ထန်းဇီယု ကုကျိုစစ်ရဲ့ မှင်တက်နေသောအချိန်ကိုအခွင့် ကောင်းယူကာ သူ့ကို တွန်းထုတ်ပြီး ထွက်သွားလိုက်သည်။
ကုကျိုစစ် သူ့ နောက်လိုက်ချင်ပေမယ့်လည်း ကုကျိုရှင်းက သူ့ကို တားလာလေသည်။
"မလိုက်နဲ့။ အခု ဒီကိုလာပြီး မင်းနှစ်ယောက်ကြားက ကိစ္စတွေကို ငါ့ကိုပြော"
"ကျွန်တော်တို့နှစ်ယောက်ကြားကဘာကိစ္စလဲ?" ကုကျိုစစ် ခက်ထန်စွာ ပြန်ဖြေလိုက်တော့
ကုကျိုရှင်းက သူ့အိတ်ကပ်ထဲ လက်တစ်ဖက်ကို ထည့်ကာ ရယ်လိုက်ပြီးပြောလာတယ်။ "ရှောင်ယုက မင်းနဲ့ လက်ထပ်စာချုပ်ဖျက်သိမ်းချင်နေတဲ့အကြောင်းလေ ၊မဟုတ်ဘူးလား?"
"သူဒီတိုင်းအလေးအနက်မထားပဲ လျှောက်ပြောနေတာ"
"ဒါဆို မင်းကအခုဘာလို့ စိတ်တိုနေတာလဲ?"
"ကျွန်တော်ဘယ်မှာစိတ်တိုနေလို့လဲ?"
"မင်းစိတ်မတိုဘူးလို့သာပြောတာ မင်းလက်သီးတွေဆုပ်ထားပါလား။"
ကုကျိုစစ်တစ်ယောက် သူ့လက်ဆစ်များ အားလုံးဖြူဖျော့နေမှန်း တွေလိုက်ရတော့မှ သူက သူ့လက်ကို အမြန်လွှတ်လိုက်ပြီး တိုးတိုးလေး ပြောလိုက်တယ်။ " ဂရုမစိုက်ဘူး"
"လာ၊ စကားပြောရမယ်။"
ကုကျိုရှင်းက စကားပြီးတာနဲ့ လှည့်ပြီး စာကြည့်ခန်းထဲကို ဝင်သွားလေသည်။
* * *
ထန်းဇီယုပိုက်ဆံထုတ်လိုက်ကာ လျိုရှုကိုဖုန်းခေါ်လိုက်ပြီး နောက်နေ့ကုမ္ပဏီကိုသွားမယ့်အကြောင်းပြောပြလိုက်သည်။
ဒါပေမယ့် သူဖုန်းချပြီးပြီးချင်း ကုကျိုစစ်ဆီကဖုန်းဝင်လာ၏။
ထန်းဇီယု ဖုန်းမကိုင်ဘဲနေလိုက်တယ်။
ကုကျိုစစ် က သူ့ကို WeChatကနေစာပို့လာတယ်- [ဖုန်းကိုင်အုံး၊ ငါမင်းနဲ့ပြောစရာရှိတယ်။]
ထန်းဇီယု ဖုန်းကိုကြည့်လိုက်ပြီး ဂရုမစိုက်ပဲဒီတိုင်း ထားလိုက်တော့
ကုကျိုစစ်ရဲ့ ဖုန်းခေါ်သံက ထပ်ထွက်လာကာ ထန်းဇီယုသူ့ကိုတန်း ဘလော့လိုက်တော့သည်။
YOU ARE READING
ပြန်လည်မွေးဖွားပြီးနောက် အနုပညာလောကမှာနာမည်ကြီးလာတယ်
RomanceTitle - After Rebirth, I Become Popular in the Entertainment Industry Author - 林盎司 ( Lin Ang Si) Status in COO - 43 chapters and 6 extra Genre - Romance, Shounen Ai Full credit to original author and English translator.
