The Assassin Servant (Under Immac Printing Publishing House)

Kabanata 27

Pumasok ako ng kwarto. Isasarado ko na sana ang pintuan may kamay na pumigil, inis kong binitawan ang door knob.

Pumasok si Venezio. May dalawang maleta syang dala.

Linagay nya sa gilid ng kama. Binalingan nya ako ng tingin.

"Magpatulong kalang kay, Manang, kung hindi mo alam gawin," ani nya, at binuksan ang malaking kabinet.

Nakita nya ang naka hanger na gown ko.

"Anong gagawin mo jan?" tanong ko at mabilis inagaw sa kanya ang gown.

Nabibigatan ako sa laki ng gown.

"Hindi kasya sa loob ng kabinet ang gown mo, Blare. Hahanap ako ng paglalagyan nyan." Kinuha nya ulit sa 'kin ang gown.

"Siguraduhin mo lang talaga na hindi mo 'yan susunugin. Alam ko naman patay na patay ka sa 'kin," binulong ko lang ang huli.

"What?" nagsalubong ang kilay nya.

"Lumayak ka na," ani ko at tinuro ang pintuan palabas.

Sinunod naman nya ako. Paglabas nya dala ang gown ko. Binuhat ko na rin ang ang isang maleta at binuksan.

Mas maraming dress kumpara sa mga T-shirt. May mga panloob na rin.

Tinaas ko ang isang panty na bulaklakin.

"P*tang ina!" Mura ko.

Agad kong binalik sa loob ang bulaklakin panty, dati lang ako mahilig nyan, pero ngayon hindi na.

Kumuha ako ng damit ko at nagpasyahan ng maligo, kahit anong lamig pa. Matagal pa rin ako maligo. May mga skin care routine na rin sa isang maleta.

Pagkatapos kong maligo, nagpahid na rin ako ng lotion. Ang sarap lang sa pakiramdam na nakaligo na rin ako. Nagblower lang ako dahil basa ang buhok ko.

Gabi na rin talaga, nakaramdam ako ng uhaw.

Nagpasyahan kong bumaba para kumuha ng tubig sa kitchen.

May nakahanda na rin tubig kaya iyon nalang ang ininom ko.

Aakyat na sana ako ng mapansin nakabukas ang pintuan. May twalya akong nakita sa sofa kaya kinuha ko iyon at binalot sa sarili, malamig talaga sa labas.

Maliwanag naman sa labas. Bilog na bilog rin ang buwan.

Nakita ko ang isang lalaki na nakatalikod habang nakatingin sa dagat.

Hindi ko alam na mahilig pala talaga si Venezio sa alon, kaya naman pala dito nya pinili magpatayo ng bahay.

Nang maramdaman nya ako, agad syang lumingon sa gawi ko.

Naglakad ako papalapit sa kanya at umupo sa tabi nya.

Pareho kaming nakatingin sa hampas ng alon.

"Bakit hindi kapa natulog?" tanong nya.

"Malamang hindi pa ako inaantok," sagot ko.

"Blare!" Suway nya.

Tumahimik ako. Ang lamig talaga dito sa labas.

Napakurap kurap ako ng hawakan nya ang kanan palad ko at haplosin.

Pinagtama nya ang tingin namin. Ang bilis ng tibok ng puso ko.

Pumikit ako ng unti unti nyang ilapit ang labi sa labi ko. Ilan segundo lang naramdaman ko na ang malambot nyang labi.

Sumabay ako sa halik nya.

Nagbitaw ang labi namin pero magkadikit pa rin ang tungki ng ilong namin.

Hinaplos nya ang labi ko gamit ang hinlalaki ng kamay nya.