(Unicode)
ရှောင်းကျန့်က သူ့မိဘတွေနဲ့ အတိုက်အခံလုပ်ပြီး ကောင်လေးတစ်ယောက်နဲ့ ချစ်သူတွေဖြစ်နေကြောင်းကို ဖွင့်ပြောလိုက်၏။
သုံးပတ်လောက်အကြာ အခြေအတင်စကားများပြီးတဲ့နောက်မှာ ရိပေါ်ကို အိမ်ကိုခေါ်လာပြီး မိဘတွေနဲ့ မိတ်ဆက်ပေးဖို့ ခွင့်ပြုချက်ရလာခဲ့သည်။
တက္ကသိုလ်ကျောင်းသားဖြစ်တော့မှာဆိုပြီး ရိပေါ်ကတော့ ဆံပင်အရောင်တွေတောင်ပြန်ပြောင်းလို့ ဖလန်းဖလန်းဖြစ်နေချေပြီ။ နားတစ်ဖက်စီမှာလည်း နားကပ်တွေပြန်ပန်ထား၏။
" ဒီနေ့ ကိုကို့မိဘတွေနဲ့လ်ိုက်တွေ့ရမယ် "
" ဗျာ "
ရိပေါ်က အနည်းငယ်စိုးရိမ်မိသွားသည်။ ဟိုနေ့ကမှာ ဆံပင်ကို အဝါရောင်ဆိုးလို့ အစိမ်းရောင်တွေလိုင်းဖောက်ခဲ့တာလေ ။ ခုလို ဂျလေဘီပုံစံနဲ့ လူကြီးတွေကိုတွေ့ဖို့ရာကျ နည်းနည်းအဆင်မပြေပါ။
" အများကြီးလန့်သွားလား။ ကိုယ်ကမင်းကို အံ့သြစေချင်လို့ "
" လန့်တာပေါ့။ ကျွန်တော်ကဖြင့် ဆံပင်ဆေးဆိုးထားတာမကြာသေးဘူး ။ ဒီလိုပုံစံနဲ့ ကျွန်တော့်ကိုမြင်ရင် အထင်သေးခံရတော့မှာပဲ ဆံပင်တွေအမည်းပြန်ဆိုးလိုက်ရမလား "
မှန်ရှေ့ကိုသွားလို့ သူ့ဆံပင်လေးတွေသူလက်လေးနဲ့ဖွလို့ ပြန်ကြည့်နေတဲ့ ရိပေါ်က အတော်လေးချစ်ဖို့ကောင်း၏။ ရှောင်းကျန့် အသည်းယားရတဲ့အချက်တွေထဲမှာ ဒါမျိုး အပြုအမူသေးသေးလေးတွေလည်းပါသည်။
ရိပေါ်က လုပ်ချင်ရာလုပ်တဲ့ကလေးဆိုပေမယ့် သူ့နေရာနဲ့သူတော့ အရမ်းသိတတ်တဲ့ကလေးဖြစ်၏။
" အမည်းမဆ်ိုးပါနဲ့။ ဆံပင်တွေပျက်စီးကုန်လိမ့်မယ်။ ဒီအတိုင်းလေးလည်း ရိပေါ်က ချောပြီးသားပဲဟာ "
" အခုဟာက ကျွန်တော်ချောမချောပြောနေတာမဟုတ်ဘူးလေ။ ကိုကို့မိဘတွေနဲ့တွေ့ရင် သင့်တော် မသင့်တော် ။ နားကပ်က ဖြုတ်ထားလို့ရတယ်။ ဆံပင်တွေက ခဏခဏအရောင်ပြောင်းဖို့ရာကျ အဆင်မပြေဘူးဆိုတော့.. .... ဟင်း! "
YOU ARE READING
TOUCH (Zhanyi)
FanfictionJust a touch of your love is enough To knock me off of my feet all week Suggestion song - Little Mix(Touch) A/N : This story is from my imagination.This is just a fan fiction that has nothing to do with reality.Please don't take this serious. This i...
