(Unicode)
ကျောင်းပိတ်တုန်း ရိပေါ်က လော့ရန်က မာမားတ်ို့ဆီသွားလည်ဖြစ်သည်။ရိပေါ်နဲ့ လျန်ချန်းမင်နဲ့ကတည့်လိုက် မတည့်လိုက်နှင့်။
ဒီနေ့ ရိပေါ်က လော့ရန်က ငယ်သူငယ်ချင်းတွေနဲ့ တွေ့ဖို့ အစီအစဥ်ဆွဲထားသည်။ အိမ်ကနေထွက်ပြီး သူငယ်ချင်းတွေနဲ့ ချိန်းထားတဲ့နေရာကိုလာခဲ့လိုက်သည်။
ထိုအချိန်မှာပဲ ရှောင်းကျန့်ဆီက ဖုန်းဝင်လာ၏။
" ရိပေါ် ဒီနေ့အားလား .. ဘာမှလုပ်စရာမရှိရင် ကိုယ်ကမင်းကိုလာခေါ်မလို့ "
အဲတာမှ ဂွကျပြီ။ ရိပေါ်က လော့ရန်မှာရောက်နေတဲ့ဆိုတာကို ရှောင်းကျန့်အားပြောမထားရသေး။
" ကျွန်တော်က အခုလော့ရန်မှာ "
" ဟင် ... ဘယ်တုန်းကသွားလိုက်တာလဲ။ ကိုယ်လည်းမသိရပါလား "
" မနေ့ကမှလာလိုက်တာ "
တကယ်တမ်းလော့ရန်ကိုရောက်နေတာ ဆယ်ရက်လောက်ရှိပြီဖြစ်ပေမဲ့ လိမ်ပြောလိုက်သည်။
" သြော်... ဒါဆိုလည်း လော့ရန်ကနေပြန်လာမှ တွေ့ကြတာပေါ့ "
" ဟုတ် ဒါပဲနော် အဲတာဆို( ရိပေါ်ငါတို့ကဒီမှာ) "
" အင်း "လို့မဖြေရသေးခင်မှာပင်ဖုန်းက ကျသွားပြီ။ ဖုန်းထဲကကြားလိုက်တဲ့ အသံတွေအရ လော့ရန်မှာ သူငယ်ချင်းတွေနဲ့တွေ့ပြီး လျှောက်လုပ်နေပြန်ပြီထင်တယ်ဟုတွေးရင်း သက်ပြင်းချမိတော့သည်။
ထိုင်ခုံပေါ် ခြေပစ်လက်ပစ်ထိုင်လို့ မျက်နှာကျက်ကိုကြည့်နေမိတုန်း ရုံးခန်းထဲကို တံခါးခေါက်ပြီး လူတစ်ယောက်ဝင်လာလေသည်။
" ဟင် ... အကျဲ နင်က ဘယ်လိုလုပ် "
ရုံးခန်းထဲဝင်လာသည်က ရှောင်းကျန့်ရဲ့ အစ်မအရင်း ရှောင်းလီ။ ရှောင်းလီက ရှောင်းကျန့်ထက် သုံးနှစ်ကြီးသည်။ အိမ်ထောင်ကျပြီးနောက် ကိုရီးယားကိုသူ့ယောကျာ်းနဲ့လိုက်သွားပြီး ဟိုမှာပဲ အခြေကျနေတာဖြစ်သည်။ ဆယ့်ငါးနှစ်အရွယ်သားတစ်ယောက်လည်းရှိသည်။
ရှောင်းကျန့်ကို ဘာမှအကြောင်းမကြားပဲ ရုတ်ချည်းဆ်ိုသလို ရောက်လာတာကြောင့် အံ့သြနေတာဖြစ်၏။
YOU ARE READING
TOUCH (Zhanyi)
FanfictionJust a touch of your love is enough To knock me off of my feet all week Suggestion song - Little Mix(Touch) A/N : This story is from my imagination.This is just a fan fiction that has nothing to do with reality.Please don't take this serious. This i...
