"Morning အန်ကယ် "
"Morning ကိုရှင်း! မနက်စာ ထပြင်နေတာလားကွ "
"တကူးတကတော့ မဟုတ်ပါဘူး အန်ကယ် "
"အေးကွာ သက်တောင့်သက်သာနေ ကိုယ့်အိမ်လို သဘောထား "
"ဟုတ်ကဲ့ ကျေးဇူးတင်ပါတယ် အန်ကယ် "
ရှေ့နေလေးသည် မနက်စာစားရင်း ထမင်းစားခန်းအဝကို တကြည့်ကြည့်ဖြစ်နေရှာ၏။ သားအဖနှစ်ယောက်ထဲနေကြပြီးတော့ အိမ်မှာရှိတဲ့အချိန်လေးတောင် လက်ဆုံမစားနိုင်ကြရင် ဘယ်အချိန်သွားစားကြမလဲ။ စျာန့်ကိုတော့ ပြောမှရမည်။
"မင်းသူငယ်ချင်းကို မျှော်နေတာလား မျှော်မနေနဲ့ Night Duty ဆို တနေ့လုံးအိပ်နေတာ မထဘူး "
"သြော် ဟုတ်! "
"ထနေပါပြီ ဒယ်ဒီရယ် "
အသံနဲ့အတူ လေလိုအလျင်နဲ့ ရောက်လာတဲ့သူက သူရိန်လင်းစျာန်။
"ကြားသားမိုးကြိုးဘဲ "
အစအဆုံးပြင်ဆင်ထားသူသည် အပြင်ထွက်ဖို့ အဆင်သင့်ဖြစ်နေသည့်ဟန်။ စျာန်က ထမင်းစားပွဲဝိုင်းမှာ ဝင်ထိုင်လိုက်ရင်း သူ့ကို ကြည့်နေသည့် ရှေ့နေလေးအား မျက်လုံးတစ်ဖက် မှိတ်ပြလိုက်၏။
ရှေ့နေလေးရဲ့ မျက်စောင်းက ဒိုင်းကနဲ။"အလုပ်တွေရော ဘယ်လိုလဲ ကိုရှင်း! "
"အဆင်ပြေပါတယ် အန်ကယ် "
"စျာန်က ပြောနေတာ သူငယ်ချင်းတွေ သိပ်တောင်မတွေ့ဖြစ်ကြဘူးတဲ့ တစ်ယောက်တစ်ကွဲနဲ့ဆို "
"ဟုတ်ကဲ့ အန်ကယ်! အကုန်လုံး မအားကြတော့လို့ "
"အင်း ကောင်းတယ် အလုပ်နဲ့ဆိုတော့ ခြေငြိမ်တာပေါ့ "
ကိုရှင်းနဲ့ စျာန် တစ်ယောက်မျက်နှာ တစ်ယောက်ကြည့်ကာ ပြုံးမိလိုက်ကြ၏။ဘားတွေ ပတ်သွားနေကြရတဲ့အချိန်တွေ ရှိခဲ့ကြတာကြောင့် လူကြီးမိဘတွေဟာ သူတို့ကို အလေလိုက်နေခဲ့ကြတယ်လို့ ထင်နေကြတဲ့ ပြဿနာ။ ရှေ့နေဖြစ်ပြီး၊ ဆရာဝန်ဖြစ်ပြီး ခြေမငြိမ်ဘဲ သွားလာပျော်ပါးနေတယ်လို့ဘဲ ထင်နေကြတာ။ ထင်ကြအောင်လည်း တမင်လုပ်ထားတာ။ သူတို့လုပ်နေတာတွေကို လူကြီးတွေကို ပေးမသိ။လူကြီးမိဘတွေအမြင်မှာ သူတို့ကို အလုပ်မရှိအကိုင်မရှိ ပေါ့တိပေါ့ပျက်တွေလို့ မြင်နေရင် ရပြီဆိုတဲ့ ပုံစံမျိူးတွေ။
YOU ARE READING
မောင့်အာရုဏ်ဦး // COMPLETE //
Romanceမောင်လက်ထပ်ချင်တဲ့ တစ်ဦးတည်းသော သူက မင်းပါ ရုဏ်ရုဏ် 💙💐 ကွန့်ထူးထည်ဝါ မောင့်အာရုဏ်ဦး coverartist = Pann Eain 💐 ေမာင္လက္ထပ္ခ်င္တဲ့ တစ္ဦးတည္းေသာ သူက မင္းပါ ႐ုဏ္႐ုဏ္