AGS 5: Kiss of the Red Lotus

Chapter 11: Plans

Hindi basta-basta nagagalaw si Bobby Lauchengco. Hindi rin naman siya basta-basta gumagalaw ng kung sino-sino lang. And once he "punished" someone, probably that someone did something unforgivable for Bobby Lauchengco to consider his existence. He's one of the merciful men in the field when it comes to opportunity, but the merciless one as well when it comes to punishment.

Ang daming beses na iniwasan siya ng pamilya ko. Kung magkita-kita man sila sa iisang lugar, hindi matatapos ang buong meeting na hindi niya naipararamdam sa pamilya ko kung gaano kami kababang uri ng mga tao sa lipunan.

Isa 'yon sa ayokong mga ugali niya. Pero sa katagalan, naintindihan ko kung bakit ganoon kalala ang pandidiri niya sa pamilya ko. Malamang ay dahil kahit ako, ayokong idikit ang sarili ko kina Mama dahil sa mga ginagawa nila.

"Shin."

Inaya ako ni Calvin na pumasok sa fitting room na ilang hakbang lang ang layo sa akin. Akala ko, ako lang ang mag-isang papasok pero pumasok din siya.

Hinarap ko agad siya at sinalubong ang tingin. "Nakakausap n'yo ba si Bobby Lauchengco?" tanong ko.

Sinulyapan lang niya ako bago ibinalik ang atensiyon sa isang handy basket na puro damit.

"Nakakausap namin siya kapag dumadalaw kami kina Patrick."

"Kung tungkol sa trabaho?"

"Depende sa focus ng trabaho?"

"Let's say sa general business? Investors? Connections?"

May hawak na si Calvin na damit sa isang hanger nang tumayo siya nang deretso at tingnan ako sa mga mata. "If you're talking about business and his associates, we can't just talk about that easily unless we're interested to deal with him. Kung mag-usap man kaming dalawa, exclusive lang 'yon sa machine parts na ako ang account executive. Walang ibang kayang kumausap kay Tito Bobby tungkol sa negosyo kundi si Clark lang."

Si Clark lang?

Baka may alam si Clark. O baka kayang kausapin ni Clark si Bobby Lauchengco para sa 'kin.

"Why did you ask?" tanong ni Calvin nang mapaisip ako.

"Iniisip kong baka alam ni Bobby Lauchengco ang tungkol sa pagkamatay ni Syaho."

"He might know. He's always in touch with those people he should be worry about."

"What if he knows something?"

"He'll do something if he knows anything related to it. Sukatin mo 'to."

Inabot niya sa akin ang isang maroon dress na manipis ang strap. Isinampay niya sa rack na naka-tack sa dingding ng fitting room ang blazer bago niya tiningnan ang iba pang pinamili sa basket.

Nag-alis ako ng T-shirt at inilapag sa mahabang upuang kadikit ng pader ang hinubad ko.

Humarap ako sa salamin sa kaliwang gilid saka isinuot ang bestida.

"May mga long sleeves silang dress dito, pero wala ng size mo. Kumuha na lang ako ng cardigans saka blazers, ikaw na ang mamili kung ano ang komportable kang isuot," sabi ni Calvin.

Alam kong nakikiramdam siya. Saka lang siya dumeretso ng tayo eksaktong pagbagsak ng laylayan ng dress pagkasuot ko. Doon lang niya ako tiningnan matapos niyang magkalkal ng mga pinili niya sa basket.

"Kung may alam si Bobby Lauchengco, at kung alam niyang wala na si Syaho, sigurado akong babanggain niya si Mama anumang oras," paliwanag ko kay Calvin nang harapin siya.

Nakasilip naman siya sa likuran ko kung saan niya inilabas ang naipit kong buhok sa loob ng damit.

"Binabangga na niya," seryosong sagot ni Calvin. "Doon pa lang sa Ting Hun ni Patrick, nagwa-warning na siya kina Mama."