ရင်ခုန်ခြင်း၏ အဓိပ္ပါယ်
or
ဦးရဲ့.... ချာတိတ်အခန်း (၂)
.
.
.
" ဘာပြောဖို့လဲ! "
တိုက်, ခုံမှာတောင် မထိုင်ရသေးဘူး။တိုတိုပြတ်ပြတ် မေးခွန်းက နောက်ကနေ တန်းထွက်လာသည်။
တီရှပ်နဲ့ ဘောင်းဘီတိုလေး ဝတ်ထားတဲ့ ချာတိတ်မလေးက ခြေထောက်တွေကို ခပ်ကားကားထားပြီး... ဂျစ်ကန်ကန် ပုံစံနဲ့ ရပ်နေတာကြောင့်...
" ဘာပြောဖို့လဲ... ဆိုတာကို မပြောသေးခင်၊အရင်ဆုံး မင်း လက်ကိုပိုက်၊ခြေထောက်နှစ်ချောင်းကို စုပြီး ငါ့ရှေ့မှာ သေချာ ရပ်နေ "
" ဦးလေးကြီး ရှေ့မှာ လက်ပိုက်ပြီး ရပ်ရအောင်၊တခေတ် က ဦးလေးကြီးဆီမှာ စာလာသင်တဲ့
ကျောင်းသား မဟုတ်ဘူး "နှာနုရိုးက နာနေသေးပါတယ်ဆိုမှ...
ချာတိတ်မလေးက ထင်ထားတာထက် ပိုဂျစ်နေတာမို့... တိုက်, စိတ်က တော်တော်လေး တိုလာလေသည်။" မင်း လူကြီးတစ်ယောက်အပေါ် မှာ ကိုယ်ထိလက်ရောက် အမှား ကျူးလွန်ထားပြီးရင်... တောင်းပန်ရမယ်ဆိုတာ မသိဘူးလား... "
လူကို အမဲဖျက်တော့မယ့် မျက်နှာကြီးနဲ့ သူ့နောက်လိုက်ခဲ့ဖို့... ခေါ်လို့.. ဘာများ ပြောတော့မလဲလို့... စိတ်ထဲက တွေးနေတာ။အခုတော့... ဦးလေးကြီး က သူ့ကို တခေတ် က တောင်းပန်တာကို လိုချင်နေတဲ့ ပုံစံမျိုး ဖြစ်နေတာကို တွေ့ရသည်။
ရွှေတခေတ် ဆိုတာကလည်း တောင်းပန်စကားဆိုရင် ပြောရမှာကို သေမလောက် ကြောက်တဲ့
အမျိုးဆိုတော့... တောင်းပန်ခံချင်နေတဲ့ ဦးလေးကြီးနဲ့တော့ တွေ့ပြီလေ။" တောင်းပန်စကားက တခေတ် ကို မွေးကတည်းက ချက်ကြိုးနဲ့အတူ တွဲပါလာတဲ့ အရာမျိုး မဟုတ်ဘူး။တခေတ် ကို မွေးပြီးမှ တခေတ်နဲ့
အကြောမတည့်ဆုံး ဖြစ်တဲ့ တောင်းပန်စကားကို ဘယ်သူ့ကိုမှ မပြောနိုင်ပါဘူး "ဂျစ်တာထက်၊ခေါင်းမာမူ့ကလည်း ကြီးသည့်
ချာတိတ်မလေးပဲ။တိုက်,ကလည်း အချိုးမပြေ၊
စကားနားမထောင်တဲ့ ကလေးမျိုးဆိုရင် ကြည့်မရတတ်။ကိုယ်တိုင်ကလည်း ရိုင်းရိုင်းစိုင်းစိုင်း ပြောဆို၊နေထိုင်တတ်တဲ့ လူမဟုတ်တော့။ရှေ့မှာ
ရပ်နေတဲ့ ချာတိတ်မလေးသည် အတော်ကိုဆိုးတဲ့
မိန်းကလေး လို့ ကေောက်ချက်ချမိ၏။
YOU ARE READING
ရင်ခုန်ခြင်း၏ အဓိပ္ပါယ် Completed
Romanceစည်းချက်မညီသော ရင်ခုန်သံ Fbက ဖျက်ချလို့ အကောင့်ပါဝင်မရတော့လို့.... ရင်ခုန်ခြင်း၏ အဓိပ္ပါယ် or ဦးရဲ့.... ချာတိတ် ဒါလေးကို အစားထိုးပြန်ရေးနေတာပါ။