(Unicode)
ရှောင်းကျန့်က ကုမ္ပဏီက အလုပ်တွေကိုယူပြီး ဆေးရုံမှာပဲလုပ်နေလိုက်သည်။
ညနေစောင်းရောက်တော့ ဆရာဝန်က ဆေးထိုးပေးပြီး ရိပေါ်လည်း အိပ်ပျော်သွား၏။
" ဒေါက် ဒေါက် ဒေါက် "
တံခါးသုံးချက် ခေါက်သံထွက်လာပြီး မည်သူမှတော့ ဝင်မလာ။ဒီအချိန်ကြီး ရိပေါ်ကိုလာကြည့်မယ့် ဧည့်သည်လည်းမရှိနိုင်ပါ။ကျောင်းပိတ်ရက်ဆိုတော့ သူငယ်ချင်းတွေလည်းမဟုတ်နိုင်။ ရိပေါ်က သူ့သူငယ်ချင်းတွေဆီကိုဖုန်းဆက်သံမှမကြားပဲ။ရိပေါ်ရဲ့ ဖုန်းတောင်ခုနကမှ ယွီပင်းကိုသွားယူခိုင်းလိုက်တာဖြစ်သည်။
ယွီပင်းဆိုရင်လည်း တံခါးတစ်ချက်ပဲ ခေါက်ပြီးသူ့ဘာသူဝင်လာမှာဖြစ်ပေမယ့် အခုက ဘယ်သူလဲဟု စဥ်းစားနေရင်းမှ တံခါးခေါက်သံထပ်ကြားရတော့ ရှောင်းကျန့်လည်း ထိုင်ရာမှထပြီး သွားဖွင့်ပေးမိ၏။
" ဆူယောင်း "
တံခါးဖွင့်လိုက်တော့ ပန်းခြင်းသေးသေးလေးကိုကိုင်လို့ ရပ်နေသည်မှာ ဆူယောင်းဖြစ်နေ၏။
" အစ်ကိုရှောင်းက အလုပ်မလာလို့ ယွီပင်းကိုမေးလိုက်တာ။ ဒီဆေးရုံမှာဆိုလို့ လိုက်လာလိုက်တာ ... ။ အနှောက်အယှက်တော့ ဖြစ်မသွားဘူးမလားအစ်ကို "
" မဖြစ်ပါဘူး အထဲဝင်ဦးလေ "
ရှောင်းကျန့်က ရှေ့ကနေ ပိတ်ရပ်ထားရာကနေဖယ်ပေးလို့ ဆူယောင်းကို အထဲဝင်ခိုင်းလိုက်တော့ ပန်းခြင်းလေးကို စားပွဲပေါ်ချပြီး ဝင်ထိုင်၏။စားပွဲပေါ် က အလုပ်ကိစ္စနဲ့ ပက်သက်တဲ့စာရွက်စာတမ်းတွေကိုပါ တွေ့လိုက်ရသည်။
သူမစိတ်ထဲမှာ အနည်းငယ် မတင်မကျတော့ ခံစားသွားရသည်။ ကုတင်ပေါ်က ဆေးရုံတက်နေရသည့် လူနာကို လှမ်းကြည့်လိုက်တော့ အသက်အတော်အတန််ငယ်ပုံရပြီး ကောင်လေးတစ်ယောက်ဖြစ်နေမှ သူမလည်း သက်ပြင်းချနိုင်တော့သည်။
မဟုတ်ရင် သူမက စိတ်ပူနေတာဖြစ်သည်။ အစ်ကိုက ကောင်မလေးတစ်ယောက်များရနေတာလားဟု စိုးရိမ်မိနေတာ သူမကိုယ်သူမ အသိဆုံး။
YOU ARE READING
TOUCH (Zhanyi)
FanfictionJust a touch of your love is enough To knock me off of my feet all week Suggestion song - Little Mix(Touch) A/N : This story is from my imagination.This is just a fan fiction that has nothing to do with reality.Please don't take this serious. This i...
