ပြန်လည်မွေးဖွားပြီးနောက် အနုပညာလောကမှာနာမည်ကြီးလာတယ်

10( Unicode)

ကုကျိုစစ်မှင်တက်သွား၏"အစ်ကို မင်းရူးနေလား။  သူငယ်ချင်းရဲ့ မိန်းမနဲ့တောင်မဖောက်ပြန်သင့်တာ ညီရဲ့မိန်းမနဲ့ဆို ပိုလို့တောင်မဖောက်ပြန်သင့်ဘူး။

ကုကျိုရှင်း က သူ့ကို ကြည့်ပြီး အေးဆေးပြောတယ် "ရှောင်ယုက အဲ့နေ့က မင်းနဲ့လက်ထပ်စာချုပ်ကို ဖျက်သိမ်းဖို့ အိမ်ကို လာခဲ့တာလေ မင်းမသိဘူးလား?"

"ဒါပေမယ့် ကျွန်တော်သဘောမတူခဲ့ဘူးလေ။"

"အိမ်ထောင်တစ်ခုမှာတောင် တစ်ဖက်လူကကွာရှင်းချင်ရင် ကွာရှင်းလို့ရတာပဲ၊ လက်ထပ်ဖို့လုပ်ထားတဲ့စာချုပ်တစ်ခုဆိုရင်ပြောမနေနဲ့တော့၊ရှောင်ယုက မင်းကို လက်မထပ်ချင်ဘူးလေ မဟုတ်ဘူးလား
?"

ကုကျိုရှင်း က အပြုံးလေးနဲ့ပြောလာတယ်။  "ဘာပဲဖြစ်ဖြစ် မင်းသူ့ကို မကြိုက်ဘူးလေ၊ လက်ထပ်တာကိုလည်း သဘောမတူခဲ့ဘူး။  အခုတော့ ပျက်သွားဆိုတော့ ကျောက်ခဲတစ်လုံးနဲ့ ငှက်နှစ်ကောင်ထိသွားသလိုပဲလေ၊ ဒါကကောင်းတာပဲ။"

ကုကျိုစစ်:   "ကျွန်တော်က အသက်ငယ်ငယ်လေးနဲ့ လက်မထပ်ချင်လို့ ပြီးတော့ အိမ်ကစီစဉ်ပေးတဲ့အိမ်ထောင်ရေးကိုလည်း သဘောမကျလို့သဘောမတူခဲ့တာ။  အခုဘယ်ခေတ်ရောက်နေပြီလဲ? ပဒေသရာဇ်တွေရဲ့ အကျင့်ဆိုးလိုပဲ..."

ကုကျိုရှင်း က သူ့စကားကိုကြားဖြတ်ကာပြောလာသည်။ "ပဒေသရာဇ် အကျင့်ဆိုးနဲ့ ခေတ်မမီတော့တဲ့ အတွေးအခေါ်တွေမှန်း ငါသိတယ်။  မင်းလို ခေတ်ရေစီးကြောင်းလိုက်တဲ့သူက ဒါမျိုးတွေကို ပဓေသရာဇ်အကျင့်ဆိုးလို့ထင်လို့ မင်းရှောင်ယုကိုလက်မထပ်ချင်မှန်းငါနားလည်တယ်။မင်းကိုလည်းထောက်ခံတယ်၊ ခေတ်ကတိုးတက်နေတာ။  လက်ထပ်တာကလွတ်လပ်ပြီး အချစ်ကလည်း လွတ်လပ်တယ်။"

"ဒါတောင်လုပ်အုံးမလို့လား?"

"အဲ့တော့  ငါက မင်းအတွက် ဝန်ထုပ်ဝန်ပိုးတွေကို ခွဲဝေပေးနေတာမဟုတ်ဘူးလား? ငါက မင်းနဲ့ မတူဘူး။  ငါ့မှာ မင်းလို မြင့်မြတ်တဲ့ အသိဥာဏ် မရှိဘူး။  ကလေးအနမ်းတွေရှိနေသရွေ့ဒီအိမ်ထောင်ရေးကိုငါ လက်ခံတယ်။  ရှောင်ယုက မင်းရဲ့မျိုးရိုးနာမည် ကုနဲ့မနေနိုင်မှတော့  သေချာပေါက် ငါ့မျိုးရိုးနာမည်ကု ပဲကျန်တော့တယ်လေ။"