Unicode;
ရက်သတ္တပတ်တစ်ခုစာရက်စွဲဟာ အကို့ကို ဒီနေရာနဲ့ရင်းနှီးကျွမ်းဝင်ဖို့ လုံလောက်တဲ့အချိန်ပဲထင်ရဲ့..
အကို အားသွန်ခွန်စိုက်ကြိုးပမ်းခဲ့တယ်ဆိုတာလည်း သံသယဖြစ်စရာမရှိ...
တစ်တန်းလုံးဟာ အကိုရဲ့အရည်အချင်းကိုယုံကြည်လာပြီးနောက် ဆရာဆိုတဲ့အခေါ်အဝေါ်ကို တွင်တွင်ကျယ်ကျယ် လက်ခံလာခဲ့ပြီ။အချိန်တွေ ဘယ်လိုကြပ်ပြီး ဘာလုပ်စရာတွေများပြားနေလဲ သူသေချာမသိပေမဲ့ ဒီပြည့်ကျပ်နေတဲ့ အကို့အချိန်တွေကြားမှာ သူ့အတွက်အချိန်လေး ပိုလျှံဖို့ မျော်လင့်ရင်း သူဟာ ညနေပိုင်းတွေမှာအကို့ကိုမျော်နေခဲ့ပါတယ်...
ဒါပေမဲ့ တစ်ပါတ်ကျော်တဲ့ကြာအထိ ရောက်မလာခဲ့...အကို့ကိုစက်ဘီးငှားပေးလိုက်ပြီး နောက်နေ့မနက်မှာ သူ့ခြံဝန်းနံရံမှာ မှီလျှက်သားလေးရှိနေတဲ့စက်ဘီးဟာ မနက်အစောကြီး အိမ်ပြန်ရောက်လာခဲ့ပုံပဲ...
အဲ့ဒီနေ့ကတည်းကစလို့ အကို့ကိုတွေ့ဆုံခွင့်ဟာ ကျောင်းကယာယီဆရာအနေနဲ့သာ..."ဒီမှာဒါက ဒီလိုအသံထွက်ရတာ..... Whistle.. ဝင်စတယ် မဟုတ်ဘူး ဝစ်စယ်လ်.."
"ဝင်စယ်.."
"ဝစ်စယ်လ်..."
"ဝစ်စ... အား.. တခြားဘာသာလုပ်လို့မရဘူးလား.. ငါအဂ်လိပ်ကို တကယ်မကြိုက်ဘူး.. "
"ရဲရဲပြောလေ.. တခြားဘာသာတွေက ရသေးတယ်... နင်အဂ်လိပ်စာပဲ အရမ်းအားနည်းနေတာ... vocabulary လောက်တော့ရရမှာပေါ့"
"အာ... ခက်တယ်လို့.."
"ရအောင်ပြော.. ဒါလေးတောင်မရရင် နင်ဘယ်လိုလုပ် နိုင်ငံကိုယ်စားပြု ကစားသမားဖြစ်မှာလဲ.."
"ဟ ဘောလုံးကန်တာ အဂ်လိပ်စာနဲ့ ဘာဆိုင်လို့လဲ... စာမေးပွဲအောင်ရင် ရပြီပေါ့လို့..."
"ဘာလို့မဆိုင်ရမှာလဲ...နင်ဒါတွေမပီရင် လေ့ကျင့်ဖို့မသွားရဘူး.. "
ဒီနေ့အတန်းချိန်က ဝင်မဲ့ဆရာမရှိပဲအားလပ်နေတာမို့ အတန်းခေါင်းဆောင်ကပဲ ကိုယ်စား ကြည့်ပေးနေရတဲ့အနေအထားဖြစ်နေတယ်။
လျန်ချိုးဟွာနဲ့ရှင်းယီကတော့ ခင်သွားတဲ့နောက်ပိုင်း တစ်ကျက်ကျက်ရယ်...
သူကတော့ ဘယ်နေရာမှဝင်မပါတဲ့ ဘေးလူ..
YOU ARE READING
နေသာတဲ့နေ့တွေမှာဆို ခင်ဗျားကိုနမ်းချင်တယ် [Completed]
Romanceနေရာတိုင်းက အေးခဲနေရင်တောင် ခင်ဗျားနဲ့ပတ်သတ်တဲ့ ကျွန်တော့နှလုံးသားကတော့ အမြဲတမ်းနွေဦးရပ်ဝန်းပဲဗျ.... ေနရာတိုင္းက ေအးခဲေနရင္ေတာင္ ခင္ဗ်ားနဲ႕ပတ္သတ္တဲ့ ကြၽန္ေတာ့ႏွလုံးသားကေတာ့ အၿမဲတမ္းေႏြဦးရပ္ဝန္းပဲဗ်....