Unicode
~~~~~~"ကိုငြိမ်းမောင် ဆေးဘူးကဘာလုပ်တာလဲ "
"အာ ကိုယ်အစာကြေဆေးစားမလို့ ကြည်ဖြူဘာဖြစ်လို့လဲ"
"ဘာမှမဖြစ်ပါဘူး အမေနဲ့စျေးခဏသွားဦးမယ်"
ကြည်ဖြူကပြောလည်းပြော လက်ကလည်း အင်္ကျီလက်ရှည်ယူကာ ပြောပြီး ထွက်သွားလေသည်။
"ကဲ ဒီဖက်မှာ ဝက်သားတွေလတ်တယ်နော် "
"ဒီဖက်မှာ ငါးတွေလတ်လတ်ဆတ်ဆတ်ရတယ်နော် ယူကြဦးမလား"
ကြည်ဖြူတို့ စျေးထဲသို့ဝင်လိုက်တာနဲ့ စျေးသည်များရဲ့စျေးရောင်း သံများဖြင့် စည်ကားနေပါသည်။
"ဝက်ဆီဖတ်ဘယ်စျေးလဲ"
"အရှေ့က ၃၀၀ ဒါကအကောင်းစား ၅၀၀ပါ အဒေါ် "
"၃၀၀ စျေးကို နှစ်တယ်သားယူမယ် အိတ်ပေးငါရွေးမယ်"
အမေက သူမအရှေ့မှဖြတ်ကာ ဝက်ဆီဖတ်ဝင်ဝယ်နေပါသည်။ ထိုအတူ ရွေးနေရင်း စျေးသည်အခြားတစ်ဖက်ကို စကားလှည့်ပြောနေတုန်း အမေက ၅၀၀စျေး ထဲမှ သုံးဖတ်ကိုယူကာ အိတ်ထဲထည့်လိုက်သည်ကို ကြည်ဖြူက မြင်လိုက်တော့ မျက်လုံးပြူးသွားပါသည် စျေးသည်သိသွားရင် ဘယ်လိုလုပ်မလဲ ဒါမျိုးတော့မလုပ်ကောင်းပါ။
စျေးသည် နှစ်ဆယ်သားချိန်ပေးပြီးမှသာ ကြည်ဖြူအသက်ရှူချောင်သွားရသည်။ကြည်ဖြူဖြစ်နေသည့်ပုံကို မြင်သွားသောအမေသည် သူမအား အပြင်သို့ ဆွဲခေါ်လာကာ
"ငါအခုနတုန်းက လုပ်သွားတာကို ညည်းမြင်လိုက်တယ်မလား "
ကြည်ဖြူခေါင်းညိမ့်လိုက်သည်။
"လုပ်သင့်လိုလုပ်တာ အဲ့ဆိုင်ကအမြဲအလေးခိုးနေကျ ညည်းကို အိမ်ပြန်ရောက်ရင် ငါချိန်ပြမယ် အခုတော့ ဆက်ဝယ်ရဦးမယ်လိုက်ခဲ့"
ဝယ်လိုက်တဲ့စျေးတွေ ၇နာရီက သွားတာ ၈နာရီမှအိမ်ပြန်ရောက်ခဲ့ကြသည်။ အိမ်ပြန်ရောက်တော့ အမေချိန်ပြတာကို ကြည့်ပြီး သဘောပေါက်သွားသည် တကယ်လည်း အလေးက တော်တော်လျော့နေတာပါ။
===
"ကြည်ဖြူ ကိုယ်အလုပ်သွားတော့မယ် ကိုယ့်ပစ္စည်းတွေထုတ်ထားပေးပါဦး "
YOU ARE READING
သံယောဇဥ်မိုးများ ရွာသောအခါ
Non-Fictionအရိုးအကြောအထူးကုဆရာဝန် ငြိမ်းမောင်နှင့် ဇီးဖြူကုန်းရွာသူ ကြည်ဖြူမိုးတို့၏ အချစ်ဇာတ်လမ်း။ 1980ခုနှစ် ကိုအခြေခံထားပါတယ်။ April 17 2023 အရိုးအေၾကာအထူးကုဆရာဝန္ ၿငိမ္းေမာင္ႏွင့္ ဇီးျဖဴကုန္း႐ြာသူ ၾကည္ျဖဴမိုးတို႔၏ အခ်စ္ဇာတ္လမ္း။ 1980ခုႏွစ္ ကိုအေျခခံထားပါတယ...