အပိုင်း(၆.၂)
ကောင်းမင်သည် သူ၏အသံအားနှိမ့်ကာ ပြောလိုက်သည်: "စိတ်မပူပါနဲ့ ငါအခုပဲလုပ်လိုက်မယ် အစောင့်ပြောတာက မင်းတို့အခန်းကအဆိုးဆုံးတဲ့ တကယ်လို့ညဘက်မှာတစ်ခုခုဖြစ်လာခဲ့ရင် ယန့်မင်ကွမ်းအနားမှာကပ်လိုက်ဖို့ကို မမေ့နဲ့နော် သူနဲ့ မင်းအလွယ်တကူရင်းနှီးလို့မရနိုင်ဘူးလို့ထင်ရပေမယ့် မင်းဘာမှမသိဘူးဆိုရင်တောင် သူကမင်းကိုကာကွယ်ပေးဖို့ စိတ်ရှိမှာမဟုတ်ဘူး"
ယန့်ဝေပေါ့ပေါ့ပါးပါးရယ်မောလိုက်ပြီး :"ဟုတ်ပြီ"
သူသည်အချိန်ကြာကြာဆက်မနေတော့ဘဲ ယန့်မင်ကွမ်းနှင့်အတူ နောက်ထပ်အခန်းနှစ်ခန်းသို့သွားကာ ကျန်ရှိနေသည့်လေးယောက်အား သတိပေးရန်သွားခဲ့သည်။ အရာအားလုံးပြီးနောက်တွင် နှစ်ယောက်အတူ အခန်းသို့ပြန်လာခဲ့သည်။ပြန်လာသည့်လမ်းတွင် ယန့်ဝေသည် သူ၏လက်ကို ယန့်မင်ကွမ်း၏ပခုံးပေါ်သို့ တင်လိုက်သည်။
ယန့်မင်ကွမ်းသည် သူ့ထက်ခေါင်းတစ်လုံးစာ ပိုရှည်နေသည့်အတွက် ယန့်ဝေသည် သူ့အနားရောက်ရန် ခြေဖျားထောက်ထားရသည်။ သူပြောလိုက်သည် "ငါကအခုမင်းရဲ့ကာကွယ်မှုကိုလိုအပ်နေတဲ့ အသုံးမဝင်တဲ့မုန့်ပဲသရေစာဖြစ်နေပြီ ကျေးဇူးပြုပြီး ငါ့ကိုဂရုစိုက်ပေးပါဦး"
ယန့်မင်ကွမ်း၏အမူအယာသည် ပြောင်းလဲမသွားပေ။
ယန့်ဝေသည် အနားသို့ပိုတိုးကပ်လာသည်။ သူ၏အကြည့်က ယန့်မင်ကွမ်းလည်ပင်းဆီသို့ရောက်လာသည့်အခါ ရုတ်တရက် ဆွဲကြိုးကိုသတိထားမိလိုက်သည်။
ဆွဲကြိုးသည် အလွန်ရိုးရှင်းပြီး အလွန်ရှည်လျားသည်။ ယန့်မင်ကွမ်း၏လည်ပင်းပေါ်တွင်ရှိနေပြီး တွဲလောင်းကျနေသောဆွဲပြားတစ်ဝက်သည် အင်္ကျီကော်လံ၏အောက်သို့ရောက်နေသည်။ ယန့်မင်ကွမ်း၏ပခုံးပေါ်မှီကာ ယန့်ဝေသည် ဆွဲပြားပုံစံကို မြင်လိုက်နိုင်သည် -သတ္တုဖြင့်ပြုလုပ်ထားသည့် ပျံလွှားငှက်တစ်ကောင်ပင်ဖြစ်သည်။
ပျံလွှားငှက်၏အတောင်ပံများသည် ပျံသွားတော့မည့်ပုံစံအနည်းငယ်ဖြန့်ကားနေသည်။
YOU ARE READING
ငါ့မှာအမတတစ်ပိုင်းစွမ်းရည်ရှိနေတယ်[BL]
Mystery / ThrillerAuthor : 西瓜炒肉 Status in COO : 195 chapters + 2 Extra chapters (Completed) Genre : Horror, Mystery, Shounen Ai