ဗျူဟာ ထမင်းစားခန်းထဲဝင်လာချိန် ထမင်းစားပွဲဝိုင်းမှာ အမေတစ်ယောက်
ထဲထိုင်ပြီး မနက်စာစားဖို့ စောင့်နေ
သည်ကို တွေ့လိုက်ရသည်။
ဒေါ်ခိုင်နီလာက ဗျူဟာကိုတွေ့တာနဲ့။
"လာထိုင်သား သင်တန်းမသွားခင်
မနက်စာ ထမင်းစားသွား သားကြိုက်တဲ့ပုစွန်အချိုချက်လေး အမေချက်ထားတယ်"
" အဖေဘယ်နှစ်ရက်လောက်ကြာ
မှာလဲ အမေ"
" တစ်ပတ်လောက်တော့ကြာမယ်
ပြောသွားတာပဲ သူ့မိတ်ဆွေ သားရဲ့
မင်္ဂလာပွဲတက်ဖြစ်ရင်တော့ ရက်ပို
ကြာမယ်တဲ့"
" အမေဘာဖြစ်လို့အတူတူ မလိုက်
သွားတာလဲ"
ဒေါ်ခိုင်နီလာက ဗျူဟာကို ပြုံးပြီး
ကြည့်နေလျက်ပင်။
" မင်းအဖေ အလုပ်ကိစ္စနဲ့ ပြည်ပ
ထွက်တိုင်းသာ အမေလိုက်နေရင်
အိမ်မှာနေချိန်တောင်ရှိမှာမဟုတ်
တော့ဘူး။ အစားဂျီးများတဲ့ အမေ့
လက်ရာမှကြိုက်တဲ့အမေ့သားကို
ဘယ်သူက ထမင်းဟင်းချက်ကျွေးမလဲ"
ပြုံးနေသည့် အမေ့မျက်နှာကိုကြည့်ရင်း ဗျူဟာ သူ့အမေနဲ့ မနက်စာထမင်း
အတူတူစားလိုက်သည်။
ထမင်းဝိုင်းမှာ အမေချက်ထားတဲ့
ဟင်းတွေက အစုံအလင်။ အများစု
က သူ ကြိုက်တာတွေပေမယ့် အဖေ
ကြိုက်တဲ့ဟင်းတွေကိုတော့အမေက
စားမည့်သူမရှိပါဘဲနဲ့ ဘာလို့ချက်
ထားရတာလဲ။ရန်ကုန်ကနေပြန်မလာပဲပြည်ပပါတန်းပြီးခရီးထွက်သွားတဲ့
အဖေ့ကို လွမ်းနေတယ်ဆိုရင်လည်း
အတူတူလိုက်သွားပါလား။
အမေက အဖေ့အလုပ်တွေကိုလုံးဝဝင်မစွက်ဖက်ပဲအမေ တာဝန်ယူထားသည့်ဟိုတယ်ပိုင်းကိုလည်းဝန်ထမ်းတွေကို
လစာပေးအပ်မှပင်တစ်လတစ်ခါ
ဟိုတယ်သို့ သွားလေ့ရှိတယ်။
အိမ်မှာအနေများပြီး သူတို့သားအဖ
အတွက် အိမ်ရှင်မတာဝန်ကို အပြည့်အဝယူထားသူ အဖေ့ဝေယျာဝစ္စနဲ့ ပတ်
သက်လာရင် သူကိုယ်တိုင်လုပ်ပေး
ရမှ ကျေနပ်သူလည်းဖြစ်သည်။
သူ့ရှေ့မှာအမေကအပြုံးတွေဝေနေပေမဲ့
အဖေပြည်ပထွက်တိုင်းစိုးရိမ်ကြောင့်
ကျနေတဲ့ အမေ့အပြုံးတွေက အသက်
မပါဘူးဆိုတာသူကလွဲပြီး ဘယ်သူ
သိနိုင်မှာတဲ့လဲ။
YOU ARE READING
The First He Glared
Teen Fictionမင်းကိုပြောပြချင်တဲ့အကြောင်းအရာတွေအတွက်အခွင့်ရှိနိုင်ပါ့မလား....
