"ဦးဆွေးဆံမြည့်"ဆုံစည်းခြင်းရဲ့အစ
အဆုံးသတ်ခွဲခွာခြင်းမှာ
သံယောဇဥ်ဟာ ကပ်ငြိလွယ်တဲ့
နှောင်ကြိုးတစ်မျှင်ဆိုတာ ငါမသိခဲ့ဘူး။ကံမကုန်သေးလို့
ပြန်ဆုံတွေ့တဲ့အခါ
ရေစက်ဆိုးရဲ့ရှေ့ဖြစ်စဥ်ကို
ငါကြိုမကြည့်ရဲခဲ့ဘူး။မင်းကိုအန္တရာယ်မြူတစ်မှုန်တောင်
မကျရောက်စေဖို့ ကာကွယ်ပေးချင်ခဲ့ပေမဲ့
မင်းရဲ့ကံကြမ္မာကို တားဆီးဖို့
ငါတကယ်မတတ်နိုင်ခဲ့ဘူး။ဖီးနစ်ငှက်တစ်ကောင်ရဲ့
ရင်ကွဲမတတ်အော်ဟစ်သံဟာ
လောင်ကျွမ်းအံ့ဆဲဆဲ အတောင်ပံတွေနဲ့အတူ
ပျောက်ကွယ်ပျက်စီးသွားတော့မယ့်အချိန်မှာ
ငါဟာ မင်းနဲ့နောက်တစ်ကြိမ်ဆုံတွေ့ဖို့ ရူးသွပ်မိခဲ့တယ်။မင်းပြောခဲ့တဲ့ စကားတစ်ခွန်းကြောင့်
ငါ့ရဲ့ လစ်ဟာပျက်ကွက်မှုတွေကြောင့်
ငါ့ရဲ့ယူကျုံးမရစိတ်တွေကိုဖြေဖျောက်ဖို့
ငါ မင်းကို ဆယ်စုနှစ်များစွာ စောင့်မျှော်နေခဲ့တယ်။မင်း ငါ့ဘေးနားကို ပြန်လည်ရောက်ရှိလာတဲ့အခါ
ငါ့ရဲ့ရင်ဘတ်ထဲကိုကြည့်လိုက်ပေါ့..
မင်းရဲ့နုပျိုမှုတွေနဲ့အတူ
ငါ့ရဲ့အိုမင်းခဲ့တဲ့အလွမ်းတွေကို ပြန်ကုစားပေးပါ..
ဒီလူသားရဲ့အချစ်က မင်းအတွက်ဆို 'ဦးဆွေးဆံမြည့်'..။နတ်စစ်သည်(21/12/2018)
Timeline in 2040
~~~~~~~~~~~~~~~
မွေးဖွားခြင်း၏အဆုံးသတ်သည် သေဆုံးခြင်းဟုဆိုလျှင် သူမရှင်သန်ခဲ့သည့်သက်တမ်းက အနှစ်နှစ်ဆယ်မျှသာ။ တစ်စုံတစ်ယောက်ကို ချစ်မြတ်နိုးဖို့ မွေးဖွားခဲ့သည်ဟု သူမကိုယ်တိုင် မှတ်ယူခဲ့ပြီးသည့်အခြားတစ်ဖက်မှာ ထိုတစ်စုံတစ်ယောက်ကိုပဲ နှလုံးသွေးရပ်သည်အထိချစ်ခဲ့သည်။
ထိုအချစ်က တစ်ဖက်သတ်အချစ်။ တစ်ဖက်သတ်အချစ်ဆိုသည်မှာလည်း တကယ်တော့ တစ်ဖက်ကိုသတ်တာပါပဲ။ သေဆုံးသွားခဲ့သည့်အရာတွေထဲမှာ တစ်ခုကအသက် ၊ တစ်ခုကဘဝ။ အချစ်သည်သာကြွင်းရစ်ရှင်သန်နေခဲ့ပြီး လူတစ်ယောက်ကိုစွဲလမ်းခဲ့သည့် ပဋိသန္ဓေစိတ်သည် ဘဝအသစ်တစ်ဖန်ပြန်လည်ဖြစ်တည်ဖို့အတွက် ထိုအချစ်နှင့်အတူ နိုးထလာခဲ့ပြီဖြစ်၏။
YOU ARE READING
The Legend Of The Phoenix:Born To Love You
Romanceဖီးနစ်ငှက်တစ်ကောင်ရဲ့ ရင်ကွဲမတတ်အော်ဟစ်သံဟာ လောင်ကျွမ်းအံ့ဆဲဆဲ အတောင်ပံတွေနဲ့အတူ ပျောက်ကွယ်ပျက်စီးသွားတော့မယ့်အချိန်မှာ ငါဟာ မင်းနဲ့နောက်တစ်ကြိမ်ဆုံတွေ့ဖို့ ရူးသွပ်မိခဲ့တယ်။ မင်းပြောခဲ့တဲ့ စကားတစ်ခွန်းကြောင့် ငါ့ရဲ့ လစ်ဟာပျက်ကွက်မှုတွေကြောင့် ...