လွန်းချက်ချင်းဘဲခေတ်ရှိတ့ဲဆေးရုံကိုသွားတော့လည်းအခန်းထဲမှာခေတ်ကရှိမနေပေ။မောင်လာသွားလားဆိုတာသူနာပြုတစ်ယောက်ကိုမေးတော့လည်းဒေါက်တာကလွဲရင်ဘယ်သူမှလာတာမတွေ့ဘူးလို့ပြောတာမို့မောင့်အိမ်ကိုခမ်နဲ့အတူလိုက်သွားလိုက်သည်..
"မောင်..မောင်.."
ဘဲလ်တီးတော့လည်းမထွက်လာ။ခေါ်တော့လည်းအသံမပေး။အိမ်တစ်ခုလုံးလည်းတံခါးတွေကပိတ်ထားသည်..
"မောင်..မောင်.."
"လွန်း သော်ကမောင်ကအိမ်မှာမရှိဘူးထင်တယ်နော်.."
"မောင်ကအိမ်မှာမရှိဘူးဆိုရင်ဘယ်သွားမှာလဲ။သူ့အဘွားအိမ်မှာလည်းမရှိသလို သွန်တို့ဆီကိုလည်းမသွားဘူးတ့ဲလေ.."
အရူးတစ်ယောက်လိုငိုယိုပြီးပြောနေတ့ဲသူငယ်ချင်းဖြစ်သူကိုကြည့်ပြီးစိတ်မောရသည်..
"ခမ် ဟိုမှာမောင့်ဆိုင်ကယ်ရှိနေတယ်။ဒါဆိုမောင်ကအိမ်ထဲမှာရှိတယ် မောင်..မောင်.."
လွန်းစိတ်ထဲမွန်းကြပ်ရသည်။မောင်ကလွန်းကိုမှလာမှထွက်မတွေ့တာလေ။ဖုန်းကိုဆက်တော့လည်းဝင်တယ်။မောင်ကမကိုင်ပေ။နောက်ဆုံးစက်ပါပိတ်လိုက်သည်..
"မောင်.."
"တော်တော့ လွန်း.."
"မောင်အိမ်မှာရှိတာငါသိတယ်။ငါဖုန်းဆက်တာလည်းမကိုင်ဘူး။ပြန်လည်းမဆက်ဘူး။ဒေါက်တာနဲ့ပြောတာတွေကြားသွားတာသေချာတယ်..ဟင့်။"
"လွန်းငါတို့ခဏလောက်အိမ်ပြန်ရအောင်နော်။သူ့ကိုအချိန်ပေးလိုက်ပါ။နောက်တော့သူစိတ်အဆင်ပြေရင်နင့်ကိုသူဆက်သွယ်မှာပါ..ခုတော့ပြန်ရအောင်နော်.."
"အင်းပါ.."
အသံတိတ်သွားပုံထောက်ရင်တီလွန်းပြန်သွားပြီဆိုတာမောင်သိသည်။ဖုန်းခေါ်တာကိုလည်းတွေ့တယ်။မကိုင်ချင်ဘူး။ခုချိန်မှာမောင်စိတ်ထဲရှုပ်ထွေးနေတာဘဲသိတယ်။ဒါကြောင့်အခန်းကိုဘဲပြန်တက်လာလိုက်သည်။အခန်းထဲရောက်တော့လည်းတီလွန်းပြောခ့ဲတာတွေဘဲကြားနေတယ်။ပေးခ့ဲတ့ဲပန်းစည်းကိုကြည့်ပြီးယူကာပစ်ထုတ်မိတယ်။ပြီးတော့ကုတင်ခေါင်းရင်းကဗီနိုင်းပန်းချီကိုယူပြီးဖျက်စီးဖို့လုပ်တော့မလုပ်နိုင်ဘူး။လက်တွေကရပ်တန့်ကာမွေ့ယာပေါ်အသာချပြီးလူကပါလှဲချလိုက်မိတယ်။ပုံလေးကိုလက်လေးတွေနဲ့ဖွဖွလေးကိုင်ကာမျက်ရည်တွေကပိုကျလာတယ်။ဘာလို့မောင့်ကိုမှရက်စက်ရတာလဲလို့မေးချင်ပါရဲ့ တီလွန်းရယ်။မောင်တကယ်ချစ်မြတ်နိုးသွားမိတာမှားလေသလား..
YOU ARE READING
အခ်စ္ကစားပြဲ
ActionZawgyi မင္းအေမနဲ႔အန္တီ့ၾကားက ကစားပြဲထဲကိုမင္းကိုဆြဲမထည့္ခ့ဲသင့္တာပါ..ေမာင္ရယ္ Unicode မင်းအမေနဲ့အန်တီ့ကြားက ကစားပွဲထဲကိုမင်းကိုဆွဲမထည့်ခ့ဲသင့်တာပါ..မောင်ရယ်