ရင်ခုန်ခြင်း၏ အဓိပ္ပါယ်
or
ဦးရဲ့.... ချာတိတ်
အခန်း (၃၁)
.
" ချာတိတ် "
" ဘာလဲ! "
ညင်းသာလိုက်တဲ့ ဖြေသံလေး။လူတောင် ကံကောင်းလို့ လေထဲလွင့်မပါတယ်။
" ကိုယ့်နားထင်က ရောင်နေတယ်။အဲ့ဒါ ဘယ်လိုဖြစ်တာလဲ "
" ဘယ်လိုဖြစ််တယ်လို့ ထင်လို့လဲ "
" ဘယ်လိုဖြစ်တယ်ဆိုတာ ကိုယ် စဥ်းစားလို့မရဘူး။အာ့ကြောင့် ချာတိတ် ကို မေးတာ "
" ဦးလေးကြီး ခန္ဓာကိုယ်ပေါ်မှာ ဖြစ်တဲ့အရာကို
ကာယကံရှင် ဦးလေးကြီးတောင် မသိတာ၊
တခေတ် က အကြားအမြင်ရနေတဲ့ သူမှမဟုတ်တာ သိမလား "
လေသံက မာပြီး၊ဖြေတဲ့စကားက ဘုကန့်လန့်ဖြစ်နေတာကို ကြည့်ရင်ဖြင့်... အခုချိန်မှာသာ အမှားတစ်ခုခု လုပ်မိရင် အိမ်ထဲကနေတောင် တွန်းထုတ်ခံရနိုင်သည်။
သူမကို ပညာပြဖို့ အစီစဥ်ချထားသော်လည်း၊လက်ရှိအခြေအနေက ကိုယ်က အမှားသေးသေးလေးတောင်မှ လုပ်လို့မဖြစ်တဲ့ အနေအထားဖြစ်နေတာမို့... အသက်တောင်ပြင်းပြင်း မရှူရဲ။
" အဲ့မှာ ဘာရပ်လုပ်နေတာလဲ။မျက်နှာသစ်ပြီးပြီမလား... ပြန်တော့ "
" ကိုယ် ပြန်မှာပါ။မပြန်ခင် စားစရာလေး တစ်ခုခုလောက် ကျွေးပါလား။ဗိုက်ဆာနေလို့ပါ "
" MD ကျွန်တော် မနက်စာစားဖို့ အမှီ လာခေါ်ပါတယ်။အဒေါ်တင်ကိုလည်း အမူးပြေဟင်းရည်
ချက်ခိုင်းထားပါတယ် "
မင်းအမေလင်နဲ့ မင်းကြီးတော်ကို မနက်စာ သွားကျွေးပါလား ခွေးသားရဲ့။ငါ့နှယ် အချိန်ကောင်းကိုမှ လာဖျက်စီးရတယ်လို့။
တိုက်,မှာ စိတ်ကောက်နေတဲ့ မိန်းမကို ယောက္ခမပြန်မလာခင် ချော့မလားလို့ လုပ်ပါတယ်။အလိုက်မသိ အချိန်ကိုက် ရောက်ချလာတဲ့ ဖြိုးသူဆိုတဲ့ကောင်ကို နားဘန်ကျင်းပြီး၊တံခါးပေါက်ကနေ ကန်ထုတ်ပစ်လိုက်ချင်တော့သည်။
" ဘယ်အချိန်ရှိသေးလို့ မင်းက ရောက်လာတာလဲ။ငါက လာခေါ်လို့ မင်းကို ပြောထားလို့လား
ဖြိုးသူ "
YOU ARE READING
ရင်ခုန်ခြင်း၏ အဓိပ္ပါယ် Completed
Romanceစည်းချက်မညီသော ရင်ခုန်သံ Fbက ဖျက်ချလို့ အကောင့်ပါဝင်မရတော့လို့.... ရင်ခုန်ခြင်း၏ အဓိပ္ပါယ် or ဦးရဲ့.... ချာတိတ် ဒါလေးကို အစားထိုးပြန်ရေးနေတာပါ။
