နတ်ဘုရားအဆင့် လုပ်ကြံသတ်ဖြတ်သူ

အပိုင်း (၄) လောင်မိသားစု

unicode

S City ရှိ အထပ်မြင့်အဆောက်အအုံတစ်ခုအတွင်းတွင်၊ တန်ဟွာအဖွဲ့အစည်း အတွက် သုံးလပတ် အစည်းအဝေးကို ကျင်းပနေခဲ့သည်။ ဌာနဆိုင်ရာအသီးသီးမှ အကြီးအကဲများသည် အစည်းအဝေး စတင်မည့်အချိန်ကို စောင့်မျှော်နေကြပြီး၊ စားပွဲရှည်ကြီးတစ်ခုပေါ်တွင် ထိုင်ကာ အစည်းအဝေးခန်းမ တစ်ခုတွင် စုဝေးနေကြသည်။ လွန်ခဲ့သည့်သုံးလအတွင်း ကောင်းမွန်စွာလုပ်ဆောင်ခဲ့သော ဌာနအကြီး အကဲများသည် ၎င်းတို့၏အောင်မြင်မှုအားလုံးကို အစီရင်ခံရန် မစောင့်နိုင်ပေ။ ဒါပေမယ့် ကောင်းကောင်း မလုပ်နိုင်တဲ့သူတွေကတော့ စိတ်ရှုပ်စရာပါပဲ။ စားပွဲထိပ်မှာဒေါသတကြီး ထိုင်နေတဲ့လူကို ကြည့်နေကြသည်။

တန်ဟွာအဖွဲ့အစည်း ၏ဥက္ကဌနှင့် CEO - လောင်ဝေတန်

ဘယ်လိုပြုံးရမလည်းမသိသလိုမျိုး သူ့အမူအရာက အေးစက်စက် ဖြစ်နေသည်။ သူ၏ အနက်ရောင်ဆံပင်ကို နောက်လှန်ထားပြီးဘေးမှာ ဆံပင်ဖြူအနည်းငယ်ရှိနေသေးသည်။ အနက်ရောင်မျက်လုံးတစ်စုံက လူတွေကို တစ်ချက်ကြည့်လိုက်ရုံနဲ့ အေးခဲသွား‌စေနိုင်သည်။ သူသည် အသက်၅၀ အစောပိုင်းတွင်ရှိနေပြီဖြစ်သော်လည်း သူ၏ချောမောသောမျက်နှာနှင့် ခန္ဓာကိုယ် အချိုးအစားကြောင့် ဆယ်နှစ်ငယ်ပုံရနေသည်။

လောင်ဝေတန် ၏ဘဝသည် ကောင်းမွန်သော ဇာတ်လမ်းတစ်ပုဒ်ဖြစ်သည်။ သူသည်စုတ်ပြတ်နေတာ ကနေချမ်းသာတဲ့သူအဖြစ်ရောက်ခဲ့သည်။ သူသည် အောက်ခြေမှ စတင်ကာ အပေါ်သို့ ဖြည်းညှင်းစွာ လျှောက်လာခဲ့သည်။ နာမည်ကြီး တက္ကသိုလ်တစ်ခုမှ ဘွဲ့ရပြီးနောက်၊ ကုမ္ပဏီကြီးတစ်ခုမှ အလုပ်ကမ်း လှမ်းမှုကို လက်ခံမည့်အစား သူ့ကိုယ်ပိုင် တည်ဆောက်ခဲ့သည်။ တန်ဟွာအဖွဲ့အစည်းသည် ထိုအချိန်က မည်သူ့ကိုမျှ သတိမပြုမိဘဲ ကုမ္ပဏီငယ်တစ်ခုမျှသာဖြစ်သည်။ ဒါပေမယ့် နှစ်၃၀ ကြာတော့ အဲဒီကုမ္ပဏီ ငယ်လေးဟာ အခု S City မှာ အကြီးဆုံးအိမ်ခြံမြေကုမ္ပဏီဖြစ်လာခဲ့ပြီဖြစ်သည်။ ပြောစရာမလိုအောင်၊ တစ်နိုင်ငံလုံးမှာ အကြီးဆုံးဖြစ်နေခဲ့ပြီ။

ဥက္ကဌ သည် အထက်တန်းစားလူ့အဖွဲ့အစည်းတွင် လောင် မိသားစု၏ရပ်တည်မှုကို ခိုင်မာစေခဲ့သည်။ ယခုဆိုလျှင် သူတို့သည် တိုင်းပြည်ရှိ အခြားမိသားစုကြီးများနှင့် စိတ်ချလက်ချ တိုက်ခိုက်နိုင်နေပြီ ဖြစ်သည်။