BROTHER'S DESIRES [BXB] [COMPLETED]

CHAPTER 38

Chapter 38

"Ahhh..."

"Ayoko na, kuya OJ. Busog na ako." pagtanggi ni Argo nang akmang susubuan na naman siya ng kanin at ulam ng kanyang kuya OJ.

Sinamaan lamang siya nito ng tingin at tumiklop na siya. Wala na siyang nagawa kung hindi ang ibuka ang kanyang bibig at kainin iyon. "Uubusin mo itong dala ni Mama."

Tumango siya at kinuha ang bote ng tubig. Saglit na ibinaba ng kanyang kuya OJ ang hawak nitong plato at kutsara bago kinuha sa kanya ang bote ng tubig at binuksan iyon. "Salamat." tugon niya at uminom. Matapos uminom ay inilapag niya sa lamesa sa tabi ng kanyang higaan ang bote ng tubig at muling sumubo ng kanin at ulam.

Napatingin siya sa wall clock ng kanyang hospital room. Alas otso na ng gabi. Umuuwi ng ganoong oras kung minsan ang kanilang mama at papa upang tingnan si Betamax, kung minsan naman ay iniiwan ng mga ito ang kanilang alaga sa mga kakilala. Sa halos tatlong araw na niyang pamamalagi sa hospital ay laging ang kanyang kuya OJ ang nagbabantay sa kanya. Hindi na ito umuuwi sa kanilang bahay at dinadalhan na lamang ng kanilang mama at papa ng pamalit na damit.

Sa tatlong araw na lumipas, puro test pa lamang ang ginagawa sa kanya at pinaplano pa ng kanyang mga doktor ang operasyong gagawin. Wala siyang masyadong alam sapagkat ang kanyang mama at papa ang madalas na kausap ng mga doktor sapagkat menor de edad pa lamang siya at ang kanyang mga magulang ang nagdedesisyon sa gamutang gagawin sa kanya. Gayun pa man, alam niyang sasailalim siya sa operasyon at pagkatapos niyon ang ilang rounds ng chemo.

"Gusto ko manood ng pelikula mamaya, kuya OJ." aniya.

"Bawal ka magpuyat. Pagkatapos mo kumain ay maghuhugas lamang ako tapos ay matutulog na tayo." pinal nitong usal.

Napabuntong hininga na lamang siya. Sigurado siya na kung wala ang kanyang kuya OJ sa tatlong araw nang pamamalagi niya sa hospital ay sigurado mababaliw siya sa pagkaburyong.

Matapos niyang maubos ang pagkain ay muli siyang uminom ng tubig. Nagpatulong siya na bumangon sa kanyang kuya OJ at inalalayan siya nito patungo sa CR.

"Iihi ako, kuya OJ." aniya at akmang isasara na ang pinto ng pigilan siya nito.

"Huwag mo isara, baka mamaya matumba ka at hindi ko makita." dahilan nito na nagpakunot sa kanyang noo.

"Huh?"

"Umihi ka na." usal nito at kunwari'y nababagot pa.

Tulak ang pinagkakabitan ng kanyang IV, itinaas na niya ang kanyang suot na hospital gown at umupo sa bowl. Medyo namula pa ang kanyang pisngi nang muling maalala na wala siyang panloob na suot dahil mas madali para sa kanya na umihi at magbawas kapag walang panloob. Napalingon siya sa kanyang kuya OJ at mas nag init ang pisngi nang makitang nakatingin ito sa kanya.

"Kuya OJ, nahihiya ako."

"Arte mo. Nakita at nahawakan ko na iyan." usal nito.

Sa sobrang hiya ay hindi na siya nakatugon pa at matapos umihi ay naghugas siya ng kamay at muling nagpa alalay sa kanyang kuya OJ patungo sa kanyang higaan. Niligpit naman nito ang kanyang pinagkainan at kumuha ng pamalit na damit bago tumungo sa CR.

Ilang minuto lamang ang lumipas ay nakahugas na ito at nakabihis na rin ng simpleng short at tshirt.

"Usog ka na. Gusto ko ng mahiga." Utos nito at mabilis siyang umusog sa gilid ng kanyang higaan para bigyan ito ng puwang na mahigaan. Ganoon lagi ang kanilang set up kapag gabi. Noong una nga ay nagulat pa ang mga nars na umiikot pero ngayon ay parang wala na lamang.

Nang makahiga na ang kanyang kuya OJ, mabilis kaagad siyang yumakap sa mainit nitong katawan. Kumalma kaagad ang kanyang sistema sa pamilyar na amoy ng sabon nito maging sa init ng brusko nitong katawan. Ligtas siya sa tabi nito. Iyon lamang ang tanging nasa isip niya.