ရင်ခုန်ခြင်း၏ အဓိပ္ပါယ်
or
ဦးရဲ့.... ချာတိတ်အခန်း (၂၅)
.
" တစ်ပတ်လောက်ပါပဲ။အဲ့ထက် ပိုပြီး ဆေးရုံမှာ မနေရအောင် ကျွန်တော် လုပ်ပေးမှာပါ။အဲ့ဒါကြောင့် နည်းနည်းလောက် သည်းခံပြီး နေပေးပါ အဘိုး "
" နေဖို့ ရောက်တောင်လာပြီပဲ။မနေချင်လည်း နေတော့မယ့််ဟာကို အပိုတွေ ပြောမနေဘဲ အိမ်ကိုသာ ပြန်တော့။အိမ်မှာ မြေးမလေးတစ်ယောက်တည်းရယ် "
" အခုပဲ ပြန်တော့မှာပါ။မနက်ကျရင် ဘာစားချင်လဲ။ကျွန်တော် ဘာဝယ်လာပေးရမလဲ "
" မလိုဘူး၊ဝယ်မလာနဲ့။ ဒီမှာ ဒေါ်တင်တို့လင်မယားနှစ်ယောက်လုံးရှိတယ်။ငါ စားချင်တာရှိရင် သူတို့ကို ဝယ်ခိုင်းလို့ရတယ်။မင်းသာ အိမ်ကို မြန်မြန် ပြန် "
" ကောင်းပါပြီ၊ကျွန်တော် သွားပါတော့မယ်။မနက်ကျမှ တွေ့ပါ့မယ် "
တိုက်, အဘိုး ကို ဆေးရုံးမှာ ဒေါ်တင်တို့လင်မယားနဲ့အတူ အထူးနက်စ်တစ်ယောက်နဲ့ထားခဲ့ပြီး၊အိမ်ကို ပြန်လာခဲ့လိုက်သည်။
မပြန်လို့လည်းမရတော့၊အိမ်မှာ သူမတစ်ယောက်တည်း ကျန်နေခဲ့တာမို့... အဘိုးက
အတင်းပြန်လွှတ်နေသလို သူကိုယ်တိုင်လည်း သူမတစ်ယောက်တည်း အိမ်မှာထားခဲ့ရတာကို
စိတ်မချတာမို့... ကားကို အမြန်မောင်း၍ ပြန်ခဲ့လိုက်သည်။...
ဘယ်သူမှ မရှိတဲ့ အိမ်ကြီးထဲမှာ တခေတ်တစ်ယောက်တည်းနေရတာ နည်းနည်းတော့
ကြောက်မိ၏။အပေါ်မှာ မနေရဲတာမို့... အောက်ထပ်ကို ဆင်းပြီး၊ခြံထဲက ဒန်းလေးမှာ ဆင်းထိုင်နေမိသည်။ခြင်ကကိုက်ပြီး၊ညလေကလည်း အေးပါသည်။ကြီးကြီးတင်ကတော့ ကားပေါ်တက်ခါနီး "တူကြီးတိုက် ပြန်လာလိမ့်မယ် တခေတ်လေး" ဟု ပြောသွားပါသည်။
ဒါပေမဲ့ ညကိုးနာရီတောင်ခွဲနေပြီပေမယ့်...
ဦးလေးကြီး က ပြန်မလာသေးတာမို့... သိပ်တော့မရဲတော့ပေ။ဘာကြောင့်ဆို ဦးလေးကြီး က တခေတ်ကို စိတ်ဆိုးနေသည် မဟုတ်လား။အိမ်ပြန်လာရင် သူစိတ်ဆိုးနေတဲ့ တခေတ်နဲ့မျက်နှာချင်းမဆိုင်ချင်လို့ရော၊စကားမပြောချင်လို့ရော
ပြန်မလာတာလည်း ဖြစ်နိုင်သည်လေ။အဲ့ဒါကြောင့် ဦးလေးကြီး ပြန်လာဖို့ကို သိပ်မမျှော်တော့တာပါ။
YOU ARE READING
ရင်ခုန်ခြင်း၏ အဓိပ္ပါယ် Completed
Romanceစည်းချက်မညီသော ရင်ခုန်သံ Fbက ဖျက်ချလို့ အကောင့်ပါဝင်မရတော့လို့.... ရင်ခုန်ခြင်း၏ အဓိပ္ပါယ် or ဦးရဲ့.... ချာတိတ် ဒါလေးကို အစားထိုးပြန်ရေးနေတာပါ။