နတ်ဘုရားအဆင့် လုပ်ကြံသတ်ဖြတ်သူ

အပိုင်း (၆) ပထမဆုံးမိသားစုအပြန်အလှန်ဆက်ဆံမှု

unicode

လောင်ယန် က သူ့ဆေးရုံကုတင်ဘေးမှာ ရပ်နေတဲ့ အရပ်မြင့်မြင့် လူသုံးယောက်ကို စိုက်ကြည့်နေလိုက်သည်။ သူတို့သုံးယောက်က သူ့မိသားစုအသစ်လို့တွေးပြီးနောက် မက်မွန်ပွင့် ပုံသဏ္ဍာန် မျက်လုံးတွေဟာ တောက်ပလာတော့သည်။ အဘယ်ကြောင့်ဆိုသော် ၎င်းတို့သည် ဆက်စပ်နေပါက ဤခန္ဓာကိုယ်သည် လူပုလေးအဖြစ် ရှိနေမည်မဟုတ်ဟု ဆိုလိုခြင်းဖြစ်သည်။ ဤခန္ဓာကိုယ်သည် သူ့အသက်အရွယ်အရ အလွန်သေးငယ်နေခြင်းသည် အချိန်အကြာကြီး မေ့မြောနေခြင်းကြောင့်သာ ဖြစ်သည်။ ရုပ်ပိုင်းဆိုင်ရာ ကုထုံးတွေ ပြီးတာနဲ့ ကျန်းမာရေး အပြည့်အဝ ပြန်ရလာတဲ့အခါ ကြီးထွားမှု အားကောင်းလာမှာ သေချာပါသည်။ ထို့နောက် သူသည် နှာဘူးအတွက် လွယ်ကူသော ပစ်မှတ်တစ်ခုလို ဖြစ်နေသည့် လှပသော ကောင်လေးနဲ့တူမည်မဟုတ်ပေ။

လောင်ဝေတန်သည် သူ၏ ဒုတိယသားကို စိုက်ကြည့်နေလိုက်သည်။ ရှောင်ယန် ၏ မျက်နှာသည် ပါးလွှာပြီး သူ့ပါးပြင်များ ချောင်ကျသွားသည်။ ခုနစ်နှစ်ကြာ သတိမေ့မြောခြင်း၏ အကျိုးသက်ရောက် မှုများကို လူတစ်ဦးမှ အမှန်တကယ် မြင်နိုင်သည်။ သို့သော် သူ့မျက်လုံးများသည် ထိုနေ့ကဲ့သို့ပင် တောက်ပနေသေးသည်။ သူ့နှလုံးသားရဲ့ တစ်စိတ်တစ်ပိုင်းကို ဆုံးရှုံးလိုက်ရတဲ့နေ့(သူ့မိန်းမ)။ ယခုတော့ သူ့မိန်းမနှင့်တူသော သူ့၏သားကိုကြည့်ရင်း သူ့နှလုံးသားကို တစ်စုံတစ်ခုက ဆုပ်ကိုင်ထားသလို ခံစားလိုက်ရသည်။

"ရှောင်ယန် ပြန်လာတာကို ကြိုဆိုပါတယ်နော်" လို့ သူ့အကြည့်တွေက ပျော့ပျောင်းပြီး ခံစားချက်အပြည့်နဲ့ ပြောလိုက်၏။

လောင်ယန်သည် ထိုလူကြီးဘက်သို့ လှည့်လိုက်သည်။ သူ့ကို လှမ်းကြည့်တဲ့ ပုံစံကို မြင်တော့ မူလပိုင်ရှင်မှာ ရှိခဲ့တဲ့ အမှတ်ရစရာ အတိုအထွာလေးကို ရုတ်တရက် သတိရမိသွားသည်။ အေးစက်သောအမူအရာဖြင့် ထိုလူက သူ့ကို ငုံ့ကြည့်နေသည်လေ။ လောင်ယန် အံ့အားသင့်သွား သောအခါတွင် သူရုတ်တရက် စိတ်ခံစားချက်များ ပေါက်ကြားလာပြီး နှလုံးသားထဲတွင် ငိုချင်သလို ဖြစ်လာသည်။ ထိုလူကို လှမ်းအော်လိုက်ချင်သော အသံတစ်ခု သူ့အတွင်း၌ ရှိနေခဲ့သည်။