ရင်ခုန်ခြင်း၏ အဓိပ္ပါယ်
or
ဦးရဲ့.... ချာတိတ်
အခန်း (၁၈)
.
.
" မေမေ သန့်ရှင်းရေး အလုပ်သွားရတော့မှာ။သမီး ထတော့နော်။အလုပ်သွားဖို့ နောက်ကျနေမယ် "
" ဟုတ်... "
" မနက်ခင်းစာကို မေမေ မုန့်ဟင်းခါး ဝယ်ထားပေးတယ်။စားသွားလိုက်နော် "
" ဟုတ်... "
" ဟင်း... "
အိပ်ရာထက်မှာ မျက်လုံးမဖွင့်နိုင်ဖြစ်နေတဲ့
သမီးကြီးကို ကြည့်ပြီး... ဒေါ်သန္တာမှာ စိတ်မကောင်းဖြစ်မိရသည်။အသက်နှစ်ဆယ်တောင်
မပြည့်သေးတဲ့ ကလေးက မနက်ရော၊ညရောအလုပ်နှစ်ခုကိုလုပ်ပြီး၊ပင်ပန်းနေရတာကို မကြည့်ရက်နိုင်ဖြစ်နေရ၏။
မကြည့်ရက်လို့ အလုပ်မလုပ်ဖို့ တားချင်မိပေမယ့်... ကိုယ်ကလည်း သားသမီးတွေရဲ့ဘဝတွေကို
ပြည့်စုံဖူလုံအောင် ထားပေးနိုင်တာမျိုး မဟုတ်လေတော့... ရင်မောစွာနဲ့ သက်ပြင်းကိုချပြီး အလုပ်ရှိရာကိုသာ ထွက်လာခဲ့ရသည်။
စိတ်ထဲမှာတော့ တစ်ညလုံးနီးပါး အလုပ်လုပ်ပြီးမှ အိမ်ကိုပြန်လာရကာ... သုံးလေးနာရီလောက်သာ အိပ်ချိန်ရတဲ့ သမီးကြီးကို အိပ်ရေးဝဝ အိပ်စေချင်မိသည်။
" အား... အိပ်ချက်လိုက်တာ "
မျက်နှာသစ်ပြီး၊အဝတ်စားလဲနေတဲ့အထိ လူက
အိပ်ချင်နေသေးတာမို့... တခေတ် အပျင်းကြောဆန့်ရင်း ညီးညူလိုက်သည်။
အိပ်ချင်နေတဲ့ စိတ်သည်၊မေမေ့အတွက်၊အငယ်လေးတွေ အတွက်လို့ စိတ်ထဲကနေ တွေးလိုက်မိတာနဲ့ အိပ်ချင်စိတ် ပျောက်ပြီး၊ အလိုလို ခွန်အားတွေ ရလာသည်။
မြန်ဆန်စွာ အဝတ်စားလဲပြီး၊မေမေ ဝယ်ထားပေးခဲ့တဲ့ အဆာပြေ မုန့်ဟင်းခါး စားဖို့ ထမင်းစားခန်း ဆီကို ထွက်လာခဲ့သည်။
" မမ ကော်ဖီ သောက်လား... "
" အင်း သောက်မယ် "
" ဒါဆို ဖျော်လိုက်မယ် "
ESTÁS LEYENDO
ရင်ခုန်ခြင်း၏ အဓိပ္ပါယ် Completed
Romanceစည်းချက်မညီသော ရင်ခုန်သံ Fbက ဖျက်ချလို့ အကောင့်ပါဝင်မရတော့လို့.... ရင်ခုန်ခြင်း၏ အဓိပ္ပါယ် or ဦးရဲ့.... ချာတိတ် ဒါလေးကို အစားထိုးပြန်ရေးနေတာပါ။
