unicode
ဒီနေ့ဟာ ရှောင်ယန် ရဲ့ ပထမဆုံး ကာယကုထုံးနေ့ ဖြစ်ပါတယ်။ လောင်ဝေတန်က ဆေးရုံကို တန်းတန်းမတ်မတ် သွားချင်ပေမယ့် အရေးကြီးတဲ့ စာရွက်စာတန်းတွေ ပြီးအောင်လုပ်ဖို့ သူ့ရုံးခန်းမှာ ရှိနေရသည်။ သူ့လက်ထောက်က တံခါးခေါက်ပြီး ဝင်လာတဲ့အခါ သူက နောက်ဆုံးစာရွက်ရဲ့ နောက်ဆုံးစာမျက်နှာမှာ ရှိနေပြီဖြစ်သည်။
"ဘာလဲ" သူဖတ်နေတဲ့ စာရွက်ပေါ်ကနေ သူ့အကြည့်တွေကို မဖယ်ပဲနဲ့မေးလိုက်သည်။
" ဥက္ကဌ လောင်၊ ဥက္ကဌ ဘိုင်လာပါပြီ" ဟု လက်ထောက် ၀မ် က ပြောသည်။
လောင်ဝေတန် သည် သူ၏ လှုပ်ရှားမှုများကို ရပ်လိုက်ပြီး ခေါင်းကို အနည်းငယ် မော့ကာ အံ့သြသွားသည်။ "ဘိုင်ချန်း"
" ဟုတ်ပါတယ် ဥက္ကဌ "
"သူဝင်လာပါစေ"
လက်ထောက် ၀မ် ရုံးခန်းထဲက ထွက်လာတော့ လောင်ဝေတန်မတ်တပ်ထရပ်ပြီး ပြတင်းပေါက်သို့ လမ်းလျှောက်သွားလိုက်သည်။ ဘိုင်ချန်းရုတ်တရက် လာရောက်ရတဲ့ အကြောင်းရင်းကို သူသိပြီးသားပါ။
ခဏအကြာတွင် အသက် ၅၀ အရွယ် အမျိုးသားတစ်ဦး အခန်းထဲကို ဝင်လာခဲ့သည်။ လောင်ဝေတန် ကဲ့သို့ပင် ထိုလူသည်လည်း ကောင်းမွန်စွာ ထိန်းသိမ်းထားသည့် ပုံစံရှိသည်။ သူ့မှာ ဆံပင်ဖြူတွေ ပိုများနေပေမယ့် သူ့မျက်လုံးဘေးက အရည်းကြောင်းတွေက ပိုထင်ရှားနေသည်။ သူ့မျက်နှာက ကြည်လင်ပြီး ရိုးသားတဲ့ပုံစံ။ ဒါပေမယ့် သူနဲ့ ဆက်ဆံတဲ့ လူတွေကပဲ အထူးသဖြင့် လုပ်ငန်းတစ်ခုတည်းကပဲ သူဘယ်လိုလူလည်းဆိုတာ သိကြသည်။
ဘိုင်ချန်းကတော့ လက်ရှိ ဘိုင်မိသားစု ရဲ့ အကြီးအကဲဖြစ်ပြီး လောင်ဝေတန် မိန်းမရဲ့ အကိုဖြစ်သူလည်း ဖြစ်ပါသည်။
"မင်းထင်ထားတာထက် အများကြီး မြန်မြန်ရောက်လာခဲ့တယ်"လို့ပြောလိုက်သည်။ လောင်ဝေတန်က စည်းမျဥ်းစည်းကမ်းတွေမှာ အနှောက်အယှက်မဖြစ်စေဘဲ ညီအကိုတွေမဖြစ်ခင်ကတည်းက သူတို့နှစ်ယောက်က ခင်မင်ရင်းနှီးခဲ့ကြတာမို့လို့ နှစ်ယောက်သားကြားထဲမှာ ဒီလိုပြောစရာမလိုပါဘူး။
YOU ARE READING
နတ်ဘုရားအဆင့် လုပ်ကြံသတ်ဖြတ်သူ
Romanceအပြင်ဘက်တွင် အေးစက်နေပြီး အတွင်းဘက်တွင် သစ်ကြံပိုးခေါက်လိပ်လိုအကြံကြီးတဲ့ အထက်ပုဂ္ဂိုလ်ကြီးနှင့် အလွန်လှပပြီး ဝမ်းတွင်းမဲ အောက်ပုဂ္ဂိုလ်လေးယန်ယန်။
