အပိုင်း(၈) Promenade Hotel(၈)
ယန့်ဝေက ခေါင်းမော့ပြီး အစောင့်၏ပခုံးကို ပုတ်လိုက်ကာ “တစ်ဆိတ်လောက်ပါ လူကြီးမင်း”
အစောင့်သည် အံကြိတ်လျက် တောင့်တင်းစွာ သူ့ကိုပြန်လှည့်ကြည့်လာရာ စင်္ကြံမှအလင်းရောင်မှိန်မှိန်အောက်တွင် ထိုသူ၏ အလွန်ချောင်ကျနေသောမျက်နှာနှင့် ငေါထွက်နေသောမျက်လုံးများသည် အလွန်ထိတ်လန့်စရာကောင်းလှသည်။
ယန့်ဝေသည် တကယ်ပင် သာမန်ဟိုတယ်အစောင့်ကို ပြောနေသကဲ့သို့ “လေးတဲ့အရာတွေကို သယ်ရတာက အရမ်းပင်ပန်းတာကို ဘာလို့ ကျွန်တော်က ခင်ဗျားကို ကူမသယ်ပေး.....”
သူသည် လက်လှမ်းပြီး ယဥ်ကျေးစွာ ကမ်းလှမ်းလိုက်သည် “ဘာလို့ သန့်ရှင်းရေးပစ္စည်းတွေ ကျွန်တော့်ကိုမပေးတာလဲ၊ ကျွန်တော်ကူသယ်ပေးမယ်လေ”
လုပ်နေကျကဲ့သို့ ယန့်ဝေသည် လက်ချောင်းထက်မှ အနက်ရောင်ပြောင်လက်စွပ်ကို တိတ်တဆိတ်ထိတွေ့လိုက်သဖြင့် သူ၏သတင်းအချက်အလက်ဘောင် ပေါ်ထွက်လာခဲ့သည်။
သေချာသလောက်ပင် buff/debuff ဇယားတိုင်တွင် ‘အစောင့်၏စက်ဆုပ်ရွံရှာမှု’ နှင့် ‘အစောင့်၏ထောက်ခံမှု’ တို့သည် တစ်လှည့်စီ လင်းလက်နေကြပြန်သည်။
သူ၏သတင်းအချက်အလက်ဘောင်တွင် buff နှင့် debuff ပြောင်းနေသကဲ့သို့ အစောင့်၏ ပိန်သွယ်နေသောမျက်နှာသည်လည်း သူ့ကိုပြုံးပြလိုက် ခဏနေလျှင် သွားဖြဲပြလိုက် ဖြစ်နေသည်။
-နောက်ဆုံးတွင်တော့ ‘အစောင့်၏ထောက်ခံမှု’တွင် ရပ်တန့်သွားလေသည်။
ယန့်ဝေသည် တကယ်ပင် နည်းနည်းလောက် စိတ်ပျက်သွားမိသည်။ သူမြင်လိုသည်က အစောင့်စိတ်ဆိုးသွားရန်ပင်ဖြစ်သည်။
ဤဟာသည် အမှန်ပင် Schrodinger၏ buff ဖြစ်သည်။
[*Schrodinger ဆိုတာ wave mechanics ကိုလေ့လာခဲ့တဲ့ သြစတေးလျသိပ္ပံပညာရှင်တစ်ဦးပါ]
“ဧည့်သည်” အစောင့်သည် သူ့ဆီသို့ အမှိုက်အိတ်ပစ်ပေးလာပြီး “ခင်ဗျားက တကယ်ကြင်နာတတ်တာပဲ၊ ကူညီပေးတဲ့အတွက် ကျေးဇူးတင်ပါတယ်”
YOU ARE READING
ငါ့မှာအမတတစ်ပိုင်းစွမ်းရည်ရှိနေတယ်[BL]
Mystery / ThrillerAuthor : 西瓜炒肉 Status in COO : 195 chapters + 2 Extra chapters (Completed) Genre : Horror, Mystery, Shounen Ai