" ချက်ချင်းပြန်ထုတ်ပေးဖို့မလိုဘူး မှတ်လောက်သားလောက်အောင်သာ
အဲ့ကောင်ကို အဲ့ဒီမှာ ခဏပစ်ထား
လိုက် အဖေ"နံဘေးက ဦးထင်ပိုင်ရဲ့ စကားကြောင့်
ဒေါ်ခိုင်နီလာ အံ့သြကြီးစွာနဲ့ ခင်ပွန်း
ဖြစ်သူကို အားတင်းကာ ကြည့်လိုက်
ရတဲ့အထိ။" အစ်ကို စိတ်ကိုလျှော့ အစ်မခိုင်လည်း
စိတ်အေးအေးထားနော် အစ်ကိုက
ဒေါသထွက်နေတော့"တစ်ဖက်က ဆိုဖာမှာ ဒေါ်တင့်တင့်ရီနဲ့
အတူထိုင်နေတဲ့ ဦးကျော်မြင့်သူရဲ့ စကားသံ။ထိပ်ဆုံးမှာထိုင်နေတဲ့ ဦးပိုင်ဦးက
ချောင်းတချက်ဟန့်လိုက်ပြီး ဘေးမှာ
ရပ်နေတဲ့ ဦးထင်ပိုင်ရဲ့ အတွင်းရေးမှူး
ဖြစ်သူကို။" အခြေအနေဘယ်လိုရှိလဲ မောင်မျိုးဦး"
"ဆိုရှယ်မီဒီယာခေတ်ဆိုတော့ သတင်း
ပြန့်သွားတာက အရမ်းမြန်တယ် ဥက္ကဌ
။ပိုင်ဦးလုပ်ငန်းစုကမြေးအကြီး ဆေး
သုံးတဲ့ကောင်တွေနဲ့တစ်အိမ်ထဲမှာ ဖမ်း
ဆီးခံရတယ် ဆိုတဲ့သတင်းက အရမ်း
ပြန့်နေပြီ။အကျယ်ချဲ့ပြီးအဆင့်ဆင့်
တင်နေကြတဲ့ ပေ့ချ်စာမျက်နှာတွေ
ပေါ်မှာခေါ်သွားတုန်းကဗျူဟာရဲ့ပုံ
တွေတော့မပါပေမဲ့ "ကိုမျိုးဦးက ဆက်ပြောရန် ဒေါ်ခိုင်နီလာ
ရဲ့ မျက်နှာကို အားနာစွာနဲ့ အခြေအနေ
တချက်ကြည့်လိုက်ရသည်။"ဗျူဟာရဲ့ဆိုရှယ်အကောင့်ကပုံတွေကို
ယူပြီး ခေါ်သွားခံရတဲ့မြေးအကြီးရဲ့ပုံ
တွေဆိုပြီး တက်နေတဲ့ကျောင်းနာမည်နဲ့
ပါဗျူဟာပုံတွေက လက်ရှိမှာ တစ်အား
ပြန့်နေပါတယ်။ ဗျူဟာဖုန်းကလည်း
ပါသွားတာဆိုတော့ ကျွန်တော်တို့အချိန်မှီ "" အဲဒါကအရေးမကြီးဘူး ဗျူဟာပိုင်
ပုံတွေက ဖျက်လည်းမီဒီယာခေတ်မှာ
ဘာမှတားလို့မရဘူး။နာမည်ကပါနေပြီ
ပုံတွေပါတာလောက် ဘာမှ အထွေအထူးလုပ်ပြီး အကျယ်ချဲ့မနေနဲ့"ဦးထင်ပိုင်ရဲ့အသံကဒေါသထွက်နေ
သည်မှာ အသိသာ။" လက်ရှိ လုပ်နေတဲ့ပရောဂျက်တွေ
ရင်းနှီးမြုပ်နှံထားတဲ့သူတွေကိုပဲ အာရုံ
ထား ဒီအကြောင်းနဲ့ပတ်သက်ပြီး
ကုမ္ပဏီအပေါ်ဘာimpactမှမရှိအောင်ပဲ သတင်းကိုတတ်နိုင်သမျှရအောင်ထိန်း။ဗျူဟာပိုင်က ကျောင်းတက်နေဆဲဖြစ်
ပြီး ပိုင်ဦးကလုပ်ငန်းတွေနဲ့ ဘာမှမပတ်
သက်ကြောင်း ရှယ်ယာရှင်တွေကို
အသိပေးလိုက်။ လိုအပ်ရင် ငါကိုယ်တိုင် အစည်းအဝေးထိုင်မယ်။သွားတော့"
YOU ARE READING
The First He Glared
Teen Fictionမင်းကိုပြောပြချင်တဲ့အကြောင်းအရာတွေအတွက်အခွင့်ရှိနိုင်ပါ့မလား....