Fire Burning

Chapter 08

Note: Good day, I just want to remind you that I don't do prof-reading, basta ko nalang sya ipapublish kaya sorry for the grammatical errors. I'm so happy that may nag co-comment na hehe iloveu bebies (⁠.⁠ ⁠❛⁠ ⁠ᴗ⁠ ⁠❛⁠.⁠)

_____________________________

08

RINIG NA rinig ko ang bulungan nang nga kaklase ko habang nagsasagot. Baka hindi sila nag study. Mahihirapan talaga sila kasi puro identification iyon! 50 items na puro identification.

At dahil nag-aral ako kagabi ay ganadong-ganado ako sumagot. Lahat nang pinag-aralan ko ay lumabas, may iba ding wala pero naalala ko iyon noong discussion.

Tiningnan ko ang grupo ni Meghan. Nag liliptint lang ang iba at todo paganda lang ang alam. Tiningnan ko si Clifford na kanina pa pala nakatingin sakin.

"Pahingi answer number..." sabi nya pero walang lumabas na boses saka n'ya pinakita kamay n'ya, 4 at 1, so 41?

Tiningnan ko ang answer ko at sinabi sakanya nang walang boses. Tiningnan ko si Ms. pero nakatutok lang sa cellphone n'ya. Napangisi ako dahil doon. Sabay kaming tumayo ni Clifford at binigay kay ma'am ang test paper.

"Iba talaga pag matatalino, sanaol!" Sabi ni Jeff na isa rin sa matalino sa klase.

"Sus, pa-humble!" Ganti ko sakanya.

Nag-usap kami saglit ni Cliff bago bumalik sa kanya-kanyang upuan. 'Yong iba ay hindi parin tapos. Nakita ko ang grupo ni Meghan na tumayo para ibigay ang test paper nila.

Agad nya akong inirapan pero hindi ko s'ya pinansin. Bitter bitch. Hindi parin sya maka move on. Kurutin ko singit n'ya eh.

"I forgot to tell you guys that whoever got a perfect score will be exempted for the upcoming exam weeks from now."

Agad namang umungot ang buong section sa narinig. Kinakabahan tuloy ako baka may namali ako! Gusto kong ma exempted para wala na akong problema.

"Nako si Henzoda, matic na 'yan!"

"Si Clifford din, bestie goals 'yan sila!"

"Si Meghan tahimik lang!" Pang-aasar nang kaklase ko kay Meghan.

Nagtawanan kami dahil doon. Sinamaan lang sya nang tingin ni Meghan. Mamayang 4:00 pm daw namin malalaman kong ilan ang scores namin, abangan daw namin sa gc.

Nagulat ako nang kalabitin ako ni Lapesigue, si Richel Lapesigue. Isa sya sa tahimik sa klase pero sobrang talino rin nito. Magkatabi kami pero nag-uusap lang kami pag may kailangan sa isat-isa.

"Oy beh, bakit?" Inayos nya ang kanyang salamin saka nahihiyang tumingin sakin.

"K-kompleto na ba kayo nila C-clifford?" Nahihiyang tanong n'ya.

"Naghahanap pa kami ng isa, gusto mo sa grupo namin?"

Agad-agad ang naging pag tango niya. Tag lima kami ang bawat grupo, tapos apat palang kami buti nalang lumapit sakin si Richel.

"Hoy! Kayo ah, bakit puro kayo matatalino dyan! Aba, samin nalang si Cliff!" Agad kong binato si Raven ng papel.

"Manahimik ka, samin si Cliff." Sabi ko sakanya.

Natahimik lang kami nang pumasok ang last period teacher namin. Tapos lunch na. Nasa kalagitnaan nang discussion ay pumasok sa isipan ko si Sir Wrath.

Ano kayang ginagawa n'ya ngayon? Wala sa sariling sinulat ko ang pangalan n'ya sa notebook ko. Ginawa ko pang calligraphy iyon para mas maganda tingnan.

Nag quiz lang kami after discussion at saka pwede na mag lunch. Napaunat ako dahil nananakit ang aking braso kakasulat. What if puntahan ko sya sa office n'ya? Tama! Pero ako pumunta doon ay pumunta muna ako sa cafeteria para bumili nang lunch.