Unicode;
"ပုံမှန်အချိန်တွေဆိုရင် အကိုအိမ်မှာဘာတွေလုပ်လဲ..."
"အင်း... အိမ်မှာဆို စာဖတ်တယ် ရုပ်ရှင်ကြည့်တယ်... ကိုယ့်ရဲ့စာတမ်းတွေရေးတယ်... အဲ့တာတွေမလုပ်ဖြစ်ရင် သန့်ရှင်းရေးလုပ်တာဖြစ်ဖြစ်... တစ်ခါတစ်လေကျတော့လည်း ပျင်းတွဲတွဲနဲ့ တစ်နေကုန်ချက်ပြုတ်ဖို့စီစဥ်ရင်း အချိန်ကုန်သွားတာပဲ..."
ညစာစားပြီးနောက် ဝမ်ရိပေါ်က ဆိုဖာမှာထိုင်နေပြီး အကိုက ရိပေါ်ပေါင်ပေါ်မှာခေါင်းအုံးလို့ ပတ်တီးဖွေးဖွေးအုပ်မိုးထားတဲ့ ရိပေါ်လက်ကိုဆွဲကာ အသာအယာပွတ်သပ်လိုက်၊ နှာခေါင်းထိပ်နဲ့တို့လိုက်၊ လက်ချောင်းဖျားတွေကို သွားနဲ့ခပ်ဖွဖွကိုက်လိုက်နဲ့ ဆော့ကစားနေတာရယ်...
ခံစားရတဲ့သူက ယားကျိကျိ....
အကိုက မျက်လုံးပင့်လို့ သူ့ကိုမော်ကြည့်လာရင်း စကားဆက်တယ်..."တစ်ခါတစ်လေကျ မင်းကိုလွမ်းရင်း တစ်နေကုန်အချိန်ကုန်တာပေါ့..."
"ဘာလဲ... တစ်ခါတစ်လေမှလွမ်းတာလား..."
သူက မျက်မှောင်ကြုံ့လို့ငုံ့မေးတော့ အကိုက သူ့ကိုကြည့်ပြီး ယုန်သွားလေးထင်းနေအောင်ရယ်တယ်...
"မင်းကိုနေ့တိုင်းလွမ်းတာပေါ့.... တစ်ကူးတကလွမ်းဖြစ်တဲ့တစ်ခါတစ်လေကိုပြောတာ.."
"အဲ့လိုခွဲခြားသေးတာလား.."
"အင်းပေါ့.."
"အဲ့ဒီလိုတကူးတကလွမ်းတဲ့အခါ အကိုဘာမှမလုပ်ပဲနေတာကြီးလား"
"ဒီလို ..ပါပဲ..."
ရှောင်းကျန့် မျက်လုံးတွေဝေ့သွားကာ တအုံ့တနွေးဖြစ်လာတဲ့ရှက်စိတ်ကို မချင့်မရဲပြုံးစစဖြင့်ဖုံးရင်း စူးရှရှဖြစ်လာတဲ့လက်ဖျားထိပ်တွေကို လက်သီးဆုပ်ကာ ဖြေလျော့မိတယ်...
"ဘာကြီးလဲ.."
အတက်အကျလှုပ်ရှားသွားတဲ့ အကို့လည်စေ့နဲ့ ခပ်ရဲရဲဖြစ်နေတဲ့နားရွက်ကိုကြည့်ပြီး ဝမ်ရိပေါ်ခေါင်းထဲအတွေးတစ်ခုဝင်လာတဲ့နောက် သူပါမျက်နှာတွေလိုက်ပူလာတော့ရဲ့...
"အကို ... မဟုတ်မှလွဲရော.."
"ရှေ့နည်းနည်းတိုး..ဝမ်ရိပေါ်.."
BINABASA MO ANG
နေသာတဲ့နေ့တွေမှာဆို ခင်ဗျားကိုနမ်းချင်တယ် [Completed]
Romanceနေရာတိုင်းက အေးခဲနေရင်တောင် ခင်ဗျားနဲ့ပတ်သတ်တဲ့ ကျွန်တော့နှလုံးသားကတော့ အမြဲတမ်းနွေဦးရပ်ဝန်းပဲဗျ.... ေနရာတိုင္းက ေအးခဲေနရင္ေတာင္ ခင္ဗ်ားနဲ႕ပတ္သတ္တဲ့ ကြၽန္ေတာ့ႏွလုံးသားကေတာ့ အၿမဲတမ္းေႏြဦးရပ္ဝန္းပဲဗ်....