(Uni)ခေါ်သံကြားရာနောက်သို့လှည့်ကြည့်လိုက်တော့တွေ့လိုက်ရတဲ့သူကြောင့်သက်လျာမျက်လုံးပြူးသွားသည်။ဘယ်ချိန်ကတည်းကရောက်နေမှန်းမသိတဲ့သူက သူ့ကိုကြည့်နေသည်။မဟုတ်မှလွဲရောကြားသွားတာများလား။
"သက်လျာ"
"ဟင်..အင်း"
"ဘာဖြစ်နေတာလဲ "
"ဒီအတိုင်းပါဘဲ ဒါနဲ့သဘောကဘယ်လိုရောက်လာတာလဲ"
"ခင်ဗျားကိုလာကြိုတာ အိမ်ကိုဝင်ပို့ခဲ့မယ် ပြီးမှကျုပ်အလုပ်သွားမယ်"
"အော် အင်းအင်း"
သက်လျာအတွေးတွေ ဂယောင်ခြောက်ခြားတွေဖြစ်နေတာမို့ သဘောပြောတာကိုသူအာရုံမရပေ။
"သက်လျာ"
"ဟင်"
"စောနက ကျွန်တော်လို့ပြောလိုက်တာလား"
သူထင်သလိုသဘောကမေးလာတာကြောင့်သက်လျာပြန်ဖြေသမျှစကားလုံးတိုင်းကအထစ်ထစ်အငေါ့ငေါ့နှင့်။
"အော် ဒါ...ဒါလား ဟို...သက်လျာကမန္တလေးသူဆိုတော့ကျွန်တော်လို့ပြောရတာအကျင့်ပါနေလို့ပါ ဘာဖြစ်လို့လဲဟင်"
"မဖြစ်ပါဘူး တစ်မျိုးဖြစ်နေလို့မေးကြည့်တာ"
"အင်း "
"ဒါဆိုအဝတ်အစားလဲတော့လေ ဒီကစောင့်နေမယ်"
"အင်း ငါမြန်မြန်ထွက်လာခဲ့မယ်"
မုသားသုံး၍ဖြေကာသက်လျာတစ်ယောက်သဘောအနားကမြန်မြန်ထွက်လာခဲ့သည်။ကျွန်တော်လို့ပြောတာဘဲကြားလို့တော်သေးသည်။မဟုတ်ရင်သူမလွယ်ပေ။အမှန်တိုင်းပြောရရင်ဒီလိုမျိုးဟန်ဆောင်နေရတာကိုသူမကြိုက်ပါ။ဒါပေမဲ့မတတ်နိုင်ဘူးလေ....
"သဘော ငါပြီးပြီ"
အခန်းထဲကနေထွက်လာတဲ့သူကအလှနတ်သမီးရှုံးလောက်သည်။ဇာပေါက်ဝမ်းဆက်အကျီနက်ပြာလေးကိုလှလှပပဝတ်ဆင်ထားတဲ့သက်လျာက နေ့တိုင်းကို တစ်နေ့တစ်မျိုးမရိုးရအောင်ကိုလှနေတော့သည်။
"ဘာလို့စိုက်ကြည့်နေပြန်တာလဲ"
"ခင်ဗျားကလှလို့ပေါ့"
YOU ARE READING
မင်းသဘောပါ မောင့်သက်လျာ [ Complete ]
Romance[Own Creation] BL/Male pregnancy Uke weak and look like girl 💟