🦋ချစ်လိပ်ပြာလေး တဝဲလည်လည်🦋
အခန်း၁၀
"လိပ်ပြာဖြူ..မင်းလိပ်ပြာဖြူမဟုတ်လား.."
လူတစ်ကောင်လုံးကြီး ရှေ့မှာထိုင်နေတာကို အစစ်ဟုတ်၊မဟုတ် သံသယ၀င်နေသူကိုလိပ်ပြာမော့ကြည့်လိုက်သည်။
လိပ်ပြာသူ့ကို မြင်ဖူးသလို စိတ်ထဲမှာထင်နေမိသည်။
"ရှင်က..."
"ကိုယ်လေ ..ထွန်းဝေလေ..ဘုန်းမြတ်ရဲ့သူငယ်ချင်း..."
မျက်မှောင်လေးကုတ်ပြီး စဉ်းစားနေတဲ့သူမကို ထွန်းဝေကြည့်ရင်း အရမ်းပျော်နေမိသည်။
ကံကြမ္မာက သူနဲ့သူမကိုပြန်တွေ့ဖို့ရန် အကြောင်းဖန်လိုက်ပြီလေ။
ခဏတွေဝေစွာ စဉ်းစားနေပြီးမှ သူမပါးပြင်မှ ပါးချိုင့်လေးတွေပေါ်အောင် သူ့အားပြုံးပြလာသည်။
"မှတ်မိပြီ..မှတ်မိပြီ..ဟို..ပြုတ်..ဖုတ်..သုပ်ဆိုတဲ့ အစ်ကိုကြီး..."
"ဟာ..လိပ်ပြာကလည်း တကယ့်ဟာမှမှတ်မိရတယ်လို့..ဒါနဲ့ ဘုန်းမြတ်ဆီမှာအလုပ်လုပ်နေတာလား..
"ဟုတ်တယ်..လိပ်ပြာကသူ့ PA လေ..."
PAဆိုတော့ သူ့ရင်ထဲကိုထိတ်သွားတာပဲ။
ဒီကောင် ဘာစတန့်ထွင်နေတာလဲ။
သူ့မှာ အတွင်းရေးမှူးနှစ်ယောက်လောက်ရှိနေတာတောင် လိပ်ပြာဖြူကို PAထပ်ခန့်တာ ဘာသဘောလဲ။
မဟုတ်မှလွှဲရော သူလည်းလိပ်ပြာဖြူကိုစိတ်၀င်စားနေတာလား။
"လိပ်ပြာ ကိုယ်တို့စကားအေးဆေးပြောရအောင် အချိန်ရတယ်မဟုတ်လား.."
လိပ်ပြာအံ့ဩနေမိသည်။သူနဲ့လိပ်ပြာက အရမ်းရင်းနှီးခဲ့တာလည်း မဟုတ်ပဲ အခုသူ့ပုံစံက နှစ်ပေါင်းများစွာ တွေ့ချင်နေတဲ့ မိတ်ဆွေဟောင်းကြီးနဲ့ပြန်တွေ့ရတဲ့ ပုံမျိုးဖြစ်နေသည်။
"ဟိုလေ..ဒါလိပ်ပြာရဲ့ အလုပ်ချိန်မို့လို့..သူဌေးခွင့်မပြုရင်.."
လိပ်ပြာသူဌေးရုံးခန်းသို့ လက်ညှိုးထိုးပြပြီးပြောလိုက်သည်။
"အော်..ကိုယ်သဘောပေါက်ပြီ..ဒီကောင်ကြီးက ကိစ္စမရှိပါဘူး..ကိုယ်သွားပြောလိုက်မယ်.."
"ဟုတ်ကဲ့.."
သူစိမ်းယောက်ျားတစ်ယောက်နဲ့ အတူမရှိချင်လို့ တမင်ဆင်ခြေရှာပါတဲ့ ဆိုနေမှ သူကသူဌေးရုံးခန်းထဲအထိပါ၀င်ပြောနေသည်။
လိပ်ပြာစိတ်ညစ်လို့ ကိုယ့်ဆံပင်ရှည်တွေကိုသာ လက်နဲ့ဖွပစ်လိုက်သည်။
YOU ARE READING
ချစ်လိပ်ပြာလေး တဝဲလည်လည်
Romance"လူတစ်ယောက်ကို ချစ်မိဖို့သူ့ရဲ့အနောက်ကဒီဂရီတွေကို လိုက်တွက်ချက်နေရလောက်အောင်အထိ ကိုယ်မအားဘူး... ကိုယ့်ချစ်ရမဲ့လူဟာ ဘယ်လိုလူမျိုးဆိုတာထက်..ကိုယ့်နှလုံးသားကညွှန်ကြားတဲ့လက်တံကိုပဲ ကိုယ်ကြည့်တယ်... အဲဒီ့မိန်းကလေးကလည်း မင်းတစ်ယောက်ပဲရှိတယ်.. စာရေးသူ...
