(Uni)ပုလဲလုံးသဖွယ်တောက်ပနေတဲ့မျက်လုံးလေးတွေထက်ဝယ် မျက်ရည်စလေးတစ်ချို့ကပ်ညှိနေပုံမှာအင်မတန်ပင်ကြည့်လို့ကောင်းလှသည်။မျက်တောင်ကော့ကော့လေးတွေဖြင့်နားမလည်သလိုပြန်ကြည့်နေတာကလဲချစ်ဖို့ကောင်းနေပြန်၏။အချိန်အတော်ကြာစုပ်ယူနမ်းရှိုက်ခံထားရတဲ့ပန်းနုရောင်နှုတ်ခမ်းသားနုနုကအနည်းငယ်ထူအမ်းနေသယောင်။
မသိစိတ်ကဖြစ်ပေါ်လာတဲ့ရင်ခုန်မှုကသက်လျာဆိုတဲ့သူနဲ့မှတွေပြီးနိုးထလာခဲ့သည်။အမြဲတမ်းဒီမျက်နှာလေးအားမြင်ချင်သလို နူးနူးညံ့ညံ့အသံကိုလဲကြားချင်မိသည်။သဝန်တိုစိတ်နဲ့အတူဖြစ်ပေါ်လာတဲ့ခံစားချက်ကလဲသဘောအားထိန်းချုပ်မပေးနိုင်တာကြောင့် စိတ်ရှိတိုင်းဖွင့်ပြောလိုက်ခြင်းပင်။သို့သော် သက်လျာကဘာမှပြန်မပြောဘဲသူ့ကိုသာကြည့်နေသည်။
"သက်လျာ...."
"အင်း"
"စောနကပြောလိုက်တဲ့စကားကို စဥ်းစားပေးမယ်မဟုတ်လား"
သက်လျာသိသည်။ပြန်မေးစရာမလိုအောင် အကုန်လုံးကိုလဲရှင်းရှင်းလင်းလင်းကြားလိုက်သည်။သဘောကသူ့ကိုချစ်နေမိသည်တဲ့။ထိုစကားကိုကြားမိချင်းသက်လျာအငိုရပ်သွားကာ သဘောအားဘာမှမပြောဘဲ ခဏတာကြည့်နေမိသည်။သူ့အားအတင်းနမ်းရှိုက်ပြီးချစ်ခွင့်ပန်နေတဲ့သဘောက သက်လျာကိုတကယ်သဘောကျနေတာလား။တကယ်လို့သဘောကျနေတယ်ဆိုရင်တောင် မိန်းကလေးလိုဝတ်စားနေထိုင်တဲ့သက်လျာရဲ့ပုံစံကိုဘဲမဟုတ်လား။ လားပေါင်းများစွာသောမေးခွန်းတွေကိုမတွေးတော့ဘဲ သဘောမျက်နှာကိုကြည့်ကာ...
"ဟင့်အင်း...ငါ့ကိုချစ်လို့မရဘူး"
"ဘာဖြစ်လို့လဲ ယောကျ်ားနဲ့မိန်းမ လူပျိုအပျိုသဘာဝ ကျွန်တော်ခင်ဗျားကိုချစ်ခွင့်မရှိဘူးလား"
"မရှိဘူး"
သက်လျာပြောလိုက်တဲ့ပုံစံကခပ်ပြတ်ပြတ်ပင်။သက်လျာကမိန်းကလေးတစ်ယောက်မဟုတ်ဘူးဆိုတာသူ့ကိုယ်သူအသိဆုံး။သက်လျာဘယ်လိုဘဲ ဒီလိမ်ညာမှုကိုဖုံးကွယ်ထားပါစေ အမှန်တရားဆိုတာကတစ်ချိန်မှာပေါ်လာခဲ့ရင်.....ဟင့်အင်း။သူဒါတွေကိုဆက်မတွေးချင်ပါ။
YOU ARE READING
မင်းသဘောပါ မောင့်သက်လျာ [ Complete ]
Romance[Own Creation] BL/Male pregnancy Uke weak and look like girl 💟