ဆေးရုံရောက်တော့ ရိပေါ်က လုံးဝကို မျက်လုံးမဖွင့်နိုင်တော့သလို စကားလည်းမပြောနိုင်တော့။
ဆရာဝန်က အရေးပေါ် စမ်းသပ်စစ်ဆေးပြီး သက်သာအောင် ဆလိုင်းတွေချိတ် ဆေးတွေထိုးလုပ်ရသည်။လောလောဆယ်က ခွဲစိတ်ခန်းဝင်စရာမလိုသေးဟုပြောသည်။ မိုးလင်းရင် ဆေးစစ်စရာတွေရှိတာကြောင့် ဆေးရုံတက်ခိုင်းသည် ။
VIP ခန်းသာယူလိုက်ပြီး စရံငွေကြိုပေးထားကာ အုပ်ထိန်းသူနေရာမှာ ရှောင်းကျန့်ပဲ လက်မှတ်ထိုးပေးခဲ့လိုက်၏။
ဆေးရုံကုတင်ပေါ်တွင် လဲလျောင်းနေသော ရိပေါ်မျက်နှာမှာဖြူဖျော့ဖျော့။ အချိန်ကြည့်လိုက်တော့ မနက်သုံးနာရီ။
ညအိတ်ဝတ်စုံလဲပြီး စာဖတ်နေတုန်း ဖုန်းဝင်လာလို့ အလောသုံးဆယ်လာခဲ့ရတာဆိုတော့ အိမ်စီး စလစ်ပါအပါးပဲစီးလာမိခဲ့ပြီး ညအိပ်ဝတ်စုံကိုတောင်မလဲခဲ့ရ။
လူနာစောင့်ကုတင်မှာ ဝင်လှဲလို့ ရှောင်းကျန့်မအိပ်သေးပဲ အတွေးပွားနေမိသည်။
အခု အိမ်မှာက ရိပေါ်တစ်ယောက်တည်းရှိတာလား !
အိမ်မှာလူကြီးတွေမရှိလို့များလှမ်းခေါ်တာလား !
တခြား ဘယ်သူ့မှ အကူအညီတောင်းစရာမရှိလို့များ ဖုန်းဆက်ခဲ့တာလား ! ဒါမှမဟုတ် အားကိုးလို့များလား !
အစပ်မစားနိုင်ဘူးဆိုတာတော ညနေက ဘာလ််ို့မပြောတာလဲ ! မစားနိုင်ပဲနဲ့ ဘာလို့စားတာလဲ !
ပြီးတော့ အစာအိမ်ရောဂါရှိမှန်းလည်း မသိဘူး !
အိမ်ကလူတွေရော ဘယ်သွားနေကြတာလဲ !
ဒီလိုပဲ တွေးရင်းနဲ့ မနက်လေးနာရီထိုးခါနီးမှာ မှေးခနဲအိပ်ပျော်သွားသည်။
ဆရာဝန်တွေ round လှည့်လို့ အခန်းထဲဝင်လာမှပဲရှောင်းကျန့်က နိုးလာလေသည်။
ရိပေါ်ကတော့ မနိုးသေးတဲ့အတွက် ဆရာဝန်က စမ်းသပ်စရာရှိတာစမ်းသပ်လို့ ဘေးနားက သူနာပြုဆရာမလေးက ရှောင်းကျန့်ပြောသမျှ အချက်အလက်များကို ရေးမှတ်သွားသည်။
မနက် ခုနှစ်နာရီရှိပြီမို့ ယွီပင်းဆီလှမ်းဖုန်းဆက်ရသည်။အခန်းနံပါတ်ကိုပြောပြပြီး မနက်စာယူခဲ့ရန်၊ ပေါ့ပေါ့ပါးပါး အကျီတစ်စုံရယ် ဖိနပ်ရယ် မျက်နှာသစ်ဆေး သွားတိုက်တံစသဖြင့်လိုအပ်တာ ဝင်ဝယ်ခဲ့ရန် ပြောလိုက်သည်။ ဒီနေ့ကစလို့ ရိပေါ် ဆေးရုံဆင်းတဲ့အထိ ကုမ္မဏီကိုမသွားတော့ဘူးလို့ဆုံးဖြတ်လိုက်သည်။
ESTÁS LEYENDO
TOUCH (Zhanyi)
FanficJust a touch of your love is enough To knock me off of my feet all week Suggestion song - Little Mix(Touch) A/N : This story is from my imagination.This is just a fan fiction that has nothing to do with reality.Please don't take this serious. This i...
