Unicode;
နွေဦးအကြိုရဲ့ရွက်ကြွေတွေက လွမ်းမောဖွယ်ကဗျာတစ်ပုဒ်လို လှပပါတယ်။
မြေပေါ်ခချိန် ဆွေးမြေ့သွားမှာသိနေရင်တောင် ရှုစားသူတွေမျက်စိပသာဒရှိစေဖို့ရာအတွက် သူတို့ရဲ့ နောက်ဆုံးအလှတရားကို တာဝန်တစ်ခုနှယ် အစွမ်းကုန် တောက်ပပေးကြရှာပါတယ်။
ရွက်သစ်တွေ ပြန်လည်မွေးဖွားပေးဖို့ရာ သစ်ပင်ကိုစွန့်ခွာပေးလေတဲ့ ရော်ရွက်ဝါတွေဟာ အပြုံးနဲ့နုတ်ဆက်ကောင်းနုတ်ဆက်ကြပါလိမ့်မယ်...
ဒါပေမဲ့ နောက်ဆုံးဆိုတဲ့အခိုက်အတန့်က အနည်းနဲ့အများတော့ ဝမ်းနည်းဖို့ကောင်းတာပါပဲ....လေတစ်သုတ်ဖြတ်တိုက်သွားချိန် ရွက်ကြွေတွေကတစ်ဖျောဖျောကျဆင်းလာပြန်တယ်။
ဆံသားတွေပေါ်ကျဆင်းလာတဲ့ ဝါခြောက်ခြောက် ရွက်ကြွေတွေကိုမော့ကြည့်ရင်း ပြုံးနေတဲ့ကောင်ငယ်လေးဟာ စင်ကြယ်မှုတွေဖိတ်စင်လို့ပါပဲ...."လေတိုက်နေတယ်...ကိုယ်တို့ ပြန်လှည့်ကြမလား.."
နွေဦးဝင်စရဲ့ အပူဒဏ်မကဲတဲ့ဒီဒေသက လေနည်းနည်းတိုက်တာနဲ့ ခပ်စိမ့်စိမ့်ဖြစ်ဆဲပဲမို့ ကောင်လေးအအေးမိမှာ သူက စိတ်ပူတယ်။
ဒါပေမဲ့ကောင်လေးက ခေါင်းမာတယ်။
ခပ်ဖျော့ဖျော့ဆွယ်တာအပါးလေးကို လက်ဖျားလေးတွေအုပ်အောင် ဆွဲချလိုက်ရင်း"ဒီအချိန်လောက်ဆို စာသင်နှစ်တွေပြီးလောက်ရောပေါ့.... စာမေးပွဲပြီးတဲ့အချိန် အိမ်မပြန်ပဲ အပူပင်မရှိ လျောက်သွားခဲ့ရတဲ့အရသာကို လွမ်းလိုက်တာ.... "
ကောင်လေးအပြုံးတွေက လွမ်းဆွတ်ခြင်းတွေဆီဦးတည်လို့သွားတယ်...
"အဲ့ဒီတုန်းကကျွန်တော်သိပ်ဆိုးတယ်မလား... ဒီလိုလမ်းတွေပေါ်လည်း ခဏလေးနဲ့ ပြေးလွားသွားနိုင်ပြီး စိတ်ကြိုက်ခုန်ပေါက်နိုင်တယ်....
အကို မှတ်မိလား... ဒီသစ်ရွက်တွေလိုက်ပြေးဖမ်းပြီး စာမေးပွဲအောင်ဖို့ ဆုတောင်းခဲ့တာလေ...."ထို့အတူမကျေနပ်ဟန် နုတ်ခမ်းစူလို့ စကားဆက်တယ်။
"အခုလိုမျိုးသာကြိုသိခဲ့ရင် အဲ့ဒီဆုတောင်းတွေအစား တစ်ခြားဆုတောင်းတစ်ခုကို ပြောင်းခဲ့မိမှာ... "
YOU ARE READING
နေသာတဲ့နေ့တွေမှာဆို ခင်ဗျားကိုနမ်းချင်တယ် [Completed]
Romanceနေရာတိုင်းက အေးခဲနေရင်တောင် ခင်ဗျားနဲ့ပတ်သတ်တဲ့ ကျွန်တော့နှလုံးသားကတော့ အမြဲတမ်းနွေဦးရပ်ဝန်းပဲဗျ.... ေနရာတိုင္းက ေအးခဲေနရင္ေတာင္ ခင္ဗ်ားနဲ႕ပတ္သတ္တဲ့ ကြၽန္ေတာ့ႏွလုံးသားကေတာ့ အၿမဲတမ္းေႏြဦးရပ္ဝန္းပဲဗ်....