ရင်ခုန်ခြင်း၏ အဓိပ္ပါယ်
or
ဦးရဲ့.... ချာတိတ်
အခန်း (၂၃)
.
" ဒီအိမ်ကို တကယ်ပဲ ဦးလေးကြီး ဝယ်ပေးတာလား မေမေ "
" ဦးလေးကြီး ဝယ်ပေးတာဆိုရင်တောင်၊အိမ်ကို
ဒီလိုမျိုးကြီး ခပ်မြန်မြန် ဝယ်လို့ရလို့လား... "
တခေတ် တွေးတွေးဆဆနဲ့ ပြောတော့...
" အိမ်ခြံမြေအကျိုးဆောင်ကို ဆက်သွယ်ပြီး ဝယ်ပေးတာလို့ ပြေောတယ်။အိမ်နဲ့ခြံရောင်းမယ့်နေရာ အသင့်ရှိလို့ ဒီလိုမြန်မြန်ဝယ်လို့ရတာတဲ့။
မနက်က ငွေချေပြီး၊ဒီညနေပိုင်းကို မေမေတို့ကို
ဒီမှာ ပြောင်းခိုင်းလို့ လာပြောင်းနေတာ။ပြီးတော့
ဒီနေ့က ရက်ရာဇာလည်းဖြစ်တယ်လေ "
မေမေ က အိမ်ထဲဝင်လာရင်းက တခေတ် မေးသမျှကို ဖြေပေးသည်။
" အငယ်လေးတွေရော မေမေ "
" မောင်နေတိမ်တိုက်က အတွင်းအရေးမှူးကောင်လေး ကို ကလေးတွေကို ပျင်းနေမှာဆိုးလို့တဲ့...
ဒီအနားမှာရှိတဲ့ ကစားကွင်းကို လိုက်ပို့ပေးခိုင်းထားတယ်။အဲ့ဒါကြောင့် အိမ်မှာ မရှိကြဘူး။မေမေကတော့ သမီး ဒီညနေ လာမယ်ဆိုလို့... ကလေးတွေနဲ့ လိုက်မသွားဘဲ နေခဲ့တာ "
" သမီးတို့ ညစာ စားပြီးပြီလား။မစားရသေးရင်
စားသွားကြမလား "
" ဦးလေးကြီး က စားပါ့မလား မသိဘူး။အလုပ်ကနေ ပြန်လာပြီး၊အိမ်ထဲတောင် မဝင်ရသေးဘူး။တခေတ် ကို မေမေ့ဆီ လိုက်ပို့တာ။မေးကြည့်လိုက်မယ် "
" အင်း "
ထိုအချိန်မှာပဲ ဦးလေးကြီးလည်း အိမ်ထဲကို ရောက်လာသည်။
" ဦးလေးကြီး ဗိုက်ဆာပြီလား။မေမေတို့ဆီမှာ
ထမင်းစားသွားချင်လား... "
" ဟင့်အင်း မစားချင်ဘူး။မင်း လာချင်လို့ လိုက်ပို့ပေးတာ။ပြီးရင် ပြန်မယ် "
မေမေ့အိမ်ရောက်လို့ ဖင်တောင် မထိုင်ရသေးဘူး။ပြန်မယ့်စကားပြောလာတဲ့ ဦးလေးကြီး ကို
တခေတ် အမြင်ကပ်စွာဖြင့်...
YOU ARE READING
ရင်ခုန်ခြင်း၏ အဓိပ္ပါယ် Completed
Romanceစည်းချက်မညီသော ရင်ခုန်သံ Fbက ဖျက်ချလို့ အကောင့်ပါဝင်မရတော့လို့.... ရင်ခုန်ခြင်း၏ အဓိပ္ပါယ် or ဦးရဲ့.... ချာတိတ် ဒါလေးကို အစားထိုးပြန်ရေးနေတာပါ။
