ရင်ခုန်ခြင်း၏ အဓိပ္ပါယ်
or
ဦးရဲ့.... ချာတိတ်
အခန်း (၃၅)
.
" တခေတ် အစ်ကိုယံရဲ့ အိမ်ကို ရောက်နေတာ
ဆက်ကို မေးလိုက်လို့ သိတာလား... "
မနေ့ညက ရှိန်းဆက်မာန်ရဲ့အမျိုးသားလောင်း ထွန်းလင်းယံသာရဲ့အိမ်ကနေ ပြန်ခေါ်လာပြီးကတည်းက ကိုယ့်ဘက်က မေးတာမဟုတ်ရင်၊ စကားမပြောတဲ့ သူမ။
ဒီမနက် တိုက်,အိပ်ရာနိုးလို့ ရေချိုးပြီး အိပ်ခန်းထဲ
ပြန်ဝင်လာတော့မှ... အိပ်ရာကနေနိုးလာတဲ့ သူမက
မေးခွန်းစကားဖြင့် ဖြစ်သည်။
တိုက်, ခန္ဓာကိုယ်ကို တဘက်ဖြင့် ရေသုတ်ရင်း...
" ဟုတ်တယ် "
" တခေတ် ကို ဘာလို့ လာခေါ်တာလဲ "
" ချာတိတ် ပျောက်နေတာကို သိတာနဲ့ ရှာရင်းက၊
ဆက်ဆီကို ဖုန်းဆက်မေးလိုက်တယ်။ဆက် က ချာတိတ် သူ့ကောင်လေးအိမ်မှာ ရှိနေတယ်။သူတိုနှစ်ယောက်ကြားမှာ ရှုပ်နေလို့ အမြန်လာခေါ်ဆိုတဲ့။အဲ့ဒါနဲ့ ကိုယ်လည်း လာခေါ်လိုက်တာ "
" ဒါဆို တခေတ် ကို ပြန်ခေါ်တာက... ဦးလေးကြီးကိုယ်တိုင်က ပြန်ခေါ်ချင်လို့ မဟုတ်ဘဲ... ဆက်ကြောင့် ပြန်ခေါ်လာတာပေါ့ "
" ကိုယ် ပြောတာက အဲ့လို သဘောမျိုး မဟုတ်ဘူးလေ ချာတိတ် "
" ဒီလောက်ဆို ရပြီမို့လို့... ရှင်းပြမနေပါတော့နဲ့။တခေတ် ဦးလေးကြီး ရှင်းပြတာက်ို နားမထောင်ချင်ဘူး။မျက်နှာသစ်တော့မလို့ ရှေ့ကနေ ဖယ် "
ဘေးဘက်ကနေ သွားရင်ရတာကို၊မသွားဘဲနဲ့ တိုက်,ကို ဖယ်ခိုင်းသလို... သွားတော့လည်း သူမက
ကိုယ့်ကို သူ့ခန္ဓာကိုယ်သေးသေးလေးနဲ့ တွန်းတိုက်သွားသေးသည်။
သူမကို ဆက်,ကြောင့် လာခေါ်တယ်ထင်ပြီး...
စိတ်ကောက်နေတဲ့ ဆူပုတ်ပုတ်မျက်နှာလေးနဲ့
ခြေလေးဆောင့်ကာ... ရေချိုးခန်းဆီ ဝင်သွားတဲ့
ပုံစံလေးက ကိုယ့်အတွက် ချစ်စရာကောင်းနေသည်။
ချော့ဖို့လုပ်လေ၊ပိုကောက်လေ ဖြစ်နေတဲ့ သူမ က
စိတ်ပျက်၊ငြီးငွေ့စရာ ကောင်းမနေဘဲ... တဖြေးဖြေးနဲ့ ပိုပိုပြီး ချစ်စရာကောင်းလာသလို...
YOU ARE READING
ရင်ခုန်ခြင်း၏ အဓိပ္ပါယ် Completed
Romanceစည်းချက်မညီသော ရင်ခုန်သံ Fbက ဖျက်ချလို့ အကောင့်ပါဝင်မရတော့လို့.... ရင်ခုန်ခြင်း၏ အဓိပ္ပါယ် or ဦးရဲ့.... ချာတိတ် ဒါလေးကို အစားထိုးပြန်ရေးနေတာပါ။
