကယ်ပတ်မောင်းလေ့ရှိသည်။
ဆိုင်ကယ်ပတ်မောင်းလို့ အားရတာနဲ့ ဆိုင်ကယ်ကို ဒေါက်ထောက်လို့ မြက်ခင်းပေါ်မှာထိုင်ပြီး ဘေးပတ်ဝန်းကျင်ကို အမြဲငေးမောလေ့ရှိသည်။
တခြားကလေးတွေလိုမျိုး ဂိမ်းဆော့ပြီးအချိန်ဖြုန်းရတာလည်း ဝါသနာမပါတော့ ဆိုင်ကယ်စီးရင်းသာ စိတ်ကူးပေါက်ရာလေ့လွင့်နေမိတာများသည်။
အချိန်မှန်ပြန်လာတတ်တဲ့ရိပေါ်ကြောင့် အိမ်ကတော့ ဘာမှတော့ စိတ်မပူ။
ထိုအချိန်တွင်ပဲ ဖုန်းဝင်လာသည်။ contact name က mama ။
" အင်း မာမား "
" သား ။ ကြီးကြီး အကောင့်ထဲကို မုန့်ဖိုးထပ်လွှဲထားတယ်နော် ... "
" အင်း ... "
"နေကောင်းရဲ့လားသား "
" အင်း .. မာမားရော "
"အင်း ... ဒါနဲ့ သား ညီမလေး ရတော့မယ် "
ကျစ် * ဟိုကောင်နဲ့ရတဲ့ကလေးက မွေးတော့မယ့်သဘောပေါ့။
" ဖုန်းချလိုက်တော့မယ် "
ရိပေါ်ဘာမှဆက်မပြောချင်တော့တာမို့ ဖုန်းချဖို့ပဲ လုပ်သည်။
" မာမားကသားကိုချစ်တယ်နော် "
ရိပေါ်လည်း ဘာမှပြောမနေတော့ပဲ ဖုန်းကို တိခနဲချပစ်လိုက်သည်။ အပိုတွေ သားကိုချစ်တယ်နော်ဆိုပြီး နောက်တစ်ယောက်ကျ ထပ်မွေးမတဲ့။ အဟား ! မာမားက ရယ်ရသည်။
ဖုန်းဆက်တိုင်းလည်း ပိုက်ဆံလွှဲလိုက််တယ်ဆိုတာချည်း။ ရိပေါ်လိုအပ်နေခဲ့တာက ပိုက်ဆံတွေမှမဟုတ်ပဲ။
တကယ်လိုနေတာက မာမားရဲ့ ထွေးပွေ့မှုတွေ။ ခုတော့ မဖြစ်နိုင်တာတွေ မတောင့်တချင်ပါ။ ပိုက်ဆံပဲပေးတော့လည်း ပိုက်ဆံပဲယူရသည်ပေါ့။ ပေးလိုက်တာနဲ့ တန်အောင်သုံးရဖြုန်းရမည်က ကိုယ့်အလုပ်ပဲဆိုတော့။
စိတ်ညစ်ညစ်နဲ့ အဝေးတစ်နေရာကိုလှမ်းကြည့်မိတော့ မြက်ခင်းပေါ်မှာ ဆော့ကစားလို့ပျော်မြူးနေတဲ့ မိသားစုလေးယောက်။
![](https://img.wattpad.com/cover/300147834-288-k646120.jpg)
YOU ARE READING
TOUCH (Zhanyi)
FanfictionJust a touch of your love is enough To knock me off of my feet all week Suggestion song - Little Mix(Touch) A/N : This story is from my imagination.This is just a fan fiction that has nothing to do with reality.Please don't take this serious. This i...