လွန်းဆေးရုံကပြန်လာပြီးခဏလိုတော့အိမ်ရှေ့မှာဘဲလ်တီးနေတာမို့ထွက်သွားကြည့်တော့အဘွားဖြစ်နေသည်။
"အဘွား.."
"သမီးအလုပ်ရှုပ်နေလားဟင်.."
"မရှုပ်ပါဘူး အိမ်ထဲဝင်လေ အဘွား.."
အဘွားနဲ့အတူအိမ်ထဲဝင်လာပြီးနောက်အဘွားသောက်ဖို့တစ်ခုခုလုပ်ပေးလိုက်သည်။
"မတွေ့တာကြာပြီနော် သမီးလွန်း"
"အဘွားဘယ်လိုနေသေးလဲရှင့်"
"အဘွားရဲ့ခန္ဓာကိုယ်တွေကကောင်းလာပါပြီ ဒါပေမ့ဲစိတ်ပိုင်းကတော့သိပ်မကောင်းသေးဘူး။"
အဘွားဘာပြောချင်နေတာလဲဆိုတာလွန်းသိပါ၏။ဒါကြောင့်လည်းလွန်းဘက်ကကြိုပြောပြလိုက်သည်။
"အဘွား လွန်းဆီလာတာမောင့်အကြောင်းပြောဖို့ဆိုရင်တော့လွန်းနဲ့မောင်ကဘာမှမပတ်သက်တော့ပါဘူး။"
"မောင်ကလွန်းအပေါ်မကောင်းတာတစ်ခုခုလုပ်ခ့ဲလို့လား။.."
"မရှိပါဘူး။အဘွား လွန်းလက်ထပ်လိုက်ပါပြီ။"
"မောင်ပြောပြလို့အဘွားသိပြီးပါပြီကွယ်။"
"မောင်ကဘာတွေထပ်ပြောသေးလဲရှင့်။"
"မောင်ကဒါထက်ပိုပြီးဘာမှမပြောလို့ အဘွားကစိတ်ပူလို့လွန်းဆီလာခ့ဲရတာပါ။လွန်းရွေးချယ်လိုက်တ့ဲအရာကမှန်ကန်တယ်ဆိုတာအဘွားနားလည်ပါတယ်။ဒါပေမ့ဲ အဘွားကတစ်ကိုယ်ကောင်းဆန်ပြီးမြေးကိုချစ်တယ်။တစ်ခါတစ်လေသီလတရားကိုမေ့သွားတယ်။မောင်နဲ့သမီးလွန်းချစ်သွားအောင်အဘွားဆုတောင်းမိတယ်။"
"လွန်းတောင်းပန်ပါတယ်နော်။လွန်း အ့ဲလောက်ထိဖြစ်ဖို့မရည်ရွယ်ထားပါဘူး။လွန်းကိုခွင့်လွှတ်ပါနော် အဘွား။"
"ဒီကိုလာ သမီး။ဘာမှမဖြစ်ဘူးနော်။"
အဘွားစကားကိုကြားတော့လွန်းလုပ်ခ့ဲမိတာကအရမ်းမှားမှန်းသိပါ၏။အားလည်းနာရသည်။အဘွားကအများကြီးနားလည်ပေးလေပိုပြီးစိတ်မကောင်းဖြစ်ရလေပါဘဲ။
"လွန်း အဘွားနားလည်တယ်။နောက်ဆုံးတော့သီလကျူ းလွန်တ့ဲအရာတွေကတို့တွေကိုပျော်ရွှင်အောင်မလုပ်နိုင်ပါဘူး သမီး။အဘွား ဒီကိုလာတာကမောင့်အခြေအနေကိုမြင်ရတော့ လွန်းလည်းဘယ်လိုနေမလဲဆိုတာစိတ်ပူလို့လာခ့ဲတာပါ။"
YOU ARE READING
အခ်စ္ကစားပြဲ
ActionZawgyi မင္းအေမနဲ႔အန္တီ့ၾကားက ကစားပြဲထဲကိုမင္းကိုဆြဲမထည့္ခ့ဲသင့္တာပါ..ေမာင္ရယ္ Unicode မင်းအမေနဲ့အန်တီ့ကြားက ကစားပွဲထဲကိုမင်းကိုဆွဲမထည့်ခ့ဲသင့်တာပါ..မောင်ရယ်