Unicode
အခန်း၇
🦋 ချစ်လိပ်ပြာလေး တဝဲလည်လည်🦋လေယာဉ်ပေါ်မှာ ဘေးချင်းကပ်လျှက်ထိုင်နေရပေမဲ့ စကားတစ်ခွန်းတောင်မပြောဖြစ်တာကြောင့် ရာသီဥတုကတော့ ရေခဲတိုက်ထဲသို့ရောက်နေသလိုပင်။
လိပ်ပြာသူ့ဘက်သို့ ခိုးကြည့်နေစဉ်မှာပဲ သူကဖတ်နေတဲ့စာအုပ်ကို ပိတ်ပြီး လိပ်ပြာကိုပြန်ကြည့်လာသည်။
"ကိုယ်က အဲ့လောက်တောင်ပဲချောနေတာလား.."
"အဟင်း..သေချာတာပေါ့..ရှင်ကသိပ်ချောပါတယ်.."
လိပ်ပြာအခြားဘက်ကို မျက်နှာလွှဲပြီးမဲ့ပစ်လိုက်သည်။
မေးစရာကရှိသေးသည်မို့ သွားသုံးဆယ့်နှစ်ချောင်းလုံးပေါ်အောင် ပြန်ပြုံးလိုက်သည်။"ဟိုလေ..ညတုန်းက ကျွန်မရှင့်ကို တစ်ခုခုအမှားပြောမိသေးလားဟင်..တစ်ခါမှအဲ့လိုမသောက်ဖူးတော့ အမှားလုပ်မိမယ်ထင်လို့.."
"ကိုယ်သိပ်မမှတ်မိတော့ဘူး..မင်းဖာသာပြန်စဉ်းစားကြည့်ပေါ့.."
မမှတ်မိလို့မေးပါတယ်ဆိုနေမှ ဈေးကကိုင်နေပြန်ပြီ။
ဆက်မေးရင် ထိပ်ကိုပိတ်ထုမိမှာ ဧကန်ဖြစ်တာကြောင့် ကိုယ့်စိတ်ကိုလျှော့ပြီးပဲ နေလိုက်ရသည်။လေယာဉ်ပေါ်ကဆင်းပြီး ခရီးဆောင်အိတ်တွေယူပြီးနောက်မှာတော့ သူကလိပ်ပြာပြန်ဖို့ ကားသပ်သပ်စီစဥ်ပေးထားမှန်းသိလိုက်ရသည်။
"လိပ်ပြာအတွက် ကားစီစဥ်ပေးထားလို့ သူဌေးကိုကျေးဇူးတင်ပါတယ်.."
"အော်..မင်းညကမူးပြီး ပြောတဲ့စကားတစ်ခွန်းတော့ ကိုယ်မှတ်မိပြီ.."
ရုတ်တရက်ထပြောလိုက်တဲ့စကားကြောင့် လိပ်ပြာ ကြောင်ပြီးသူ့ကိုပြန်ကြည့်နေမိသည်။
ဘာစကားမို့လို့ သူကမှတ်မိနေရတာလဲပေါ့။"ဘာစကားလဲဟင်.."
"..ရည်း..စား..စာအကြောင်း"
"ဘာ!!!!"
"အဲ့ ရည်းစားစာက ဘယ်သူ့ကိုပေးချင်တာလဲ.."
သူကတစ်ချက်ပြုံးပြီး မေးလာလေသည်။
လိပ်ပြာ သေသာပစ်လိုက်ချင်သည်။
မူးပြီးဘာတွေ လျှောက်ပြောမိလိုက်တာပါလိမ့်။
ငယ်ငယ်တုန်းက ကလေးစိတ်နဲ့ လျှောက်လုပ်မိခဲ့တာတွေက ၉နှစ်အကြာမှာ ကိုယ်တိုင်ပဲပြန်အစဖော်မိမယ်လို့ ထင်ကိုမထားမိတာပါ။
YOU ARE READING
ချစ်လိပ်ပြာလေး တဝဲလည်လည်
Romance"လူတစ်ယောက်ကို ချစ်မိဖို့သူ့ရဲ့အနောက်ကဒီဂရီတွေကို လိုက်တွက်ချက်နေရလောက်အောင်အထိ ကိုယ်မအားဘူး... ကိုယ့်ချစ်ရမဲ့လူဟာ ဘယ်လိုလူမျိုးဆိုတာထက်..ကိုယ့်နှလုံးသားကညွှန်ကြားတဲ့လက်တံကိုပဲ ကိုယ်ကြည့်တယ်... အဲဒီ့မိန်းကလေးကလည်း မင်းတစ်ယောက်ပဲရှိတယ်.. စာရေးသူ...